ATCHAMADO_BEN-aug_1th_text

Ǝta 1

¹ Paulu, Silvano kídǝ́ Timoteo wó ŋrɔnú ɖíɖà Tesalonik tɔwóxamǝ́an, lǝ́ Mawu ɛtɔ kidǝ́ axotɔ Yesú Kristó yǝ́ ŋkɔmǝn. Amɛ́nuvɛ́vɛ́ kidǝ́ fafa nan nɔn mi an jí. ² Mi da akpǝ̀ nǝn Mawú dǝ́ miawó séé tà, lǝ́ gbǝ́dodoɖà mǝn. ³ Lǝ́ mían Mawú ɛtɔ yǝ́ ŋkuvi mǝ́n an mi ɖonǝn ŋu mi, mia xɔsǝ́ dɔ wɔwɔwó, mian rɔnrɔn akún akún kidǝ́ jigbɔɖi xɔsǝ̀ nǝ̀n ŋkǝ́kǝ́ kǝ́ là và và lǝ́ míàn xótɔ Yesú Kristo mǝ́n. ⁴ Rɔnrɔntɔwó lǝ́ Mawú mǝ́n, mi nyan bǝ́ ǝ can nú, ⁵ ɖóbǝ́ mian xotɔ và miangbɔ, ŋ nyí lǝ nuxómǝn ɖǝ́ɖǝ́ ó, vɔà lǝ́ ŋusǝn mnɛ‌ɩʔ‌ɩƙɩɖǝ́ kakadǝ́ji súgbɔ lǝ́ gbɔgbɔ kɔ́koǝ́ mǝ́n. Nǝn nǝn kǝ́ mi nyan amɛn kǝ ŋkuvimǝn mi nyí kǝ́ mi lǝ́ mian domǝn nǝn mían nyɔnyɔn. ⁶ ́Mitrɔ zun míànwó kidǝ́ Axotɔa sratɔ, sigbǝ́ mixɔ ɛnyɔan lǝ́ húnyahúnyanwó mǝn lǝ́ jijɔ kpɔkɔ kǝ có gbɔgbɔ kɔkoǝ́ mǝ̀n. ⁷ Sigbǝ́ yǝ́ mǝn cónù àn, mi nyi kpɔdǝŋu nǝn amǝn kǝ́ wó xɔnǝn sǝ́ lǝ́ Makǝdonia kidǝ́ Ahaya. ⁸ Ɖobǝ́ có míàn gbɔà, Axotɔ́a yǝ́ nyɔn ɖì hoó, ŋ nyi lǝ́ Makedonia aló ahaya ɖǝ́ɖǝ́ ó. Boŋ, lǝ́ afi siafi kǝ́ miàn ji xɔsǝ́ kaka yi. Ɛ na bǝ́ ŋ xian bǝ́ miàn nù yǝ́ nyɔn ó. ⁹ Ɖobǝ́ wó ŋtawó nú ɛnu, ɛmɔnu kǝ́ mi kpɔ có miàn gbɔ. Wó nú sigbǝ́nɛn mi trɔ dǝ́ Mawú ŋu ɖóa, i trɔ lǝ́ ɛkpǝ́ tatawó yomǝ́n i lǝ́ sǝn Mawú dódó makúmakúà. ¹⁰ Wó nù bǝ́ mì lǝ́ nɔntǝ́ kpɔ Mawú vià có ɛjiŋkuri mǝ̀n, kee& i yǝn có amǝkukuwó mǝn. Yesu i ɖǝ́ nú có Mawú yǝ́ xomǝnfiɛn kǝ gbɔnɔn àn mǝ̀n.