ATCHAMADO_BEN-aug_1th_text

Ǝ́ta 3

¹ Ǝ́núkə̀dɔ́xí, kəníkágbə́tə́ŋkpàjíà, mívá búsúsúbə́ ənyónbə́ núàwò ɖə́ɖə́míànɔ̀n Àtɛ́nə. ² Mídɔ́ Tímótə́, míà nɔ́vi kídə́ yə̀ hádɔ́wɔ́tó nə Mawú lə Kristó ə́nyɔ̀n nyín mə bə̀ wóà dóŋusɛn mí írikə̀míaxɔséwó. I númədədəbúwo lənú bə́: "mídɔ́ Tímótə̀ó míà nɔ́ví kíɖo xə̀ hádɔ́wɔ́tó nə Mawú." ³ Míwó ə̀núláwo sééé bə́ aməɖə̀kín nə kácákáwó lə xàxàláwóməó. Ǝ́núkə dɔ́à yə̀ í wóɖóɖə̀nəmí. ⁴ Lə nyɔ̀ndódóməà, kàmínɔ́n míàgbɔ̀à mínúnə míɖəbə́ míakpə̀fútó xáxáwómə, i va mə sígbə̀ mìnú íɖə́ à. ⁵ Yə́ ŋətí, kə̀ŋɛ́nkátə̀ŋə gbə̀ kpàjíà ílənɔ́tə̀à, ŋədɔ́wó bə́wóà nú míà xɔ́séwóŋə. Tá ŋúnyɔ́n ɖəfíà amətə̀àməkpɔ́ va tə̀míkpɔ́ də̀ɖə̀wó í míàdɔ̀wó dɔ́n. ⁶ Vɔ́à Tímótə́ó, váɖó mìàgbɔ̀à, ə́cɔ́ míà xɔ́sé kidə́ míà rɔ́nrɔ́n ə̀nyɔ̀n nyɛn ə̀nyɔ̀n nyɛn wóvá. Ǝnúnə mí bə́ mílə ŋəkúɖójínú nyɔ̀ngbiwó có míà ŋú, ímíləjíbə́ Míàkpɔ́mí sígbə́ míà cán míləjíà; ⁷ kínà ŋətí, nɔ́víwó, lə míà rán mə gbàngbàn kídə́ rán mə kùkùmə wódómí núsɛn có míàxɔ́sémə. ⁸ Ǝnúkə̀dɔ́ífi, mílə agbə́, nəmílədə̀ Mawú ŋú. ⁹ Ǝnúkə́dɔ́à nə míàdákpə́ nə Mawú mɔ́ nə jíjɔ́ kə̀ mínà míɖədísà lə yə̀yəkɔ́. ¹⁰ Ǝzan kídə́ ŋəkə̀kə́, mílə xóɖə sɛnúsɛnú bə̀ nadəmɔ́ nəmíàkpɔ́ míà ŋə kúmə nə míàcɔ́ ə̀núkə̀wó híanwó ísɛnkpə́ míà xɔ́séwó. ¹¹ Mía Mawú kídə́ míàdádá ŋətáŋtá kidə́ míà xótɔ́ Yesú, nakprɔ́ míà mɔ́wóva míàgbɔ́. ¹² Áxótɔ́ náná míàjikpə́ nərɔ́nrɔ́n násígbɔ́ nə míàŋətàwó kidə aməsíamə, sigbə́ mílə wɔ́ə́ nə míacán. ¹³ Bə́à dó nusɛn míàjiwó nəwó kàkpɔ́ ə̀vɔ̀n ɖə́kin lə kɔ̀kɔ̀ nyənyəmə lə Mawú dádá ŋəkɔ́ kídə́ míàxótɔ́ Yesú yə́tɔ́trɔ́va kídə́ yə̀mə kɔ́kɔ́wó sééé.