¹ Etsi enyi be ame gbogboɖewo tɛŋu ŋlɔ nu kuɖo nudjɔdjɔ ŋtɔŋtɔ tsiwo kpɔ emɛvava le dome ŋtsi, ² sigbe le tsi kpo ame tsiwo nɔ anyi le gɔmedjedjea me, yi wo kpɔ yio texoe yi wozu nya lɔ yo dɔsɔlawo, tsiwoe sɔɛ do asi ne mi lɔ. ³ Nyɛ tsan ŋku nuwo keŋkeŋ me tsitotsito so gɔmedjedje mɛ yiŋtsi ŋɖoe gligan ma ŋlɔ wo, bubɔtɔ Teofile. ⁴ benɛ naɖo kankanɖoji le nu tsiwo fiɔ wo lɔ ŋtsi le nyawototomɛ. ⁵ Le Yudea fis herodes yo gamɛ lɔ, ŋkɔnɔtɔ ɖenɔ anyi, tsi wo yɔnɔ be zaxariya so Abiya yio hasoso me, asia nɔ Arɔn yo vinyɔnuwo domɛtɔ domɛ tsi wo yɔnɔ be Elizabɛti. ⁶ Amɛ amɛveɛ, wonyi ame djɔdjɔɛ le Mawu yo ŋmɛ wo zɔnɔ le nutexoe wɔwɔmɛ yi wo zɔnɔ le nutexoe wɔwɔmɛ yi wogbe vɔnɔ Mawu. ⁷ Evi ŋde le woamɛvea sio, ŋtsiŋtsia Lizabet nyi kɔnɔ yi yi kui evea woxɔ xoe gbogboɖé. ⁸ Vɔ legatsi mɛ yi le nunɔla yo ɖɔ wɔ le Mawu yo ŋkumɛ, le ɖoɖo kuɖo azangbedji dedje ŋtsi lɔ, tsiantsian vayi djedji. ⁹ Sigbe letsi yile le ŋkɔnɔwo ɖoɖoa nu nɛnɛa, eɖo edji be wola yi Yehowa yio gbedoxɔmɛ layi wu linfi. ¹⁰ Le gaxoxoxɔn mɛlɔ, haviwo keŋkeŋ le gbedowɔɖa le xixeanu le azizɔ dodoa ŋo gamɛ. ¹¹ Mawu yio dɔla ɖe ɖe yeɖokui sɔfiɛ le tenu le azizɔdokpoa yio ɖusimɛ. ¹² Tsi zakaria kpɔɛa, adjika soe yi vɔvɔ djedji. ¹³ Vɔ Mawudɔla toni be: ŋgbe vɔn, zakaria ɖoŋtsi wose axɔ gbeɖoɖa, yi esrɔwo Elizabɛti ladji ŋusuvi ɖe nɔ wo, yi wo layɔ yio nyikɔ be yohanes. ¹⁴ Yi lanyi djídjɔɛ kudo aseyesoso nɔ wo, yi ke ame gbogboɖewo la kpɔ djidjoɛ le yo djidji ŋtsi. ¹⁵ Le Yehowa yio ŋkumea ela nyi amɛ ganɖe, ganke ŋdedja nu vinha alo aha sɛnŋ ɖekpekpe o, yi gbɔgbɔ kɔɛ la ɖɔe taŋtaŋ so nɔa yio domɛ. ¹⁶ Elatrɔ Izraɛl vi gbogbowo ɖoɖa yehowa wo Mawua ŋtsi. ¹⁷ Elazɔn le Mawu yo ŋkumɛ kudo Elia yo gbɔngbɔn kuɖo ŋsɛn, benɛ yakplɔ etɔwo yo dji sɔva ɖéviwo gbɔ, kuɖo etosɛntɔwo benɛ woaɖe susu abe amɛdjɔdjɔɛwo nenɛ, benɛ woatu dukɔŋ tsi sɔgbe sɔɖaɖo ɖɛ ne Yehowa. ¹⁸ Yi Zaxaria tonɛ mawudɔla lɔ be: "lede nawɔ akanɖo nunyɛ dji? Ɖoŋtsi