¹ Yi le ŋkeke xɔnwo mɛ lɔ sedodo so Kaizaro Augusto gbɔ be wo ne ŋlɔ anyigban dji nɔtɔwo ŋke ŋke wo yo nyikɔ; ² Nyikɔ ŋɔŋlɔ tutugbantɔ yɛ va eme le gatsime yi Kirinusi nyi nutomɛfiɔ le Siria. ³ Amɛwo keŋkeŋ zɔnyi be yewoa ŋlɔ yo nyikɔ, le yo dumɛ. ⁴ Yosef tsan djo le Galilea, so edu tsi nyi Nazarɛti mɛ le Yudea, le David yo du tsi woyɔnɔ be Betlehɛm mɛ ɖoŋtsi, enyi David yo axoe, kudo yo xomɛtɔ. ⁵ Benɛ woaŋḷɔ woku Maria, amɛtsi yo ta yibiɔ benɛ yadie, yi tsan efu le si. ⁶ Tsinɛ wo le xɔn lɔ, gamɛ suŋ tsinɛ yi Maria ladji evi, ⁷ Yi idji ŋusuvi tsi nyi yo vi tutugban. wo trɔ avɔ ɖo ŋtsi yi wo suɛ mlɔn lanwo yo nuɖunu kpomɛ ɖoŋtsi exɔ ɖekpe ndele amedjro zexoeɛ lɔ. ⁸ Alɛn kplɔtɔwo tsan le nuto xɔn mɛ le gbeamɛ,yi wole wo alɛnwo dji kpɔɔ, le nuto xɔn ké mɛ. ⁹ Yi kpɔ Axoetɔ yo dɔla va zedo wo yi Axoetɔ yo ŋtsi kɔkɔɛ klɛn trɔdo wo. Adjikaso ganɖe dje wo dji. ¹⁰ Vɔ mawudɔla lɔ tonɔwo be: Miŋgba vɔn o, ɖoŋtsi ŋle enya nyuiɖe sɔɔ nɛ mi, tsilanyi djidjɔ ganɖe nɛ dukɔnlɔ kpata: ¹¹ Egbe yi wodji xɔla nɛ mi, tsi nyi Kristo, Axoetɔa, le David yo dumɛ. ¹² Yi eyɛ lanyi djesi ne mi benɛ miasɔ kpɔɛ; milakpɔ ɖevi fɛn tsi ŋtsi wotro avɔ ɖo, tsi mlɔn lankpomɛ. ¹³ Yi zeɖeka djipo ahuakɔnwo ganwo sɔbɔɖo mawudɔlawo ŋtsi le Mawu kafuɔ le totoɔ be: ¹⁴ Ŋutsi kɔkɔɛ ne Mawu le djipowo boliboli yi ŋtsi fafa nɛ nɔ ametsiwo ŋtsi yi kpɔnɔ ŋudjedje le ! ¹⁵ Etsi mawudɔlawo djo le alɛnkplɔtɔwo gbɔ yitrɔyi djipo lɔ, alɛnkplɔtɔwo wotɔ tot nɛ wo nɔnɔɛ wo be: «Mina miayi kpɔ nu tsi djɔ, nutsinɛ Axoetɔlɔ ɖe sɔ fiɔ mi ¹⁶ Yi wo ɖeblayi, wo kpɔ Maria kudo Yozɛfu, ku ɖevi fɛn tsile anyimlɔxoe le elan nuɖukpoa mɛ. ¹⁷ Tsi wokpɔɛ vɔlɔ, wonu enyɔn tsiwo woto nɔwo sɔso ɖevi fɛn lɔ ŋtsi. ¹⁸ Yi amɛtsiwo keŋkeŋ se nya tsi wo alɛnkplɔtɔwo nu nɔwo lɔ, kpata tsaka le enyɔn tsɛwo ŋtsi. ¹⁹ Ganke Maria le nya