¹ من عند بولس, لمحابسي تاع يسوع المسيح, و من عند الاخ تيموتاوس, ل فليمون خونا لحبيب و الخدّام معانا, ² و ل ابفية الاخت المحبوبة, ول ارخيبس المتجند معانا في الخدمة, و للكنيسية اللي في دارك: ³ ليكم السلام و النعمة من عند الله بابانا و الرب يسوع المسيح. شكر وصلاة على جال فليمون ⁴ نشكر ربي في كل وقت نذكرك فيه في صلاتي, ⁵ كي نسمع على المحبة و الايمان اللي عندك من جيهة الرب يسوع المسيح, و لجميع الخاوة القديسين, ⁶ ندعي للربي باه تكون المشاركة تاعك في الايمان مثمرة باه تبّين الصلاح اللي فيكم على جال المسيح يسوع. ⁷ على خاطر فرحتنا كبيرة و نتشجعوا بالمحبة تاعك, يا خونا راك فرّحت قلوب الخاوة. بولس يهدر مع فليمون على انسيمس ⁸ على هاذيك, حتى ولو عندي الحق في المسيح باه نٌأمرك, ⁹ بالصح على وجه لمحبة, نطلب منك- ادي بخاطري انا بولس واحد شايب وكبير, و زيد ضرك محبوس على جال يسوع المسيح ثاني- ¹⁰ حبيت نهدر معاك على ولدي انسيموس, اللي جبتو للايمان وانا مربوط بالسلاسل, ¹¹ اللي كان قبل ما هوش نافع ليك, بالصح اليوم ولى نافع ليّا وليك, ¹² انا بعثتو باه يرجع ليك. اقبلو, تقول عليّا بعثتلك قلبي. ¹³ و كنت حاب نخليه يقعد معايا باه يعوضك انت ويخدمني و انا في السلاسل تاع الانجيل, ¹⁴ بالصح ما حبيت نعمل حتى شيء بلا ما نشاورك, باه يكون الخير اللي راح تعملو تعملو من قلبك و موش بالسيف عليك. ¹⁵ و هو بلاك يكون فارقك ساعة غير باه يرجع ليك مرة واحدة و ما عادش يفارقك خلاص, ¹⁶ و منّا و جاي موش كيما خديم بالصح خير من خو عزيز, هاذا ليّا انا, مالا كيفاه يكون ليك انت خو في الدم و خو في المسيح مع بعضاهم! ¹⁷ اذا كنت حاسبني شريك ليك في الايمان, اقبلوا كيما تقبلني انا. ¹⁸ و اذا كان ظلمك في حاجة, و الا كان عندك دين عليه, احسبوا عليّا انا. ¹⁹ انا بولس هاذا وعد مني كتبتو بيدي: انا نخلص كل شيء. باه ما نقولكش اك مديون ليّا بالنفس تاعك انت ثاني. ²⁰ نعم يا خويا, على وجه ربي فرحني و هنيني عليه في المسيح. ²¹ انا كتبت ليك, و علابالي باللي موش راح تخيبني, وعارف باللي راح تدير اكثر خلاص من الشيء اللي طلبتو منك. ²² حاجة اخرى ثاني وجدلي بيت, على خاطر نتمنى ربي يسمع صلاتكم و يرجعني ليكم. تحيات ختامية ²³ يسلم عليك ابفراس اللي محبوس معايا على جال المسيح يسوع, ²⁴ و يسلم عليك مرقس و ارسترخس و ديماس و لوقا اللي يخدموا معايا. ²⁵ و النعمة تاع يسوع المسيح ربنا تكون مع الروح تاعكم. امين.