¹ Lǝ̀ ǝ̀hamɛn, kǝ lǝ Antiochea à ǝnyɔnúɖɛ́tɔ́ kíɖǝ́ ǝ̀dɔ̀datɔ́wó lɛ̀! kǝwo wɔ́nǝ́ bǝ́: Barnabas, Siméon kǝwo yɔ̀bǝ́ Niger luclus de cyrène, Manaën kǝ nɔ̀n Hérode amǝgan gbɔ́ kídǝ́ Saul. ² Gàkǝmɛn wó lǝ kúfù àxótó á, í lǝ bránu á́n kɔ̀kɔ̀ nù bǝ́ wó á́ ɖǝ Barnaba kìdǝ́ Saul dǝ̀ àkpáɖǝ́ká nǝ́ wóá tɔ́ ǝ̀dɔ kǝ ŋ yɔ́wó nɔ́n án ji. ³ Kǝ wó blànu ì yɔ́ Mawu jrɔ̀ á, wó cɔ̀ alɔ dǝ́ wójí í dó bàyíbàyí nɛ́n wó. ⁴ Wó kǝ́ mǝ gbɔngbɔn kɔkɔ à dɔ̀ a, jǝ̀ŋ̀kɔ̀ seleucle, í kǝ wò cò lǝŋ̀nan, wò yì Ɛhypre. ⁵ Kǝ wó vɛ́ ɖó salamila à wò tɔ́ Mawu nyɔn nùnù tò tò Yudatɔ̀wò ɖǝxóxɔ̀ wó mǝ ;Yohanes, Marc Kprɔ̀ wò dò sigbǝ súbɔ̀ví ǝnǝ́. ⁶ Kǝ̀ wó tó anyíngbán co ɖɛ́á mɛn án kǝ́kǝ́ sǝ́yi Paphos a; wó pkɔ́ mányìkì wɔtɔ̀ ɖǝ́ká ámɛn brǝtɔ̀ kǝ nyi yúdàtɔ́; í wò lǝ̀ wɔ̀ bǝ̀ Bar-Jésus, ⁷ Kǝ nɔn Serglus amɛngán ŋunú nyántɔ́ ɖǝ́ká gbɔ́. Amǝ ŋ̀nan yɔ́ Barnabas kídé Saul, ɖo ǝ́jì bǝ́ yǝǝ́a sǝ Mawu nyɔn. ⁸ Vɔ̀à Elymas "Májíkìtɔ́á" lǝ́ dàyà nǝ́wò, í ŋ jíbǝ́ àmǝgan an nan kandé ǝnyɔn an jì o. ⁹ Vɔ̀à Saul,kǝ wó gbǝllǝ yɔ́ bǝ́ Pollu í gbɔ̀ngbɔ̀n kɔ̀kɔ̀ ɖɔ́ ɖɛ́ á, tiŋ́ ŋ̀kúví dǝ́ji. ¹⁰ Í nù bǝ́"Ǝwò fùtɔ̀ yé ví" àyé gɛdɛgɛdɛ lǝ̀ asíwò í ǝnyrandǝ. Ǝnyin futɔ́ nɛ́n ǝnyɔn dodò núnú ŋ̀ kaà gbǝ́ àmɛnwó ɖɛ́ nǝ́ wòá vá tó àxótɔ́ yǝ́ mɔ́n nyɔ̀nŋ́gbi àn? ¹¹ Unfia, kpɔ̀, àxotɔ̀ lɔ̀ jǝjìwò, tɔɔ̀ ŋ̀kùvi là tɔ̀n. "ŋ̀ kaa gbǝkpɔ̀ nyindɔn nǝ́ gaxoxo ɖǝ̀ o". Zǝɖǝkà a, zùblù kídé ahun cɔn ŋ̀kùvìmǝ nɔ̀ Elymas; ŋ̀ gbɔ̀ dǝ̀si àxomǝ mɔn o,ì lǝ̀ ji amǝ bǝ̀ wa lǝ̀ àlɔ́ nǝ̀ yǝ́. ¹² Kǝ amǝgan an kpɔ̀ ǝ̀nù kǝ̀jɔ̀, ǝ̀sǝ̀ gɔ̀mǝ, ɖóbǝ́ ǝ̀pra nú cò axotɔ̀́ ỳ. ¹³ Pollu kídé ǝxrɔ à wó jǝ̀hùn mǝ cò Paphos ì và ɖò Perge kǝlǝ̀ Pamphylie. Vɔa Yohanes va cògbǝ̀ wò ɖɛ; ì