¹ yi woha bliboɔ lo kpata tɔte, yi wo kplɔ Yesu yi Pilato gbɔ. ² wotɔ nussrɔsrɔ le totoɔ be: Mikpɔ amɛnyɛ wo le mian dumɛntɔwo tamɛtrɔtrɔ, yi wogbe nɔn amɔwo be, woŋgbedjɔnu nɔn Kaisaro o yile totoɔ be, ye woŋtɔyi nyi efiɔ Christoɔ lɔ. ³ Yi Pilato biɔɛ sebe: Ewoe nyi yudatɔwo fiɔlɔ mɛn ? Yidoŋtsi nyi be: Ewoe le totuiɔ. ⁴ Yi Pilato tonɔn nunɔtɔ ganganwo kudo amɛn gbogboɔ be: Nyɛn ŋdekpɔ nubaɖa ɖe le ŋsu yɛ ŋtsi o. ⁵ Wo gbetsi dji, to be: Edo zikiti eduɔmɛn le enufiaɔ to Judee, etɔdji so Galilée kaka va sɛn fiɛ. ⁶ Etsi Pilato se Galilée nyikɔlɔ, ebiɔ sebe, ŋsu yɛ ɖe Galilée tɔwo yinyi a; ⁷ Etsi wodjeshi be Herode yio ŋsɛn mɛn yi va le lɔ edui ɖaɖa Herode tobe, amɛn yɛ ŋtɔ le Yerusalɛm le ŋkeke yɛ wo mɛn. ⁸ Etsi Herode kpɔ Yesu lo, edji djɔɛŋtɔ ɖoŋtsia ele djidjiɔ xoxo be ya kpɔɛ, sɔkuɖo nutsiwo seɔ yile ŋtsi, yile mɔkpɔwɔ be ya wa nukunu ɖe yakpɔ. ⁹ Yibiɔ enyɔn sugbɔwo se. Vɔ Yesu ŋdeɖo nyɔn ɖeŋtsi nyi o. ¹⁰ Nunɔtɔ ganganwo kuɖo ƴemafiatɔwo lete le enyɔnsɔwo ɖoŋtsi veviɖe. ¹¹ Herode kuɖo yio asafowo do vloui, yi wole enyɔn baɖawo toɔ soŋtsi, etsi wodo awu nyuiwo nyi lɔ etrɔ ɖui ɖaɖa Pilato gbɔ. ¹² Le gbehɔngbe a, Pilato kuɖo Herode wotrɔ zu xɔnlɔn, vɔ tukaɖa nɔn wodomɛn san. ¹³ Yi etsi Pilato yɔ nunɔlaganwo kuɖo amɛngan wo, dukɔnwo xotɛ. ¹⁴ Eto nɔn wo be: Mikplɔ amɛnyɛ va gbɔnyɛn sibe amɛntsile dukɔnɔ tamɛn trɔwɔ nɛn nɛn; mikpɔ ŋbiɔ nyɔn se le ŋmɛn nɔn milɔ, ŋde wa nublabla ɖe tsiŋtsi mile enyɔn sɔwɔɖo. ¹⁵ Nɛnnɛn ke nyi Herode tsan, yi trɔɛ ɖaɖa mi, be ŋde wa nuɖekpekpi tsi djebe yaku o. ¹⁶ Yiŋtsi nan xui, atashi. ¹⁷ Elebe ya tashi le gamɛn nɔntɔ ɖeka ŋtsi le djidjɔ ŋkeke xɔndji. ¹⁸ wa kpata wodo axua hoo tobe: wu amɛn yɛ nɔn nantashi Barabas nɔn mi. ¹⁹ Wole ŋsu yɛ do gakpamɛn ɖo ezixoxo ŋtsi kuɖo amɛn wuwu. ²⁰ Pilato gbe xonuxo nɔn wole djidjiɔ be, yata si Yesu ŋtsi. ²¹ Wodo axua be, mi ki ɖo atsiŋtsi, mi ki