yɛwo keŋkeŋ ɖo tamɛ yi le wo ŋtsi buɔ kpɔ le yo djimɛ. ²⁰ Yi alɛnkplɔtowo trɔdjo yile Mawu doɔ ɖo dji, le ekafuɔ ɖo nu tsiwo keŋkeŋ wose, yi wokpɔa ŋtsi, yi tsi sɔgbe sɔkuɖo enyɔ tysiwo woto nɔwo ŋtsi. ²¹ Le ŋkeke enyigɔnlɔ gbe tsinyi ɖeviɛ yo vososo gbe lɔ ɖo, yi wosɔ ŋkɔ nii be Yesu, nyikɔ tsinɛ mawudɔla to le gatsimɛ yi yile enɔlɔ yo xodomɛ. ²² Yi tsi Mɔse esea yo ŋkeke sɔkuɖo amɛ klɔklɔ ŋtsi vayi vɔḷɔ, Yesu yo djilawo kplɔɛyi Yeruzalɛm be yewo asɔ fia Axoetɔlɔ, ²³ Sigbe le tsi wo nui le Axoetɔ yo se wo mɛ be: Nusu sia nusu tsi wodji tutugban lanyi Axoetɔlɔ tɔ, ²⁴ yi wola sa vɔ sigbe letsi wo toe le Mawu yo sea mɛ nɛnɛ be wolasɔ kpakpa ameve alo ahɔnɛ ameve asɔyi na. ²⁵ yi kpɔ ! ŋsu ɖe le Yeruzalɛm tsi wo yɔnɔ be Simeɔn. Nusu yɛ nyi amedjɔdjɔɛ ku Mawu vɔtɔ. Tsile mɔ kpɔɔ nɛ Izraɛl yo akɔfafa, yi Gbɔngbɔn Kɔkɔɛ le edji. ²⁶ Tsi gbewu, Mawu ɖe fiɛn to Gbɔngbɔn Kɔkɔɛ dji be ŋde dja kuo, kaka vana gatsimɛ yi yilakpɔ Krsito yo Axoetɔ. ²⁷ Gbɔngbɔn Kɔkɔɛ tutui yiva gbedoxɔa mɛ yi tsi Yesu ɖevi fɛn yo xomɛtɔwo kɔɛ va benɛ yewoazɔn le ese kɔnuwo nu lɔ, ²⁸ Exɔɛ ɖo yo abɔwo ,mɛ yi yikafu Mawu nu be: ²⁹ Fifiɛ Axoetɔ wola tɛŋ tatsi axo subɔvi benɛ yadjo le ŋtifafa mɛ le axo nyatɔ dji. ³⁰ Ɖoŋtsi axiŋ ŋkuviwo kpɔ axo xɔxɔ. ³¹ Xɔxɔ tsinɛ wo djraɖo ɖɛ nɛ duvovowo kpata, ³² kɛnklɛn tsila klɛn nɛ dukɔnwo, yi ŋtsikɔkɔɛ nɛ axo du Izraɛl. ³³ Yi ŋukumɛ wɔ yaa nɛ etɔa ku nɔa le nyan tsiwo toɔ wole so yi ŋtsi ³⁴ Simeɔn yrawo yi tonɛ Maria enɔa be: kpɔ ! ɖeviɛ djɔ benɛ yahɛn guinguin kudo tsite tsitsi sɔvane ame gbogboɖewo le Izraɛl, yi yila nyi djesi nɛ nyasɔɖo amɛ ŋtsi. ³⁵ Yi wo ŋtɔ lɔ, adekpewui laŋɔ luvɔn nɔwo, benɛ amɛ gbogboɖewo yo susuwo nɛ ze. ³⁶ Yi nyɔnu nyanuɖɛtɔ ɖe nɔ anyi, tsi yo nyikɔ nyi Hana, enyi Fanuɛl yo vi, nyɔnu so Asɛr xome mɛ. Eku nyagan le xoemɛ ŋtɔ, yi