ATCHAMADO_BEN-aug_1co_text

Ə́ta amǝnǝ

¹ Nǝnǝ́ yíì jǝ bǝ́ wó bu mí sigbǝ Kristo súbɔ́wó kǝ wó cɔ́ Mawú ǝ́nyɔ wáwrá dǝ́ àsí nǝ́ bǝ́ mían kpɔ́ ǝ́jí, yǝ́ nyɔ kǝlǝ nyí ǝnyo dodóá. ² Ǝjǝ bǝ́ ǝnúwó jíkpɔ́tɔ́ nányín amǝ nyɔ̀nŋgbin kǝjí wóá kándíá. ³ Lǝ tinyǝ kpáxó á ŋdǝ̀fuńŋ bǝ́ mian wó àló amǝbú lǝ mian domǝ ná dó kojó ŋ ò. ⁴ Yǝ́yídɔ́ yí miŋká dó kojó amǝ dǝ́kin gbɔ̀ hó gàmǝ̀à nà và ò, miŋkádó kojò amǝdǝ́kín gbɔ̀xó Áxótɔ́ Yèésù nà ráò. ⁵ Ádǝ ǝnú dǝ̀síàdǝ kǝlǝ ǝ̀zubrumǝ vá kandǝ́gbán ŋkɔ, ǝnu wrawradǝ̀síàdǝ kǝ có ǝ̀jìmǝ súsúwo gbɔ́ sǝ́ǝ́ǝ́ dǝ gbagbaŋgba. Í amǝsiámǝ áxɔ yǝ́tɔ gómǝ có Mawú gbɔ́. ⁶ Noviwó ŋcɔ́ nyǝki&dǝ́ Àpólò nyɔn ísǝ́ŋ na& kpɔ̀dǝ́ŋú bǝ́ ná wɔmi ŋyɔgbi nǝ́ mián kpráanú có míán gbɔ́"miŋká yiŋkɔ kǝ́kǝ́ yigbǝ fí nyí ríxoa ò. Yí wó wran dɛ́á ò." Bǝ́ amǝ dǝkin ŋnává lǝ cɔ́ dǝ̀ǝ kia dǝ́ǝ̀ji lǝ wó nɔvíwó domǝ ò. ⁷ Ǝnúkǝdɔ́á mɛɛ́ lǝ kpɔ́ vòvòtótó lǝ wó amǝ ámǝ̀vǝ̀à mǝ sǝ́ǝ́ǝ́ mà? Núkǝǝ̀ yi su mian sí yí ŋnyí àfǝ́nuyí ò? nǝ́ mixɔɛ àfǝ́ àfǝ́á núkǝǝ́yikɔ yí mian lǝ kpɔ́ mian dǝ́niwó sigbǝ miŋxɔɛ àfǝ́àfǝ́ ǝnǝ́ ò. ⁸ Ǝnúdǝ̀síàdǝ kǝ milǝjíá su mian sivɔ̀à! mitrɔ́zu ǝnúnɔamǝ sítɔ́ vɔ̀à! Í mitɔ ǝfiɔdudu àn. Ányɔ́n bǝ́ mían cá míán dú fiɔ kíɖǝ́ mi. ⁹ ŋlǝ súsúi bǝ Mawú yɔ́ mí vá sigbǝ amǝdɔ́dɔ́ kǝwó nyí amǝ kpɔtikpɔtia kídǝ́ amǝkǝ wócò kífiɔ nɔ́ yí wókprɔɛ yìkɔ wùwù gbǝ. Lǝ amǝwóŋkúmǝ ǝnǝ́ mitrɔ́zu ǝnúkpɔ́kpɔ́ nǝ́ xíxǝ́amǝ kiɖǝ́ ŋɛdótɔ́wó kíɖǝ́ amǝgbágbǝ̀ wo. ¹⁰ Mírɔ́zu númanyátɔ́wó lǝ Kristòta. Mianwó yá ŋunúnyátɔ́ lǝ kristo mǝ yí minyín. Mí gbɔ́jɔ́ vɔ̀à mianwó mikpɔ́ ŋúsǝ́n bùbù lǝ mian ŋú míánwó yá míŋlǝ dǝ̀kǝ́ mǝ ò. ¹¹ Kǝ́kǝ́ váná gàxòxò lá ńfia dɛ̀à fifǝ́ kidǝ́ cikɔmǝ dɛ́; mí dó nǝ́ awugánŋgan déo awugbálǝ dǝkáwó dǝ̀dǝ̀yi mi dónɔn wó xonǝ mi yàkàyàkà míŋdó àfídǝdɛ́ í aýiò àxó cá ŋ́lǝ míán sí ò. ¹² Miwɔnǝ ǝ̀dɔ sinsin kíɖǝ́ míán ŋtáwó lɔ; nǝ́ amǝwó zumíán míán wó mí yránǝ́ nǝ́ wó tín míányómǝ an mí ja nɔn àgbàgbà yí drónɛ. ¹³ Nǝ́ wó zumían míjí nǝ̀ ǝ̀nyɔɛn nǝ́wó mítrǝ́zu ǝnú maɖinú nǝ́ xixǝ́á bá sindǝ́ ǝ́gba. ¹⁴ Nyǝŋ́ lǝ wran ǝnúnǝ́ mi bǝ́ má sǝ́ŋ dó ŋukpǝn mi ò. Vɔ̀à bǝ́ má sǝ́ŋ kprámi ǝnú yí. Í seŋ́ jramidó sigbǝ ǝ̀vinyǝ rɔ̀nrɔ̀n tɔ́wó ǝnǝ́ . ¹⁵ Nǝ́ midó núkprámǝtɔ́wó sigbǝ amǝ sáki ámǝwó ǝnǝ́cá lǝ Kristo mǝan Ɖàdà sùgbɔ ŋ́lǝ míaăn sí ò. Ǝnúkǝdɔ́ó ǝnyǝdǝ́ki, dǝ̀dǝ̀yí nyín dàdà kǝ mi lǝ Kristo Yèésù tó ǝnyɔnyɔiéta. ¹⁶ Yǝ́yídɔ́yíŋlǝ kprámi bǝ́ mián tó tiín fɔtóhó. ¹⁷ Ƴǝ́yídɔ́yí ŋdɔ́ tìmɔ́tè, tiín rɔnrɔntɔ́ kídǝ́ jɔ̀jɔ̀ɛ̀tɔ́ ǝ̀rinyǝn lǝ Axótɔ́ mǝ. Ádóŋ tiín nú ŋkprámi vayiawó lǝ Kristò mǝá sigbǝ nǝ ́ ǝnúkǝ kprákprálǝ afísíàfí lǝ hamǝ áwó mǝ. ¹⁸ Amǝdòó lǝ kɔ́wódǝ́kiwó glòjò sigbǝnǝ́ nyǝŋ́gbǝ gbɔnǝ mian gbɔ́ ǝnǝ́. ¹⁹ Màa vá mian gbɔ́ lǝ madinŋdin mǝ, nǝ́ Áxótɔ́ dǝmɔ́n án. Nyǝǝ́ŋkà dǝsi wó nuxó gàngánŋgán tɔ kǝwó núnǝa dǝ̀dǝ ò vɔ̀à gbǝ kpɔ́ wó ŋsín cá. ²⁰ Ǝnúkǝdɔ́á Mawú ǝ́ fiɔ duxó ŋlǝ ǝnuxómǝ dǝ̀dǝ ò vɔ̀à lǝ ŋusin mǝ cá. ²¹ Nú kǝǝ́ mi lǝ jí? ǝ́jǝbǝ́ mává mian gbɔ́ kídǝ́ àtíxoamǝàn àló rɔ̀nrɔ̀n lǝ gbɔ̀ngbɔ̀n dǝ̀kà mǝ kíɖǝ́ dɔ̀mǝ̀fàà mǝà?