¹ Ɖǝ́cá, Mawu xònù nǝ̀ mià tɔ́gbi wò có Mawu ye nyɔ̀nnútɔ́ wó sugbɔ dǝ nɔnnɔn mǝ vovoji. ² Vɔ̀ a có égbà yé ŋkékǝ́, ǝlǝ́ xónù nǝ́ mí có ǝviá dǝ́ká jí, kǝ̀ nyì Mawu yé cinɔdutɔ wo séé. Tó yé jí í Mawu wɔ xíxéá séé. ³ Mawu cɔ̀ɛ́ í dóé déjí, í nyì Mawu yé jǝ́sidá í cɔ́ ǝnú à wó séé ɗǝdú lǝ Mawu yé nyɔ́n núnú kidǝ yé ŋsɛ́n. Kǝ í trɔ́ jìmǝ̀ nǝ ǝnuvɔɛn wɔ̀tɔ́ wó vɛ́á, èvà, kanrɛ́n dǝ́ míá dada yé lɔ̀dúnú kpáxó lǝ tóxó gánŋ́gán wó mǝ. ⁴ Ǝvá í vá lǝ́ ŋkɔ́ nǝ Mawu yé mǝ dɔ́tɔ́ wo ŋ́kɔ́ kǝ i dúe ínɔ̀n nǝa, í gbǝ́ i ŋkɔ nǝ wó tɔ́ wó séé. ⁵ Mɛn í le Mawu yé mǝ i tǝŋ nú nǝ bǝ:<< Yé í nyi ǝvi, í yé nyi dada ?>>Gbǝ sǝ íjí a:< nyi ǝvi dǝka nɛ, í yé cá á nyi dada dǝka un.>> ⁶ Ɨ́ lǝ ŋ̀nà mǝ án Mawu cɔ́ ǝviá kǝ́lǝ́ kǝ́lǝ́ va anyigbán jí, i bǝ:< yé mǝ dɔ́tɔ́wó séé wó a súbɔ́ɛ̀>>. ⁷ Mawu lǝ nú nǝ̀ yé mǝ dɔ́tɔ́ wó bǝ:<< Amǝ kǝlǝ cɔ́ amǝ dɔ́dɔ́wó nǝ gbɔ̀ngbɔ̀n kɔ̀kɔ̀ɛ́ wó, í lǝ cɔ́ ǝdɔ́cɔ́vi wó nǝ ǝzó bibi. >> ⁸ Kùdǝ́ ǝviá yá ún, ǝbǝ́ :«Amǝ kǝlǝ cɔ́ amǝ dɔ́dɔ́wó nǝ gbɔ̀ngbɔ̀n kɔ̀kɔ́ɛ́ wó, í lǝ cɔ́ ǝdɔ́cɔ́vi wó nǝ ǝ̀zóbibí. ⁹ Ǝrɔ́n ǝnyɔn jɔ́jɔ́ í crì ǝnúmànyɔ́n. I Mawu, tɔ́ Mawu sì ami dǝ gòtó nǝ kidǝ àyǝ̀titɛ́ í sǝ́wú ǝxrɔ́wó.» ¹⁰ Có àgɔ̀mǝ̀ jǝjǝ́á, dada, ǝwɔ́ anyígbán yé gri dányì. jiŋkórí wó nyi tɔ́ lɔ́nù wó. ¹¹ Wó á kú vɔa wóá kpɔ́tɔ́ ilǝ wɔ̀ tɔ̀dɔ́. Wó a kpo séé sigbǝ dovuvunǝ. ¹² Alǝ ŋrɔnwo sigbǝ zówùnǝ, í woa lǝ dɔ́rìwó sigbǝ awu nǝ, vɔa akpɔ́tɔ̀ i nyí nǝ dɛ ítɔ́ xó wó á lǝ jìdǝ̀ji. ¹³ Vɔa Mawu yé mǝ dɔ́tɔ́ kǝ ì nù nǝ́ kpɔ́ bǝ:«Kanrɛn dǝ tiŋlɔ̀ dúsì kpáxó kǝkǝ́ í sǝ́ nà nǝ gàkǝmǝkǝ́ macɔ́ tɔ futɔ́wó i sǝ trɔ́zútɔ fɔ̀kpà tútú nu»? ¹⁴ Mawu yé mǝ̀ dɔ̀tɔ̀wó nyì gbɔ̀ngbɔ̀n kɔkɔ wɔ́dɔ̀a wó, í gbǝ nyi amǝdɔ́dɔ́ wó kǝ á lǝ lǝ́bǝ̀n amǝ̀kǝ́ wó ává́ ɗu cìnɔ̀n nǝ dǝdǝkpɔkpɔ?