ɖo atsintsi. ²² Pilato tonɔn wo zetɔngɔnɔ: Nuvɔn ŋdewa ? Nyɛnɖe kpɔ nuɖeleŋtsi tsidje nɔn kuo. Fifia nan xui yi nan tashi. ²³ Wotegogui le biɔbiɔ ku egbe sɛnsɛn be: kanke wola kiɖo atsiŋtsi yi wo gbewo wugan yitɔ. ²⁴ Pilato sonyɔnɔ be wowa nutsi djiɔ wole nɔn wo. ²⁵ Etashi amɛn tsi djiɔ wole ŋtsi. Amɛn yɛ nɔn gakpamɛn ɖo zikiti kuɖo amɛn wuwu ŋtsi, ke Yesu yelɔ wonɛn waŋɖe kpekpi kui faa. ²⁶ Etsi wokplɔ Yesu le yiyiɔlɔ wodogo ŋsu ɖeka tsiwo yɔnɔn be Simon so Siyène. Eso gbemen gbɔn nɔn, yi woli sɔ astiso ga lɔ sɔni be nɛn kplɔ Yesu do. ²⁷ Yi amɛn gbogbo ɖewo kuɖo nyɔnu tsi woele ekui kudo avi fanɔ nyilɔ, wo kplɔɛ do. ²⁸ Yesu trɔɖo woŋtsi tonɔn wobe, Yerusalɛm nyɔviwo, miŋgbe fanvio, ke bon mi fanvi nɔn mian ŋtɔ mia ɖekiwo kudo miaviwo. ²⁹ Ŋkeke wo le gbɔnɔn tsiwomɛn wola tole be: Mawu yra konɔnwo kuɖo vidjidɔ tsiwoŋde djivikpɔ kudo nyɔnu tsiwo ŋde nan anɔn evi kpɔ. ³⁰ Ganxɔn mɛn lɔ, wola tonɔn etowo be: Mimudje miandji ! Wola tonɔn etovitukui wobe mitsɔn mandji. ³¹ Nɔn wole enuyɛwo waɔnɔn atsi mumu ɖe, lede yilanɔn nɔn atsi mumu ɖe, lede yilanɔn nɔn atsi xuxuyɛ. ³² Wokplɔ amɛn amenve tsiwoe nyi nubaɖawatɔ wo djavɛ wu wo kpeɖo Yesu ŋtsi. ³³ Etsi wova texue, tsi woyɔn be amɛntakolixue lɔ wo ki ɖo atsiŋtsi le xɔn kudo nuvɔnwatɔwo, ɖeka le ɖushidji nyi, yi evegɔn le emiɔn men nyi. ³⁴ Yesu tobe: Etɔ nyɛn sɔkewo ɖo nutsiŋtsia woŋde nyan nutsi wawɔ wole o. Yi etsi woman wo awu womɛn lɔ wodakɔ le wonɔn nuiwo domɛn. ³⁵ Yi amɛn gbogboɖewo lete lexɔn le nukpɔ wɔ. Gatsimɛn dumɛngawo le nyɔndɔɛ wawɔ so Yesu ŋtsi be: Exo amɛn buwo ɖoagbe, nɛn xonɔn yitɔ ɖoki nɛn nyi be yi nyi Christo, Mawu yio amɛn tsantsanlɔ. ³⁶ Asafowo tsan le nyɔndɔɛ wawɔ soŋtsi, wote gogui sɔ vin ha veve kpenyi. ³⁷ Wotobe: Nɛn ewenyi Yuda tɔwo fiɔlɔ lɔ wɔnɔn ɖekiwo ! ³⁸ Enu ŋɔŋlɔ tsan le tamɛn nyi, yiŋlɔn ɖaɖa Helatɔwo, Romatɔwo kuɖo Hebritɔwo ɖo wo gbewomɛn