trɔ̀yi Yérusalem. ¹⁴ Pollu kídǝ́ ǝ̀xraɔa wò kǝkǝ̀ Perge, ì va yi Antioche kǝlǝ̀ Pisidie. Lǝ̀ŋnan an, wó yí ǝɖǝxòxɔmǝ sabbat gbǝ̀ ì̀ vɛ kanrɛnɖɛ. ¹⁵ Kǝ̀ wò rɛn ǝsǝ̀ à wò kìdé ǝnyɔnùɖɛ tò wò vɔ à, hamǝmǝgan wò cò citǝ, ì cò gbǝ nǝ̀wò bǝ̀: " Nɔnvíwó nǝ́ mì yɔ̀ ǝnyɔn ɖǝ́ ɖɛ ì là sǝ̀ dò ŋ̀sɛn mi an, mi nui". ¹⁶ Pollù cócìtɔ̀ ì kɔ́ álɔ̀ yìyì í nú bǝ̀ " Israɛ́ɛ̀l vi ŋ̀ cù wò kìdǝ̀ míán wó sééé kǝ kpɔ̀ nǝ̀ Mawu si a,mi ɖòtó! ¹⁷ Israël yé Mawu cán mìán tɔ́gbí wó i máń wó gàkɔmǝ wò lǝ́ Egypte nyingban jìa, ì í cɔ yé lɔ́ sɛnỳsɛnŋ̀ ì sǝ́ kpʋwó dó. ¹⁸ Nǝ́ ǝxó kóká sɔný an, ǝkpɔ̀ wò jì lǝ zogbǝji.(Í lə̀lǝ̀ nǝ̀ wò kǝkǝ nǝ̀ ǝxó kóka lǝ zogbǝji). ¹⁹ Kǝ i crɔ́n ɛ-anaan dùkɔ amandrǝ́ á jrɔ a, ǝ̀ man anyíngbán nǝ́ wì í ì trɔzun wó cínɔn nú. ²⁰ Ǝnù ŋ̀nan wò jɔ́ vàyì có kǝkǝ̀ ǝxò álɔ̀fan amǝnǝ̀ kìdé blaùtɔ́n mǝ i. Mawu nan kojóɖòtɔ́ wò kǝkǝ sǝyi ǝnyɔnúɖɛ́tɔ́ samuel ji. ²¹ Ŋnan ŋǝ́ ŋgbǝ̀à wo bíɔ́ bǝ́ wò a ɖò ǝfiɔ nǝ̀ wò, ì Mawu cò Saül, Kis yé víjìjì amǝ kǝ̀có Benjamin dùa mɔ bǝ̀ nan dù fiɔ̀ nǝ̀ wò kǝ̀kǝ̀ ǝ̀xó amǝ̀nǝ̀. ²² Kǝ ǝxò amǝnǝ vàyì à Mawu ɖɔ̀rii ì cò David dǝ́ tòhò. Mawu lǝ̀ xònù cò David ŋ̀ bǝ̀: ŋkpɔ̀ David Isaï yé vi àmǝ kǝ nyɔ́n ŋ̀ kɔ̀nyǝ í lá tǝŋ́ wɔ̀ ǝnù kǝŋ̀ bǝ̀ nan wɔa. ²³ Tò amǝŋ̀nan wò jijìmǝ víwò jì à, Mawu cɔ̀ xɔnànmǝtɔ́ vá Israël; kǝ̀nyin Yésu sigbǝ́ í nùɖɛ bǝ̀ yé à wɔɛ ǝ̀nǝ́. ²⁴ Gàŋnan mǝ an Yohenes tɔ́ Mawu nyɔn kakaka kùd" jimǝ tɔ̀trɔ kidé Mawucilǝ̀lǝ̀ nan mǝŋ̀ nǝ Israël dù kɔ̀ à; gbɔ̀xò yesu nan và. ²⁵ Gakǝ̀mǝ̀ Yohanes wɔ̀ yé dɔ̀̀ jrɔ̀ à; ǝ̀nù bǝ̀: " Mi bùbǝ̀ ǝnyǝ ì a? ŋ̀ nyin ǝnyǝ ì o. Vɔa mi ɖòtò, lǝ́ tinŋ̀ gbǝ̀ à amǝ ɖǝ̀kà là và; àmǝ ŋ̀nan; ŋ́jǝ̀bǝ́ man án tǝŋ́ tù yé fɔ̀kpà kàwò kpǝ̀té