¹ Le kosiɖa yo ŋkeke tutugban lo djia le fonfon booa wó sɔ ami hoŋhoɛn lilili yi wó dra ɖo ɖe be woa sinɛ ŋtsilan kukuɔ lɔ. ² Yi wo kpɛ be, woɖe kpeɛ lɔ djo le amɛ kuku doɔ lɔ nu. ³ Yi tsi wo yi ɖo mɛ lɔ, wo ŋde kpɔ axoetɔ yesu yo kukuɔ lɔ. ⁴ Yi va vɛ mɛ etsi wotsi ŋzizi mɛ sɔku ɖo ŋtsi lɔ zeɖeka, ŋusu amɛ eve va tɔte ɖo wo gbɔ le awu gangan dazo ɖe mɛ; ⁵ Yi etsi wovɔ, yi wo do ta gu lɔ, wo to nɔwo be: ŋdeŋtsi mile amɛ agbeagbe djiɔ le amɛ kukuwo domɛ mɛɛ? ⁶ ŋde le fiyɛ oɖe , esite: miɖo ŋkuvi, letsi etoe nɛ mi, gatsimɛ yi kpɔtɔ le galilea lɔ be: ⁷ Woɖo lasɔ Amɛgbetɔvi lɔ do asinɛ nuvɔvɔtɔwo, yiwo la kɛn ɖo atsi ŋtsi, yi le ŋkeke amɛ etsa gbe lɔ ela site. ⁸ Yi wo ɖo ŋku yio hyɔwo dji. ⁹ Etsi wogbɔ so yɔdoa mɛ lɔ, wo to nuyɛwo kpata nɛ amɛ wuiɖekɛwo ku amɛ kpɔtɔɛowo. ¹⁰ Yi amɛ tsiwoe to nuyɛwo nɛ apɔstolawolɔ, woa woe nyi Maria magdalatɔ ku yohana ku Maria yakobo dada kudo nyɔnu kpɔtɔɛ wo. ¹¹ Yi wo le enyɔ yɛ kpɔɔ sigbe kɔxoetɔ nɛnɛ yi wʋŋde xɔɛ seo. ¹² Yii Petro site, yi yodoɔ lɔ mɛ, yii ʋlu kɔ kpɔ yɔdo mɛ lɔ , avɔ yiɛ ɖeɖe kpo yii ʋlu kɔ kpɔ yɔdo mɛlɔ, avɔ yiɛ ɖeɖe kpo yii kpɔ, yii edjo yi axo mɛ. ¹³ Le ŋkeke xɔ djia, amɛ amɛ eve, le wo domɛ wo yinɔ ɖo kɔxoe tsi wo yɔnɔ be Amaus lɔ mɛ edjidji le Yerusalem gbɔ sigbe kpetsiamɛka nɛnɛɛ. ¹⁴ Yi wole aseŋ kanɔ kudo woanɔnɔɛwo le nuyɛ o kpata tsiva djɔ lɔ ŋtsi ¹⁵ Yi va va mɛ etsi wole aseŋ kanwɔ le woanɔnɔewo domɛ, Yesu ŋtɔ va do go wo le zɔzɔ kudo wo. ¹⁶ Yi wo ŋmɛwo do vivitsi, yi wo de teŋ djesio. ¹⁷ Yii eto nɔwo be: Enyɔ ŋde tututowɔ yo le le mɔadji yo le ŋzizi nuwɔɔ nɛnɛ? ¹⁸ Yi amɛ ɖeka le wodomɛ tsi wo yɔnɔ be kleopa lɔ ɖo ŋtsi be: Odjeka kpo yi nyi amɛ yile Jerusalem, yi ŋde nya nutsi djole ŋkeke xɔn lɔ dji oa? ¹⁹ Eto nɔwo be: ŋdewo? yi wo ɖoŋtsi ni be: Jesu nazaretetɔ yo ŋtsinyɔ lɔ yɔ amɛtsi nyi nyɔnuɖɛtɔ ŋtɔ le nuwɔwɔ kudo nyɔtoto mɛ le Mawu kudo eduɔ lɔ ŋmɛ. ²⁰ Letsi ŋkɔnɔtɔwo kudo edua yo agbonuglawo be: woa ɖo eku kodjo ni be woa kɛn ɖo atsi ŋtsi. ²¹ Miawoa nisusui be eye la ɖe Israel, yi le fifiɛ soŋkeke etɔ ye, nu xɔwo djɔ ɖodji. ²² Sɔkpeɖeɖoŋtsia nyɔnu ɖewo tsan le mia domɛ wo do vɔvɔ nɔ mi. ²³ Yi etsi wo ŋde kpɔ ŋtsilan kukuɔ lɔ Mawu dɔ lawo va to nɔwo be: ŋdekuo ele agbe. ²⁴ Yi amɛ ɖewo le wo domɛ yi yido lɔto, yi wo kpɔe be: nyɔtexoe yi nyɔnuwo to yii kpɔe be: nyɔtexoe yi nyɔnuwo to yii; yiŋtɔtsan ŋde kpɔ ŋtsilan kukuɔ lɔ. ²⁵ Yi eɖo ŋtsi nɔwo be: o amɛtsiwoe ŋɖe senɔ nu gɔmɛŋ yi minyi, kudo edji miatɔ tsan le blewu yii mi la voxɔ enyɔ tsi wotao