ŋku tɔgbe yi esrɔnyɛ tsan ku nyagan." ¹⁹ Mawudɔla lɔ ɖo ŋtsi ni be: enyɛn nyi Gabriɛl, amɛtsi nɔte ɖo Mawu yo ŋkumɛ, edɔm be mava to nɔwo, yi be mavanu enyɔ nyuiɛ nɔwo. ²⁰ Ganké kpɔɖa, wola tɔzu amumui, yi ŋdagbe kpetsi axonuxo, kaka va ɖo gatsimɛ dji nuyɛwo ladjɔ, ɖoŋtsi ŋde xɔ axin nyɔ tsiwo lavavamɛ le yo gamɛ dji seo. ²¹ Le gaxoxo xɔwo keŋkeŋ mɛa ameha lɔ le tenɔɔ kpɔ zakaria, yi yikpatsawo be etsi gbedoxɔamɛ djidjiɖe. ²² Tsinɛ yi toa, ŋdeteŋ to nyɔɖe nɛwo, yi wo do djesi be ekpɔ gbɔgbɔn mɛnu ɖe gbedoxɔlɔ mɛ; yi yile alɔ huŋhuŋkɔ nɔwo ɖo ŋde teŋ le nuxo xowɔ. ²³ Tsinɛ yo dotoxo subɔsubɔdɔlɔ ŋkekewo djago lɔ, edjoyi yo xomɛ. ²⁴ Le ŋkeke ɖewo yo ŋgbodomɛ lɔ, ashia lizabɛti fɔ efu. Ewlɔa efua woetri amatɔn sɔŋ, yi yinu be: ²⁵ Yehowa yi ku ŋzizi nuŋ, le gatsimɛ yi yitrɔ yo ŋkuviwo ɖoɖa gbɔnyɛ benɛ yaɖe ŋkpɛn vɔ tsinyɛ djoɖa le le amɛgbetɔwo domɛ. ²⁶ Le woetri adɛngɔn lɔ mɛa, dɔ yɔ dɔla Gabriɛl ɖoɖa Galilea du tsi woyɔnɔ be nazarɛti mɛ, ²⁷ sɔyi tugbedjɛvi ɖe, tsi ŋde djesi ŋusuo, tsi wodo ŋgbe nɛ ŋusu ɖe tsi so David yo xomeɛ, tsi woyɔnɔ be Jozef gbɔ. Tugbedjɛvia yo nyikɔ yinyi Maria. ²⁸ Mawudɔla yigbɔ yi nu nii be: ŋdogbe nɔ wo ametsi yo ku ŋzizi na; yehowa le kudo wo. ²⁹ Yo dji xohuŋ ɖo nyɔ tsɛ ŋtsi yi yibutame biɔ yiɖokoe be: gbedodoɖa tsɛ tɔgbe gɔmɛsese yinyi tsinde. ³⁰ Mawudɔla toni be: "ŋgbe vɔn o, Maria; ɖontsi wokpɔ ŋzizikuku so Mawu gbɔ; ³¹ yi kpɔ, wole dja fofu, yi wo la dji ŋusuvi yi wola ɖo nyikɔ nii be Yesu. ³² Elanyi amɛgan, yi wola yɔɛ be Djiƒovitɔ yo vi; yi Yehowa Mawu lasɔ etɔa David yo fiɔzikpe nii, ³³ elaɖufia ɖo Yakob yio xoeɛ dji tɛgbɛɛ yi nuwuwu ŋdedja nɔ yo fiɔɖuxoɛ siɔ." ³⁴ Maria nunɛ mawudɔla lɔ be: " le de nunyeɛ ladjɔɖo tsiyi nyɛŋde dɔn kudo ŋsu kpɔɔ? " ³⁵ Mawudɔlalɔ ɖoŋtsinii be: "gbɔngbɔn kɔkɔɛ lava djiwo, yi djipovitɔa yo ŋusɛn lava tsɔn djiwo . Yintsi wola ɖevi tsi wodja dji yi lato le ŋtsiwo be Mawu vi. ³⁶ Yi kpɔ! Elizabet, axo xometɔ tsan fɔ ŋusuvi yo fu le yo nyangankukumɛ, yi ele woetri amadɛngɔa mɛ, amɛtsi wo ɖonɔ be konɔa. ³⁷ Ɖo ŋde ŋdeglo wawa nɛ Mawu o. ³⁸ Maria nu be: Yehowa yo dɔsɔvi yi ŋnyi; enyɔ tsɛ nɛ kpɔɛmɛvava le axo nyɔ dji! yi mawudɔla lɔ djole egbɔ. ³⁹ Le gaxoxo xɔn mɛ pɛpɛpɛ lɔ, Maria tsite, yi yidjo kaba yiɖo etowo tamɛ, le yuɖa yo ɖu ɖe mɛ. ⁴⁰ Egɛn ɖo Zakaria yo xomɛ, yi yidogbe nɛ Elizabeti. ⁴¹ Tsinɛ ɛlizabɛti se Maria yo gbedona mea, ɖevi tsile xodomɛ nia tsi kpo; yi gbɔngbɔn kɔkɔɛ ɖɔɛ tanŋtanŋ. ⁴² Edo axua kudo egbe sɛŋ nu be: "woyra wo le nyɔnuwo domɛ, yi "woyra axo domɛvi tsan. ⁴³ Le yi yinyiɖo be monukpokpɔ yɛ su asinyɛ be axin axuetɔ yo nɔ la va gbɔnyɛ? ⁴⁴ Ɖoŋtsi mikpɔ? tsi axo gbedonamɛ ɖi ɖo axin to mɛlɔ, ɖevi tsi le axin, dɔmɛa tsi kpo kudo djidɔ. ⁴⁵ Woyra wo amɛtsi xɔɛ se, ɖoŋtsi enyɔ tsiwo wonu nii sɔsɔ Yehowa gbɔ keŋkeŋ lɔ, lakpɔ emɛvava. ⁴⁶ Yi maria to be: " Axin luvɔn nɛ kafu Axoetɔlɔ. ⁴⁷ Yi axin gbɔngbɔn nɛ kafu Mawu xɔnamɛtɔ tsinyɛ. ⁴⁸ Ɖoŋtsi ea ŋku ɖo yo dɔla yo bɔbɔnyɛnyɛ nyɛ ntsi. Yi so egbɛdji lɔ, djidjimɛwo kpata lanu nuŋ be yayratɔ. ⁴⁹ Ɖoŋtsi ŋsɛnkatatɔlɔ wo nuganganwo le axin agbe mɛ. Yo ŋkɔ le kɔkɔɛ. ⁵⁰ Yi yo ŋzizi kuku namɛ keketa le djidjimɛ tsiwo vɔni dji soyi ɖo djidjimɛwo dji. ⁵¹ Ezan ŋusɛn kudo yo abɔwo, yi yikankan amɛ tsiwo yi donɔ wo ɖokuiwo ɖo dji le wo djimɛ. ⁵² Etu alɔ ŋsɛntɔwo daŋkpɛn le wo, fiɔzikpeɛ dji, yi donɔ ametsi bɔbɔnɔ yiɖokoe ɖo anyia. ⁵³ Esɔ enu nyuiwo sɔɖɔ xodo nɛ amɛtsiwo le adɔmɛtoi, yi yiɖo gatɔwo ɖo adɔ. ⁵⁴ Exɔnɛ yo dɔla Izraɛl, yi yiɖoŋku yo ŋzizikuku dji, ⁵⁵ si gbe letsi yitoe nɛ mia togbewo Abraham kudo yo djidjimɛviwo nenɛ tɛgbɛtegbɛ. ⁵⁶ Maria nɔ Elizabɛti gbɔ woetri etɔn. Yo ŋgboɖomɛ lɔ, etrɔyi yo xomɛ. ⁵⁷ Gatsimɛ yi Elizabɛti ladji evia gogo, yi yidji evi nusuvi. ⁵⁸ Tsi amɛtsiwo trɔdoi kudo yo xomɛtɔwo sebe Axoetɔlɔ ku ŋzizi nii gbogboɖe lɔ, wovakpɔ djidjɔ kudoi. ⁵⁹ Le ŋkukeke enyigɔnlɔ gbea, wova be yewo aso vonɛ ɖevia yi