yinɔ anyi xoe andrɛ kudo srɔnlɔ tsinɛ ŋde dɔn gbɔ gbɔxoe wosɔ ɖe wonɔnɔwo. ³⁷ Enyi ahosi tsi xɔ exoe kave tsi enɛ, yi gbedoxɔmɛ nɔnɔ djɔnɔdji nii, yi subɔnɔ Mawu ezan kudo kede le ŋtsitsidɔn kudo gbedodoɖa me. ³⁸ Yii le goxoxo xɔ tutu mɛa, yitsan va yi yitɔ akpe dodo ne Mawu, yile nuxo xoɔ so Yesu ŋtsi nɛ amɛtsiwo keŋkeŋ le tenɔwɔ kpɔYeruzalɛm yo katutu. ³⁹ Yi etsi yiwɔ natsiwo kpata wobiɔ so sedodo kɔnuwo mɛ le Axoetɔ yo sea djia Yosefu kudo Maria wotrɔyi ɖo Galilia le wo du Nazarɛti mɛ. ⁴⁰ Vɔ ɖevi fɛn lɔ le siŋsiɔ yi le ŋusɛn ɖoɔ. Nunya ɖɔɛ gbogboɖe yi Mawu yo menuveve ledji. ⁴¹ Yesu yo djilawo yinɔ Yeruzalɛm xoe sia xoe ɖo Paki yo zan ɖuɖu dji ⁴² Etsi yiɖo xoe woeve lɔ, wo gbeyi ɖo Yeruzalem le azanɖudu yo kɔnuwo dji. ⁴³ Yi tsi azan kɔnuwo ɖoɖoawo vɔ vɔḷɔ, yi wodjo djole axomɛ yiɔ lɔ, Yesu ɖeviɛ yɛ tsi Yeruzalɛm. Etɔlɔ kudo enɔlɔ wo ŋde nya be esti xɔn. ⁴⁴ Woyɛ wo susui be ele nɔviɛwo tsinɛ le mɔzɔnzɔn me, wozɔn ŋkeke ɖeka yo azɔnli yi wole djidjiɔ le xomɛtɔwo kudo xɔnlɔnwo gbɔ dokpo. ⁴⁵ Vɔ tsi wo ŋde tɛŋ kpɔɛwɔ lɔ, wo trɔ yi Yeruzalɛm benɛ yewo adji. ⁴⁶ Le ŋkeke etɔn yo ŋgbedomɛ lɔ, wo kpɔɛ le gbedoxɔmɛ yi yinɔ anyi ɖo nufiatɔwo domɛ yi le to ɖoɔ wo gbe le nya biɔ wo. ⁴⁷ Ametsiwo kpata le eto ɖowɛ lɔ woenu ku sɔkuɖo yo nunya kudo ɖowɛ lɔ wo enu ku sɔkuɖo yo nunya kudo ɖoŋtsi tsiwo nawɔ yile. ⁴⁸ Tsinɛ djilawo kpɔɛ lɔ, ekpatsa wo ŋtɔ, yi enɔlɔ biɔɛ be: Evinyɛ, ŋde ŋtsi wowɔ nɛnɛ do kudo mi ? Kpɔ nye kudo etɔwo mile djidjiɔn ɖo kudo enuxaxa. ⁴⁹ Eto nɔwo be: «ŋde ŋtsi mile djidjiɔn ɖo ? Minya be enyɔ be makpɔ etɔnye yo dɔwo gbɔ ? ⁵⁰ Vɔ wo ŋde se enyɔ tsiwo yinu nɔwo gɔmɛɔn. ⁵¹ Yi yizɔn kudo wo sɔyi Nazarɛti, yi yi bɔbɔ yidokui ɖo yo gomɛ. Enɔlɔ le enyɔn tsɛwo ɖo yo djimɛ. ⁵² Yi Yesu le siŋsiŋ kɔ kudo nunya yi yikpɔ le djidjɔ doɔ nɛ amɛgbetɔwo ku mawu.