o" ²⁶ Nɔnvínyǝ, ɖǝviwò Abraham yé tɔgbìwɔví wò kídé amɔ kǝ́ lǝ̀ mì an mǝ í lǝ̀ sɛn mawu à Mi an wóí wó lǝ́ dò ǝ́in là nɔ̀n nǝ́ mi an kpɔ̀ ɖǝɖǝ. ²⁷ Ɖóbǝ́ amǝ kǝ́lǝ̀ Jerusalem , kidé amǝ gan-mǝ gan wò à;kǝ woŋ̀ dǝ̀si amǝ là tò ǝnyɔn kǝ ǝ̀nyɔnuɖɛtɔ wò rɛnɔn nǝ́ wó sablatgbǝ̀ gasiagamǝ am; wò bǝ̀ yǝ o wuii. ²⁸ Kǝ̀ wòŋ̀ nyan nǝ̀ wò à wɔ̀ nɔn ì wui i à; wò vɛ nũnǝ́ Pilato bǝ̀ nan wui i. ²⁹ Kǝ̀ wò ǝnù kǝ jro o; kidé ì i kù u; wò ɖǝǝ́ lǝ àti à ŋ̀, ì sǝ dǝ̀ yɔ̀dòmǝ. ³⁰ Ʋɔa Mawu trɔ̀ fuin cò amǝkúkú wó dómǝ. ³¹ Ǝcɔ̀ ɖǝkía disa nǝ́ ámǝ kǝ kprɔɛ cò Gallelia sǝ yi yerusalem wò ŋkǝkǝ̀ sùgbɔ̀. Amǝ ŋnam wò ì nyin ǝnùtòhò kpɔ̀tɔ́ nǝ amǝwò. ³² Ɛn ɛn, Mì an wò ì mì lǝ̀ nù ǝnyɔn nyɔ́ngbi là nɔn nǝ̀ sigbǝ̀ ì wɔ ǝzǝ̀dǝ̀dǝ̀ ɖɛ nǝ́ mi an tɔ̀ gbi wò. ³³ Mawu wɔ̀ ɖǝ̀ ǝzǝɖǝ̀dǝ̀ à ji nǝ́ mi an wò kǝ nyin ǝviawo í fɔn Yesu cit́ǝ̀ lǝ amǝkùkù wò dòmǝ̀. Ǝnùkǝjɔ̀ i wò yrɔn lǝ̀ Psalmo amǝvǝ à tɔ̀ mɛ bǝ́; "Ǝ́wó í nyin ǝvinyǝ; i có ǝ́gbàjì à ŋ̀̀ trɔ̀zu tɔɔ̀ dàdà. ³⁴ Kǝ ì fɔ́n nɛ́n có amɛn kúkú wò domɛn bǝ́ yé ŋ́iran ŋ́ka nyinyɔn an; yé i wɔ́ í lǝ́ nú bǝ̀. "Man an cɔ̀ David yé mǝnúvǝvǝ nyɔnŋ̀gbin là nǝ̀ nù. ³⁵ Yé ŋ̀tí i gbǝ́ nú lǝ́ Psalomo bù mǝ bǝ́;man nan tɔɔ́ Mawu. Mǝ nɔn nɔn ŋ̀ka à nyinyɔn gbǝɖǝ̀ o. ³⁶ Ɖóbǝ́ gakǝ̀mǝ David sɛn Mawu kídé yé jòjrò ò lǝ̀ wò hoénù an, ǝkù ì wò ɖi dǝ́ yé dádá wò gbɔ́ í ì nyinyɔ̀n, ³⁷ vɔa amǝ kǝ Mawu fɔn cò amǝkùkù wò dòmǝ an, ŋ̀ nyinnyɔn o. ³⁸ Nǝ́ mìan anyán lǝ̀ mian domɛn bǝ́, tó amǝ ŋnan jì i wò nú núvɔ́n wó cɔcɔ kǝ nǝ mí. ³⁹ Tó yá jì à; amǝsiamǝ kǝ̀ xɔ̀ jìsǝ́ á; kpɔ̀mɔn i là wɔ̀ o ǝnù wò tovo nǝ̀ Mosǝ yé sǝ̀a wò. ⁴⁰ Kǝ ì nyi anɛn an; mi kpɔ̀ ɖǝ́kiwò jì; nǝ̀ ǝnyɔn kǝ ǝnyɔnúɖɛtɔ́ wò núɖɛ́a ŋ̀kàa