¹ Ǝnyǝ Pɔ̀lù amǝkǝ wóyɔ̀ to Mawu yǝ mǝnúvǝvǝ mǝ, bǝ mává zun Yesu Kristo ye mǝdɔdɔ̀a kiɖǝ nɔnvi sostenǝ i lǝ ŋ rɔn wemá ilá. ² Mi lǝ ŋrɛn ɖiɖá korinto hamǝa kiɖǝ amǝ kǝŋú wo kɔ i wó lǝ dóha kiɖǝ yesu kristoa wo. wó yɔ̀ mi kiɖǝ̀ amǝkǝ lǝ súbɔ̀ miáxótɔ̀ Yesu kristoa ̀ wo có à fisiafi vá nǝ wá kɔ miáŋú. Yesu inyi miáwó see xótɔ̀. ³ Mawu mia mǝgán kiɖǝ àxòtɔ̀ Yesu kristò nà vǝ̀ miánu nǝ fàfà nàvá míá ji. ⁴ Ŋdǝ́nǝ̀ àkpǝ̀ nǝ Mawu gásíágámǝ dǝ mianta bǝ ǝtò Yesu kristo ji ivǝ̀ mianu. ⁵ Ǝyrà mi kiɖǝ nuxò kiɖǝ̀ ŋununyányá lǝ enú dǝsiádǝ mǝ. ⁶ Sigbǝnǝ mi lǝ ɖǝ kúnu nǝ kristoá cá dókǝ lǝ mia mǝ. ⁷ Kǝkǝ, kǝ mi lǝ nɔntǝ kpɔ̀ gamǝ kǝ Yesu kristo ɖoa gbɔ̀ngbɔ̀n mǝ yayrá ɖǝsiaɖǝ sun miasí xóxó. ⁸ Yǝ̀ŋtá lá kprɔnmi, ɖuxo ɖǝ̀kɛ́n ŋná nɔn miaŋù lǝ kojò ɖógbǝa o. ⁹ Mawu amǝkǝ yɔ̀ bǝ miavá dóha kiɖǝ ye viye mia xótɔ́ Yesu kristo à ǝnúdodówɔtɔ̀i. ¹⁰ Nɔvíwó , ŋlǝ dó ŋusǝ́n mi lǝ mia xótɔ Yesu kristo ye ŋkɔ̀ mǝ , bǝ enu nàsɔ nǝ̀ mi, mámán ŋka nɔ mian mǝ o. Mawu ɖǝka lǝ enu ɖǝ̀síaɖǝ mǝ. ¹¹ Dóbǝ̀ kloétɔ̀wò núŋ bǝ́ mi lǝ wɔnyɔn. ¹³ Í fia, ŋjibǝ má kɔ nú ɖǝká mǝ nǝ << amǝkǝ nú nǝ̀ bǝ, nyaŋlǝ Pɔ̀lú ji>> àlò << a pollo ji>> àlò << ji>> áló <<́Yesu ji>> áwó . ¹² Kristoá màn dǝ̀ toxò vòvòɖǝ ià ? Pɔ̀lù iwò kran dǝ̀ àtiŋú dǝ miata à lò̀ ye ŋkɔ̀ mǝi wo lǝ Mawu ci nǝ mi lǝ? ¹⁴ Ŋdǝ àkpǝ̀ nǝ̀ Mawu ɖobǝ̀ tóvó nǝ krispus kiɖǝ Gaiusa nyǝŋ gbǝ lǝ Mawici námǝɖǝ lǝ mian mǝ o. ¹⁵ Cágbǝ nǝ̀ amǝɖǝ ŋkává nú bǝ̀ wódǝ̀ cita nǝ̀yǝ lǝ tiŋ ŋkɔ̀ mǝ o. ¹⁶ Ŋlǝ Mawuci nǝ stefánas ye xómǝ see. nyǝ ŋká dǝji bǝ ŋgbǝ dǝcita ná mǝ ɖǝ̀ o. ¹⁷ Dobǝ̀ kristo ŋdoŋ ɖiɖa bǝ̀ ̀ navá lǝ Mawu ci na mɔnwò o ǝbǝ màvà ɖǝ gbǝ̀fán ǝnyɔnyɔɛán vɔ̀à ŋnyi lǝ àgbǝ̀tɔ̀vi ye susú́nu a dobǝ nǝ iny i ensa awɔɖɛ́ sigbǝmǝ ŋusǝn kiɖǝ kpǝ̀nkpǝ̀nmǝ ɖǝkin ŋlǝ kristo ye tisògáá ŋú ǝnǝo. ¹⁸ Amǝkǝ lǝ crɔ̀àwò bǝ̀ ábɔ ̀nyɔn i nyi gbǝfań kǝ ŋlǝ ɖǝ cò átisógáŋua vɔ́á Mawu yǝ ŋusǝn i inyi nǝ amǝkǝ wo xɔ dágbǝ́á wo. ¹⁹ Wo ŋrɔn dǝ̀ Mawu nyɔa mǝ ɖɛ́ bǝ̀. Máá i ŋunúnyátɔ ye ŋununyanyá lá crɔn , i màà xɔ migɔmǝ sǝtɔ ye nùgɔmǝ sǝsǝ lǝ si. ²⁰ Ŋunùnyátɔ̀ à ɖǝ? xixǝ̀ mǝ ye ɖika dotɔ̀à ɖǝ? Mawu ŋtrɔ̀ àgbǝ̀tɔ̀ viwó ŋunú nyányaa zún xrojɔjɔà? ²¹ Kǝ xixǝ́à tò yéŋtá ye ŋunú nyányá ji ilǝ ŋrɔnbǝ Mawu à ejrò Mawu bǝ ná cɔ̀ àbɔ nyɔn kǝ milǝ ɖǝ gbǝfan ɖǝ amǝkǝ xɔ ji sǝ a wo. ²² Dóbǝ̀ yudatɔ̀wò ji nǝ̀ nukunuwó grɛkiwo na lǝ ji ŋunú ny á nyá. ²³ Miáwó yá mi lǝ ɖǝgbǝfán Yesu kristo kǝ wókrán dǝ àtiŋuá, átisogá nyi afɔkrǝnù nǝ yùdàtɔwò i nyi enyɔfufru lǝ grɛkiwó gbɔ. ²⁴ Vɔ̀ à amǝkǝ Mawu canwóá, ǝtǝŋ nyi yúda wó à lò grɛki wó kristo inyi Mawu ye ŋununyanya kiɖǝ yǝ ŋusǝn nǝ wó. ²⁵ Dobǝ̀ Mawu ye cukujǝjǝ nyɔ̀nwú àgbǝtɔviwó ŋunú nyányá , i ye gbɔjɔgbɔ jɔ sɛnŋú wu amǝgbǝ̀tɔ̀wò. ²⁶ Nɔviwó mi kpɔ̀ miáwó kǝ wó yɔ́áwó! lǝ xixǝ̀amǝ yǝ nùkpɔ̀kpɔ̀ nuá, ŋunúnyatɔ̀wò ŋùgbɔ lǝ miámǝ o, húsǝntɔ̀wo ŋlǝ miámǝ o i nǝnǝ kǝ́í amǝ sùgbɔ tǝ miámǝ kǝ ŋ̀co búbú hɛnɛu o. ²⁷ Mawu cɔ̀ nǝ enù kǝ ɖi xronɔnú lǝ xixeamǝawó sǝ̀ŋ dó nǝ ŋkpǝ ŋunúnyá tɔ̀ wó i cán nǝ̀ enú kǝ gbɔ̀jɔ̀áwó sǝŋ dó nǝ ŋkpǝ ŋusǝ̀ntɔ̀wò̀. ²⁸ Sǝŋ yijià, ̀ enúkǝ ŋdi ŋɖǝ̀ o alɔ wó ŋbunǝ dǝ ɖǝkɛn ji oa, yǝ Mawu cán nǝ̀. ǝcàn nǝ̀ enú ma nǝ kpɔ̀wó i na sǝ̀ ɖǝri enú xóxó tɔ̀wò. ²⁹ Mawu wɔ nǝ ǝnǝ̀ cagbǝ nǝ amǝɖǝ ŋkava lǝ ká atá́bú lǝ ŋko nɛn o. ³⁰ Mauria kǝ̀ iná mitrɔ̀zun ɖǝká kiɖǝ̀ kristo Yesu. Mawu ná kristo trɔ̀ zun miá ŋunúnyányá . Ǝtó ji i dó kojó nǝ́ mi i kɔ miaŋu. Mawu tó kristo ji i xɔ mi dǝ àgbǝ̀. ³¹ Ye idɔ̀ i wó ŋrɔn dǝ Mawu nyɔan mǝ bǝ nǝ amǝɖǝ bǝ ye akɔ yǝ ɖǝkiyéa nácɔ̀ áxótɔ̀á kɔ̀ ɖǝkia.