¹ Ɖo nɔviwo mi ŋtáwo mi nyan bǝ mián gbɔ vává ŋnyi ǝnù gbà lǝ̀ o. ² Mi nyan bǝ mi dú ayá váyi i wo dó ŋúkpǝn mi lǝ Filippǝs mi kàn dǝ mian Mawu ji i káká Mawu nyɔn lǝ xáxáwo mǝ . ³ Ɖo mian nyɔn núnú ŋnyi vɔdádá nɔ mi makɔtɔ nɔmi amǝ brǝ́brǝ́ o. ⁴ Vɔá sigbǝ nǝ Mawu dǝ yǝ nyɔn an disá nǝ mian yǝ i mi lǝ nù. mi ŋú lǝ nui nǝ miajǝ amǝwo nú o vɔà Mawu nú yǝ i lǝ̀ dò Mían jiwó kpɔo. ⁵ Ɖo mi ŋú vivi númǝ nǝ amǝwo ɖǝ gádǝmǝ sigbǝ mi nyin ǝnǝ nɔmi amǝ xáxá ǝnǝ o Mawu ŋtá kpɔ yǝ tóxó, nǝnǝ kǝ mi ŋŋuji amǝgbǝtɔvi yǝ kpǝnkpǝn mǝ có ǝgbɔwo nɔmi amǝbu wo gbɔo. ⁶ Mían mǝ tǝŋú biɔ búbú nǝ mian ɖǝkiwo sigbǝnǝ kristo yǝ mǝ dɔdɔwo ǝnǝ o . ⁷ Vɔá mi vivi kǝ mi sigbǝnǝ ajínɔn vivinǝ kiɖǝ ǝviawo ǝnǝ . ⁸ Nǝnǝ kǝ mi dó rɔnrɔn nǝ mi mi lǝ mán ǝnúwo kidǝ mi lǝ jijɔ kpɔʊkpɔ mǝ ŋù nyi Mawu nyɔnán ɖǝ̀ɖǝ̀ o vɔà mian gbǝ nɔn nɔn dó mi lǝ vǝvǝdǝ nǝ mi. ⁹ Do nɔnviwo mi ɖóŋúi mian dɔ̀ kidǝ mian yadùdùwo. ŋúdɔn cá ǝzán cá mi lǝ wɔ dɔ nǝ mi ká va nyi ágban nǝ mian dómǝtɔ ɖǝ o. Gàn namǝ wo séé à mi lǝ nù Mawu nyɔn nǝ mi. ¹⁰ Mi kpɔ yǝ tóxó mi Mawu cá kpɔ yǝ tóxó sigbǝnǝ mi nɔn àgbǝ lǝ kɔkɔnyi nyi ǝdódó núnú mǝ dódá miawo kǝ lǝ xɔ mianjisǝ wo gbɔ nǝ wo ŋlca xónù có miań ŋú o. ¹¹ Nǝn kǝ mi nyen bǝ mi dó ŋusɛn mi i rɔn nú mi sigbǝ̀ dádá kidǝ ǝviwo ǝnǝ. ¹² Mi nui nǝ mi bǝ mi dó lá zɔn azɔnri kǝ la jǝ Mawu kǝ lǝ yɔ mǝ va yǝ fiɔduxò kidǝ yǝ kpǝnkpǝ gbɔá tɔ. ¹³ Cágbǝ nantɔá, mi danǝ akpǝ́ nǝ Mawu tɛ́gbɛ́ɛ́ nǝ kǝ mi xɔ Mawu nyɔn kǝ mi cɔ vá nǝ mi sigbǝ ǝnyɔn màn cò agbǝto gbɔ ǝnǝ vɔa mi xɔɛ adódómǝtɔ sigbǝ Mawu nyɔn ǝnǝ Ǝnyɔn nán i lǝ wɔdɔ lǝ mian wo kǝ xɔsǝàwo mǝ. ¹⁴ Ɖó nɔviwo mi và trɔ Mawu xá srátɔ kǝ yuda lǝ kristo yésu mǝ dó mian dumǝ. viwo cáwo dó aya ɖúɖú nǝ mi, á yá ɖúɖú kǝ wo ɖu lǝ yudatɔwo lɔmǝ án. ¹⁵ Yuɖatɔwo i wú áxótɔ yésu kidǝ yǝ nyɔn núɖɛ́tɔwo. Yúɖatɔwo i nyán mi. wo ŋu nyɔn Mawu yǝ ŋkɔ o. wo nyi kǝtɔ nǝ amǝwo sée. ¹⁶ Wo gbǝ bǝ mi ŋka káká nǝ wá kpɔ ɖǝdǝ o. wo gbǝ lǝ wo nuvɔɛn kpéé kpɔtia kpɔtia Mawu yǝ xómǝfiɛn la vá wóji. ¹⁷ Nɔviwo, mi có lǝ mian gbɔ nǝ gáɖǝmǝ sigbǝ agbǝtɔvi ǝnǝ vɔá ŋn nyi lǝ jimǝ o. Mi ji bǝ mian gbǝ kpɔ mi. ¹⁸ Do mi ji bǝ mián gbǝ va miàngbɔ ǝnyǝ Pɔlú vɔá satana túmɔn nǝ mi . ¹⁹ Do nú kǝ i nyi mian kánkán dǝji nǝ ǝcɔ mian jijɔ kpɔkpɔ i à nɔmi mian vóvókpɔ kpɔ lǝ áxótɔ Yésu ŋlcɔ nǝ i vá váa? ŋunui mian kidǝ amǝ búwo á ? ²⁰ Ɖo mian wo i dó jijɔ kidǝ kpǝnkpǝn mǝ nǝ mi.