¹ Vá dó gàdə̀ ká məa ə̀fiɔ Ǝ̀ródì và tɔ̀ funyáfunyá dódó nə́ haámə ví də́káwó. ² Yíì wu Jàákì Yohánà ə́nɔ ví. ³ Kə ìkpɔ́ bə́ ənúnɔwɔa jəjí nə́ Yùúdà tɔ́wóá əvɛ́ɛ lə́ Pétrò cá lə əmá mahúán mahúán ŋkəkə jí. ⁴ Kə wó lə́ə də́ gàxɔ̀məjrɔ́á, ə́cɔ́ɛ də́ àsínə́ sɔ́ja kəwó sí sɔ́ja ámənə ámənə ləa kídə́ sùsú bə́ yəá dəədíìsá lə dìdílaməhú ə́zán, ŋgbə́. ⁵ Yí Pə́trò lə gàxɔ̀mə ɖɛ́ vɔ̀à ə̀haməa kpɔtɔ ləji dɛ́ yí lə xodə̀ nə̀ Mawú də́ ə́ta. ⁶ Ǝ̀zan kə də́ŋkɔ nə́ ŋkəkə kə Ǝ̀ródì dodɛ́ bə́ yəá seŋ díìsáá wóbrá Pétrò kíɖə gàwɔ̀rɔ̀ amə̀və̀ yíì dən arɔn də́ sɔ́ja ámə̀və̀ doŋdomə yí àgbòŋújɔláwó lə jɔ àgbóá. ⁷ Zə̀də̀ká Mawú-ə́ŋədótɔ́ də́ká vá do yí kìnkrín ɖə́ká do vá ə̀xɔa mə sə́ə́ə́, yí ŋədótɔ́á nyɔ Pétrò yì lə xo àxadamə nə̀ə ílə nú nə́ə bə́, nácó kábá yí yə́ gàwɔ̀rɔ̀ à kələ alɔ nə́əa wó co kɔdə́ anyigbán. ⁸ Yí ŋədótɔ́ á lə núnə́ə bə́ bra tɔɔ́ árinjí nə́ nàdo tɔɔ́ fɔkpa íigbə wɔɛ ənə́ tútútú íìbə ná dó yə́ zowu náà kprɔ yə dó. ⁹ Pétrò do íkprɔ Mawú-ə́ŋədótɔ́á dó ŋ́hagbə lə nyànyákɔ bə́ ənú ŋtáŋtá yí lə jɔ ò ə́yá bũkɔ bə́ ŋutəgan yí yələ kpɔ́. ¹⁰ Kə wótó àgbò kə́lə́kə́lə́ tɔa məa kíɖə́ ə̀və̀àtɔ́á məa wó vá dó ə̀dùà gbónu kə wó wɔ kídə́ gàkpòà ə̀hɔ̀n àn hún lə də̀ə kia sí lə wó ŋkɔ wó do vá ívá jə əmɔ́ də́ná jí yí Mawú-ə́ŋədótɔ́ có lə Pétrò gbɔ. ¹¹ Kə Pétrò trɔ́vá dəə́ kia mə a. Ə́bə́ yə səə́gɔmə xótɔn bə́ Mawú dɔ́ yə́ ŋədétɔ́ vá í í và ɖǝ lǝ hǝ̀ródì sìmǝ yí gbǝɖǝ yǝ lǝ yúdátɔ̀wó mɔkpɔ̀kpɔ̀ mǝ. ¹² Kǝ̀ǝ bu ǝ̀ŋǝ̀kpɔ̀jrɔ̀à ǝ̀yi maria kǝ nyi yòhánà kǝ wó kpaŋkɔnǝ bǝ̀ Mákò á xɔ̀sǝ̀tɔ̀wò sùgbɔ̀ví kǝ wóyɔ̀nǝ̀ bǝ̀ Ròódía và bǝ̀ yǝ á ǝ̀hɔ̀n à. ¹³ Kǝ ívátɔ̀ ǝhɔ̀n à xoxo a sùbɔ̀vi kǝwóyɔ̀nǝ̀ bǝ̀ Róóɖìa và bǝ̀ yǝ á hu ǝ̀hɔ̀n à. ¹⁴ Kǝ ivà do ɖǝ́sìbǝ ǝ̀gbǝ̀ à nyì Petrò gbǝa, ayǝ̀tɛ́ɛ kǝ̀kǝ ǝ̀ŋrɔn bǝ̀ bǝ yǝgbɔnɔn ǝ̀hɔ̀n gbǝ̀ yíí súdú yi zǝ̀dǝ̀kà ì vɛ́ɛ nú nǝ̀ò bǝ̀ Pétró lǝ ǝ̀hɔ̀n ŋgbǝ̀dɛ́. ¹⁵ Wó lǝ nù nɛɛn bǝ̀ ǝ̀lǝkùcu yíá vɔ̀à ǝ̀kpɔtɔ ílǝ dóókpǝ̀ ǝ̀jí bǝ̀ ǝnyɔ dodó yí. yí wó lǝ nú nɛ́ɛ bǝ̀ yǝ̀ ŋǝdótɔ̀ yí. ¹⁶ Vɔ̀à Pétro kpɔtɔ lǝ xo hɔ̀n-an vǝ wó hu hɔ̀an wó kpɔ́ɛ yíí kpácáwó. ¹⁷ Pétró wɔalɔ nǝ̀wò bǝ̀ wò nà bɔnu xuììì yíí nu ǝnùnǝ vá jɔ dǝjì sigbǝ nǝ Axòtɔ̀ dǝǝ lǝ gàxɔ̀mǝ ɖóá. íí nú nǝ̀wò bǝ wó ná núi nǝ nɔví Jààki kidǝ̀ nɔvi kpɔtiáwó. ŋina ŋgbǝ̀á ǝ̀cò lǝ nɛɛ́n na yi yi áfúbú. ¹⁸ Kə ŋkəkəwó lə voa, sɔ́jawó tɔ́tɔ́ lə wó dəkiwo mə lə ənú kə vá jɔ də́ Pétro jìá dóá wóŋnyá ənúkəvájɔ də́jí á ò. ¹⁹ Kə Hə̀ródí jì jí Pétrò dan kə́kə́ yí ŋkpɔ́ɛa, ə́cɔ́nyɔ də́ sɔ́ja wó ŋú, bə́ wó ná wuwó zə̀də̀káá ə́cɔ́ əmɔ́ íyi Yúdə́yà kə nyí káyízáró tɔa í àvɛ nɔɔ́n na. ²⁰ Hə̀ródì lə xoməfíɛ́n mə kídə́ Tíro kídə́ Sìdɔ́nì ŋu. Yí Tírò kídə́ Sìdɔ́nì tɔ́wó va də́ə̀du yí kprɔ Blasto ə̀fiɔ yə́ càámì gàn də àsí bə́ ná vɛ́ɛ bíyɔ́ ŋúti fáfá əfiɔa kídə́ yəwó ənúkədɔ́á ə́fiɔ yə́ nyígbán jí yí wó vá xɔnə ənú dudu lə. ²¹ Yí ŋkəkə də̀ká kə nyí ŋkəkə dódó də́ká vá, yí ə̀fiɔ ŋtá dóáwu kələ nyí ə̀fiɔ wu yí vɛ́ɛ kanrin də́ ə̀fiɔ zikpi jí, yí xonu nə́ dùnɔ́n à. ²² Ɖùkɔ́n á dáàxá bə́: "Mawú ə́gbə yí roooo ŋ́nyí ámə gbə̀tɔ́ yí òó. ²³ Zə̀də̀káá Mawú-ə́ŋədótɔ́ də́kádi vá yi vá xoə ənúkədɔ́á ŋcɔ́ bùbù nə Mawú ò. Yí əyə́víwo duikə́kə́ yìxúmə yíìkú. ²⁴ Vɔ̀à Mawú ə́nyɔ lə ganŋgan yí lə ji də́ji. ²⁵ Bàrnábà kídə́ Pɔ́lù vɔ wó dɔ́ lə yə̀rúsàlɛ́mì. Wótrɔ́ có nɛɛ́n na yí kprɔ Yòhánà kə wó ná ná ŋkɔ́ bə́ Mákò à.