wosɔ nkɔ nɛ ɖevia be Zakaria sigbe be etɔlɔ nɛnɛ. ⁶⁰ Ganke enɔa xɔgbe be: "kpao! wolayɔɛ be Ejan. ⁶¹ Wo ɖoŋtsi nii be: "Axo xɔmetɔ ɖe kpekpe ŋde tɔ nyikɔ yɛ, kpɔ o ɖe. ⁶² Yi wowɔ djesi nɛ etɔa biɛ alatsi yi, yile djidjiɔ benɛ woayɔɛa. ⁶³ Ebiɔ be wonɛ sɔ nuŋlɔ kpe nɛ ye, yi yiŋlɔ ɖodji be Ejan yinyi yo nyikɔ. Yi yikpatsa wo kpata. ⁶⁴ Gaxoxo xɔn mɛ yi yitɔ nuxo xoxo, yo aɖe kanwo tɔ dɔ wɔwɔ, yi yile Mawu kafuɔ. ⁶⁵ Vɔnvɔn dje yo axoelikawo keŋkeŋ dji, yi amɔwo tɔ nuxo xoxo sɔsoi nutsɛwo o. Ŋtsi le Yudea yo towo gbagblamɛ. ⁶⁶ Amɛtsiwo keŋkeŋ se enyɔ tsɛ lɔ woli ɖo wo tamɛ nɔnɔ totowɔ be: ŋde tutu yi devi vitukui yɛ djava nyi? Yi Axoetɔlɔ yo alɔ le ɖevia dji. ⁶⁷ Gbɔngbɔn kɔkɔe ɖɔ etɔa Zakaria taŋtaŋ, yi yinu nyɔ ɖɛ be: ⁶⁸ "wola yra Axoetɔ, Izraɛl yo Mawu, ɖoŋtsi etrɔva sra yo dukɔn kpɔ yi yixɔnɔ yo ɖukɔn. ⁶⁹ Yi yido xɔxɔ yo zo ɖo edji nɛ mi le David ŋo subɔla yɔ xɔmɛ. ⁷⁰ Sigbe letsi yi xonuxo to yo nyanu dɛtɔ kɔkɔɛwo wo ntsi le blemamɛ nɛnɛ. ⁷¹ Xɔnamɛtɔ tsila ɖe mi sɔso mia ketɔwo yo alɔmɛ kudo amɛtsiwo kpata tsri mia nyagbɔ. ⁷² Nɛnɛ yi yiɖe ŋo ŋzizikuku sɔfia mia tɔgbewo ɖo nɛ, yi yiɖoŋku yo nublabla kɔkɔɛ dji. ⁷³ Le adan tsinɛ yikan nɛ mia tɔ, Abraham ŋtsi. ⁷⁴ Benɛ miasubɔɛ fafaɖe, le gatsimɛ yila ɖe mi tole mia ketɔwo yo alɔmɛ. ⁷⁵ Benɛ miazɔn le yo ŋkumɛ le kɔkɔɛnyɛnyɛ kudo djɔdjɔɛnyɛnyɛ mɛ gbesiagbe le mia agbemɛ. ⁷⁶ yi wó devi fɛn ye, wola yɔ wo be Djipo yo nyanuɖɛtɔ, ɖoŋtsi, wolazɔn le Axoetɔ lɔ ŋo ŋkumɛ, benɛ nadjra yo mɔwo ɖo. ⁷⁷ Benɛ nanan xɔxɔ yo nunya, yo dukɔn sɔto nuwɔnwo yo sɔsɔke mɛ. ⁷⁸ Le miwo Mawu yo ŋzizikuku ntsi. Le dɔmɛtɔtrɔ yitɔ ŋtsia, milakpɔ klɛnklɛn so djipo sigbe letsi ewoe zenɔ so djipo vakpɔnɔ mi nɛnɛ. ⁷⁹ Benɛ yaklɛn nɛ ametsiwo bɔbɔ le viviti mɛ ku eku yo vɔvɔlimɛ nɛnɛ, benɛ yadjɔ mia afɔwo ɖo ŋtsifafa mɔdji. ⁸⁰ Yi ɖevi fɛn lɔ le siŋsiŋkɔ ɖo edji le ŋsɛnwɔ le gbɔgbɔ mɛ, yi yitsi zogbewo mɛ, kakavana gbetsigbe yi yiɖe yiɖokui sɔfia Izraɛl yo dukɔnlɔ.