dji seo. ²⁶ Alo ŋde aya ɖuɖu mɛ kristo lato keŋ gbɔxoe yii lakpɔ Mawu yo ŋutsi kɔkɔeɛ lɔ mɛɛ. ²⁷ Etsi yi etɔ dji so Mose kudo nyɔnuɖɛtɔwo dji lɔ exo nuxo sɔso ŋɔŋlɔ kɔkɔea ŋtsi nɔwo. ²⁸ Yi etsi wo va ɖo kɔxoe tsimɛ yiɔ wo le lɔ gbɔa, wo wɔ sigbe wole dua mɛ towɔ nɛnɛ. ²⁹ Yi wo tɛɖodji to ni be: nɛnɔ yewo gbɔ ɖoŋtsi ezan le dodoɔ, yi ŋkekea vɔ vɔ yi eyi be yea nɔ wogbɔ. ³⁰ Yi va va mɛ etsi yikudo le nuɖuxocɛ lɔ esɔ ablo lɔ yi dogbeɖa ɖo ta, yii ŋɛɛ mɛ sɔ na wo. ³¹ Zeɖeka, ŋkuvi ʋu nɔwo, yi wo djesi, yi ebu djo le wo gbɔ. ³² Yi wo to nɛ woa nɔnɔɛwo be: edji miatɔ ŋde vuvu etsi le nuxo xoɔ nɛ mi le mɔadji yi ŋɔŋlɔ mɛ ɖeɔ nɔ mio mɛɛ. ³³ Yi wo site le goxoxo xɔ dji gbe djo yi Yerusalem, yi wo kpɔ amɛ wuiɖekɛwo kudo amɛ tsiwoe lɔ ɖo wo ŋtsi lɔ le texoe ɖeka . ³⁴ Yi wo to be; Axoetɔ site nyɔtexoe yi sɔ yiɖeki sɔ fiɔ simon. ³⁵ wo xlɛ nutsi va djɔ le mɔa dji kudo letsi wo dje si le ablo ŋɛŋɛ mɛan sɔ fiɔ wo. ³⁶ Yi etsi wole enyɔa ŋtsi buɔ kpɔ lɔ yeŋtɔ va tɔte ɖo wo dodomɛ, yi eto nɔwo be: ŋtsifafa nɛnɔ anyi kudo mi!. ³⁷ Yi wo da ʋo; yi ʋɔʋɔ ɖowo, yi wo xɔ sebe gbɔgbɔ ɖe yi yo kpɔ. ³⁸ Yi eto nɔwo be: ŋde djɔ yi mile ʋuʋuʋuʋuɔ yi ŋde ŋtsi yi edji le ebla ɖeɔ nɛ mi mɛ? ³⁹ Axu alɔwo kudo axu afɔwo ye, nyɛ ŋtɔ yɛɛ mi sɔ alɔ tɔ ŋtsinyɛ nɛ miakpɔ ɖoŋtsia gbazamɛkudo exu ŋde le nɛ gbɔgbɔ sigbe letsi miɔ mile kpɔkpɔɛs nɛnɛŋ. ⁴⁰ Yi etsi etoe ʋɔlɔ esɔ alɔ kudo afɔwo sɔ fiɔ wo. ⁴¹ Yi etsi woŋɖe xɔɛ seo, yi awo tsan xowo lɔ ebiɔ wo be: Nuɖuɖu ɖe le misi le fiyɛa? ⁴² yi wosɔ kalanmi ɖekani. ⁴³ Yi esɔ ɖu be ŋmɛ nɔwo. ⁴⁴ Yi eto nɔwo be: Eyɛwo nyi axu nyɔ tsiwo ŋtonɔ nɛ mi, tsi yi ŋkpɔtɔ le miagbɔ lɔ be: ele be: woa vɔ enyɔ ɖekpekpe tsi wo ŋlɔ sɔ so Mose yo ese woma ku nyɔnuɖɛtɔwo kudo psalomowo ŋtsi nyɔ lɔ nu. ⁴⁵ Zeɖeka wo tɔ susu ɖeɖe be , yewoa se ŋɔŋlɔ kɔkɔce lɔ gɔmɛ. ⁴⁶ Yi eto nɔwo be: nɛnɛ yo ŋlɔɛ ɖoɖɛ be:Kristo laɖu aya, yi elasite so amɛ kukuwo domɛ le ŋkeke etsa gbe. ⁴⁷ Yibe woa ma djimɛtɔtrɔ yo nyɔa sɔna nuwɔ yo sɔsɔke le yo ŋkɔa dji nɛ anyigbandjitɔwo kpata, ela dje gomɛ sɔso Yerusalem. ⁴⁸ Mia woe la nu enyɔ yɛwo. ⁴⁹ Yi nye yɛ lɔ, nadɔ etɔnyɛn yo ŋgbedodo lɔ ɖoɖa mi, yi miawo lɔ, mi Yerusalem, sɔna gatsimɛ woa sɔ ŋsɛan so dzifo ɖoɖa mi. ⁵⁰ Yi ekplɔwa va betania, yi ekɔ yo alɔwo yi dji yi eyra wo. ⁵¹ Yi va va mɛ gatsimɛ yi le wo yras lɔ edjo yi akpa ɖeka le wo gbɔ, yo sɔɛ yi djifo. ⁵² Yi etsi wo dje klo do taguni lɔ, wo gbe trɔ djo yi yerusalɛm kudo djidjɔ ganɖe. ⁵³ Yi wo nɔ Mawu xɔ lɔ mɛ gbesiagbe nɔ Mawu doɔ ɖo dji.