be: Amɛn yɛ yinyi Yudatɔwo fiɔaḷɔ. ³⁹ Yi nuvɔnwatɔ, tsiwo wokanɖo atsinŋtsi lɔ, wodomɛn tɔɖeka tsan to enyɔn baɖa so Yesu ŋtsi be: nyui ewenyi Christoɔlɔ loo. Ɖe woŋtɔ ɖekiwo nɔn nan ɖe miotsan. ⁴⁰ Amɛnvegɔn gbenyɔn nyi be: woɛ ŋvɔn nɔn Mawu o ? Wosɔ nyɔn ɖoŋtsiwo shibe letsi wosɔ nyɔn ɖo yetsanŋtsi nɛn nɛn. ⁴¹ Miwo yɛ a, eyɛ sɔkumi, enutsiwo miwalɔ yio fɛntu xɔwo mile, amɛn yɛ ŋde wanu dada ɖekpekpi o. ⁴² Etonɔn Yesu be: Yesu, ɖo ŋkuvi djinyɛn nɔn evaɖo axofiɔɖuxueɛ lɔ mɛn. ⁴³ Yesu tonyi be: ŋletotoɔ nɔn le nyɔntexuemɛn be wola nɔn paaaradisoɔ lɔ mɛn kuɖoŋ egbɛ. ⁴⁴ Fifiɛ a elanɔn shibe nyi dɔn mɛn gawuive mɛn nɛn nɛn lɔ, vivti sakɔn ɖo xuxeɛ mɛn kpata vadashi nɔn wetrɔ gatɔn mɛn. ⁴⁵ Ewe yio klɛnklɛn wla Mawu yio xɔmɛnɖoɔ zɛnɖo ve shian. ⁴⁶ Yesu daxua sɛnsɛnɖe be: Etɔnyɛn alatɔwo mɛn ŋsɔ gbɔngbɔn tsinyɛn do ! tsito nyɔn xɔn kpolɔ emiɔnnu. ⁴⁷ Etsi asafowo dji kpɔtɔ kpɔnu tsidjɔlɔ, ekanfu Mawu to be: Nyɔntexue, amɛnyɛ lɔ, amɛn djɔdjɔɛ yi nyi ! ⁴⁸ Amɛn gbogbo tsiwe va xɔn be yewo avakpɔ enuye texuelɔ, etsi wokpɔ enusti djɔ ḷɔ, wotrɔ djo yi wole akɔnta xowɔ kuɖu nuxaxa. ⁴⁹ Yesu yio amɛn nyannyanwo kuɖo nyɔnu tsiwo kplɔɛdo so Galilea le azɔge le nuyɛwo kpɔwɔ daɖa. ⁵⁰ Ŋsu ɖeka nɔn anyigbandji yio nyikɔ nyi Yosef, amɛn tsinyi aɖaŋɖetɔ kuɖo amɛn nyui kuɖo amɛn djɔdjɔɛ. ⁵¹ Amɛn yɛ ŋde lɔn nɔn wo susu deɖe kuɖo wo nuwawawo dji o, eso Arimatia, tsinyi Yuda tɔwo duɖekalɔ, yi yile tenɔnwɔ kpɔ Mawu yio fiɔduxueɛ lɔ. ⁵² Amɛn yɛ yi Pilato gbɔvɛ biɔ Yesu yio kuku a. ⁵³ Eɖile atsisoga ŋtsi yisɔ bloba trɔdui sɔvɛ ɖiɖo yɔdo tsimɛn woŋde ɖi amɛn ɖekpekp do kpɔwa. ⁵⁴ Gbexon gbe nyi djradjraɖo gbe, yi sabat gbɔnɔn. ⁵⁵ Nyɔnu tsiwo kplɔ Yesu do so Galilea lɔ zɔn kuɖo Yosef vɛ kpɔ yɔdoɔ kuɖo le tsiyi wosɔ Yesu yio ŋtsilan kukuɔ mlɔn anyi do. ⁵⁶ Yi wotrɔ vɛdjra ami kuɖo anuwatrɛwo ɖo (parfum) wo vɛɖi ɖomɛn le klɛngbe ɖo eseɛwo ŋtsi.