¹ Nɔn vió kǝ ŋ va mi an gbɔ á, nyǝ va kidǝ ǝnyɔn kǝ a wɔdɔ dǝ amǝ ji nɔn mi suru kǝ ŋ lǝ nù Mawu yé nyɔn dodó kǝ wó wradɛ á wó . ² Cagbǝ nyan ŋji bǝ ma nyan ǝnyɔn dǝ có mian gbɔ̀ gakǝ mǝ kǝ ŋlǝ̀ mian mǝ o mian ɖǝ Yesu kristo kǝ wó kán dǝ́ aticoga un ji lǝ mǝ. ³ Ŋlǝ mi an mǝ kidǝ vɔn vɔn , ran mǝ tútú kidǝ ran mǝ xoxo wó . ⁴ Tiŋ nyɔn wó kidǝ tiŋ nyɔn kaká wó ŋ hǝn nyɔn kadǝji wo sùgbɔ o vɔa ǝlǝgbɔngbɔn kɔkɔ yé nú wɔ̀wɔ̀ wò mǝ kidǝ ŋsǝn. ⁵ Cagbǝ mian xɔ́sǝ ŋca ci amǝ gbǝtɔ yé suru ji o, vɔa lǝ Mawu yé ŋsǝn mǝ. ⁶ Mi lǝ̀ xónú lǝ amǝ cincin mǝ kidǝ sùrù vɔa mi ŋ lǝ xó nú có xixǝamǝ yǝ súsù ŋ o kǝ xixǝa mǝ yé mǝ kprɔ́tɔ̀ wó lǝ̀ vá lǝ yi. ⁷ Vɔa mi lǝ nù Mawu yé suru lǝ Mawu yé dodó kǝ wrádɛ a mǝ suru ŋnan kǝ wra dɛ́ á , Mawu ya nyi dɛ xoxo nǝ mi an amǝnuvǝvǝ mǝ. ⁸ Amǝkpɔ̀tɔ̀ wó ɖǝ kɛn ŋjǝsi suru ŋran o, cagbǝ nǝ wó jǝsi lǝ gaxoxo ŋ nan mǝ an, wo ŋ́ nán rɔ̀n i kán yǝhawa lǝ amǝnuvǝvǝ mǝ o. ⁹ Vɔa sigbǝ wò ŋrɔn dɛ á : << Ǝnú kǝ wo ŋkuvi ŋkpɔ o, ǝtó ɖǝ ŋsé o amǝ ɖǝ hɛn ŋ susui ǝnu kǝ wó Mawu ɖóɖɛ ́ nǝ amǝ kǝ́ rɔ̀n an wó>> ¹⁰ Mawu nú nyɔn la wó dɛ́ xóxó co gbɔngbɔn mǝ. cagbǝ gbɔn gbɔn kɔkɔ yá kpɔ nǝ ǝnù lá wó ɖɛ́ xóxó kǝkǝ i sǝŋ yi Mawu mǝ . ¹¹ Mɛ́n i nyan ǝnú kǝ lǝ amǝ ɖǝ̀ yǝ̀ ta mǝ i sǝn zǝn lǝ gbɔn gbɔn un? ! ta ɖó áá , amǝ ɖǝ ŋjǝ si Mawu mǝ o i sǝ̀ ̀ŋ zǝn lǝ Mawu gbɔngbɔn un o. ¹² Mi ŋ xɔ xixǝ́ la yé gbɔngbɔn vɔa gbɔngbɔn kǝ co Mawu mǝ an gbɔxo nǝ mi án kpɔ àfǝ̀nú kǝ wó Mawu nan mi an wó. ¹³ Mi xónǝ nú có ǝnu lá wó lǝ nyɔn núnú kǝ amǝ cincin wò ŋká tǝŋ kpra mǝ o vɔa gbɔn gbɔn. kɔ̀kɔ̀ lǝ kprá mi gbɔngbɔn kɔ̀kɔ̀ lǝ ɖǝ̀ gbɔngbɔn. Amǝ kǝ gbɔngbɔn kɔkɔ ŋle mǝ an, ŋka tǝŋ xɔ ǝnuɖǝ co Mawu yǝ gbɔngbɔn ǝ o cagbǝ ǝdɔ̀ ii nyin nɛn. ŋka ŋka tǝŋ jǝsi wó cagbǝ gbɔngbɔn mǝ i wó do nǝ jǝsi wó lǝ. ¹⁴ Amǝ kǝ gbɔngbɔn kɔkɔ ŋle mǝ an, ŋka tǝŋ xɔ ǝnuɖǝ có Mawu yǝ̀ gbɔ̀ngbɔ̀n mǝ o cagbǝ ǝdɔɔ́ ii nyin nɛn. ŋka tǝŋ jǝsi wó cagbǝ gbɔngbɔn mǝ i wo do nǝ jǝsi wó lǝ. ¹⁵ Amǝ kǝ gbɔngbɔn kɔkɔ lǝ mǝ an kpɔ nǝ ǝnu wó vɔ a ŋka tǝŋ ɖǝ amǝ bú wò kojo o. << ¹⁶ Cagbǝ mɛ́n i á tǝŋ nyan yǝhowa súsú i a kpra mi ?>> vɔ a mi ɖó kristo yé súsú.