ɖi míán ŋun ò. ⁴¹ "Mi kpɔ̀, mi an ɖǝmancɔ̀ lǝ̀ mǝ̀ tɔ̀ wò; ǝkpàcà bǝ̀ mì crɔ̀n, ɖóbǝ́ ŋ̀ lǝ̀ wɔ̀dɔ̀ lǝ mi an ŋ̀kùvimǝ. Ǝdɔ́ kǝ ŋ́ lǝ́ wɔ̀à mi ŋ́ lǝ́ kandé jì cà o, bàrí nǝ́ amǝ ɖǝ́ lǝ́ núi nǝ́ mì cà!! ⁴² Kǝ Pɔllu kidé Barnabas có Yikɔ̀ à, àmǝ wò lǝ̀ ɖǝkùkù nǝ́ wò bǝ̀; Sablat kǝ gbɔ̀nɔn an, wò à gbǝ̀ xònu ǝ̀la mɔnki nǝ́ yéwò. ⁴³ Kǝ̀ wò wɔ̀ tàkpǝ̀kpǝ̀ à jrɔ̀ lǝ̀ ǝɖǝxòxɔ̀ à mǝ an, Yudatɔ̀ wɔ̀ kìdé vòdù sɛn tɔ̀ wò à; kprɔ́ Pɔllu kídé barnabas dò ì lǝ̀ nù nǝ̀ wò bǝ̀; wòà ɖɔ̀ŋ̀ í kpɔ̀tɔ́ yìyì lǝ́ Mawu yé mǝnùvǝ̀vǝ̀ nu. ⁴⁴ Sabbat kǝ kprɔɛ dó à amǝ gǝɖǝ bɔ̀ ɖɛ í lǝ̀ sǝ̀ Mawu nyɔn. ⁴⁵ Kǝ Yuɖatɔ̀ wò kpɔ̀ àmǝ wò sùgbɔ̀ ɖɛ ǝnǝ̀ an, wò tɔ̀ xòmǝ̀fin jì; i l̀ǝ̀ gbàrì ǝnyɔn kǝ Pɔllu lǝ̀ nù an, ì lǝ̀ ɖǝzù dǝ̀ỳ. ⁴⁶ Vɔa Pollu kíɖǝ́ Barnabas wó kpɔtɔ í lǝ́ xònù kídǝ́ kàkádǝ́jí ǝ̀lǝ́ ́vǝ̀vǝ̀ bǝ́ wòà kàkà Mawu nyɔn nǝ̀ mi jǝŋ̀kɔ̀. ỳ kpɔ̀ bǝ́ mí lǝ́ cɔ̀ ǝnyɔn an wò dànỳkpìin í bùìbǝ̀ yǝ wò Mì an wò à, mì an trɔ̀ yì vódú súbɔ́tɔ́wó gbɔ́. ⁴⁷ Nǝ́nɛn í axòtɔ́ à nù nǝ̀ mí ɖɛ nǝ: " ŋ́ càn wò bǝ̀ nan nyin kɛnklɛn nǝ̀ vòdù sùbɔ̀tɔ̀ wò. Nǝ man cɔ̀ ɖǝɖǝkpɔ̀kpɔ̀ nǝ̀ amǝ wò kǝ̀kǝ̀ sǝyi anyingban yé nù vɔ̀xó. ⁴⁸ Kǝ̀ vodù súbɔ́ tɔ́ wò sǝ ǝnɛ́n án wó lǝ táyé í lǝ káfú nyɔn an. Kǝ wó nú bǝ́ amǝsíamǝ jǝ́ nɛn àgbǝ̀ tɛ̀gbɛ̀ɛ̀ a; wò kandéji. ⁴⁹ Axòtɔ̀ yé nyɔn an gbándé nútóámǝ sééé. ⁵⁰ Vɔa Yùɖàtɔ̀ wò lǝ̀ dòzò ràn mǝ nǝ nyɔnrun wò kǝ xɔ̀ Mawu jìsǝ̀ kidé ǝ́dùmǝ mǝ̀gan wò; i wò cò ì tɔ̀ Pɔllu kidé Barnabas nyanyàn; i ɖewò dò lǝ̀ ǝdù à mǝ; i kprɔ̀ wò kǝ̀kǝ̀ sǝ flà ǝdù a yé rixò. ⁵¹ Ʋɔa, Pɔllu kidé Barnabas wó huŋhun wó fɔwò, ì fùtù kɔ̀wò gban dǝ wò jì. I wò jǝ̀ŋkɔ̀ Icone dùamǝ. ⁵² Ǝ̀ji jɔ̀ wò sùgbɔ̀; i ̀gbɔngbɔn kɔ̀kɔ̀ ɖɔ̀ wò mǝ ɖɛ.