¹ و من بعد زاد دخل ثاني للمجمع , و كان لثمة واحد الراجل يدو مكمشة . ² و بقاو يعسوا عليه : زعمة يرتحو في السبت والا لا؟ باه يروحوا يشكيو بيه. ³ وقال للراجل اللي يدو مكمشة ."ارواح اوقف في الوسط !". ⁴ و من بعد قال لهم:" نهار السبت يحل لينا نعملوا الخير و الا نعملوا الشر؟ نمنعوا نفس والا نقتلوها؟" . الكل سكتوا . ⁵ خزر فيهم الكل و هو متغشش وحزين على قلوبهم القاسية , و قال للراجل :" مد يدك ". مدها و رجعت صحيحة كيما الاخرى . ⁶ و في هاذاك الوقت بالذات خرجوا الفريسيين و معاهم الهيرودسيين و تفاهموا عليه باه يقتلوه. الغاشي يتبع في يسوع ⁷ و راح يسوع هو والتلامذة تاعو للبحر , و تبعوا غاشي كبيرمن الجليل و من اليهودية ⁸ و من اورشليم و من ادومية ومن وراء الاردن . والناس اللي دايرين بصور و صيدا. غاشي كبير , على خاطركي سمعوا عليه واش دار جاو ليه الكل. ⁹ و طلب من التلامذة تاعو باه يبقى في فلوكة صغيرة باه الغاشي ما يدزوش , ¹⁰ على خاطر كي رتح منهم ياسر .ولاو يطيحوا عليه باه كل اللي فيه داء يمسو. ¹¹ و الارواح المنجوسة كي شفاتو سجدت و عيطت و قالت :" انت هو ابن الله ". ¹² و وصاهم و اكد باه ما يبينوهش. اختيار الثناش ن رسول ¹³ ومن بعد طلع للجبل و هدر مع اللي خايرهم و بقاو معاه . ¹⁴ و حط ثناش باه يكونوا دايما معاه و باه يبعثهم يبشروا, ¹⁵ و مد لهم سلطة باه يشفيو الامراض و يخرجوا الشواطن . ¹⁶ و سمى سمعان باسم بطرس. ¹⁷ و يعقوب بن زبدي و يوحنا خوه , سماهم بوانرجس اللي معناه ولاد الرعد . ¹⁸ و اندراوس, و فيليبس, و برتلماوس, و متى, و توما, و يعقوب بن حلفي, و تداوس , و سمعان القانوني , ¹⁹ و يهوذا الاسخريوطي اللي باعو , و من بعدها راحوا لدار . يسوع و بعلزبول ²⁰ و زاد تلم الغاشي ثاني و ما قدروش ياكلوا حتى لقمة تاع خبز. ²¹ و كي سمعوا اماليه خرجوا باه يجيبوه, على خاطرهم قالوا :"او مهبول" . ²² و بالصح الكتبة اللي هبطوا من اورشليم قالوا :" راه معاه بعلزبول! وراه يخرج في الشواطن بالرايس تاع الشواطن". ²³ عيط لهم و قال لهم بالمعاني :" كيفاه يقدر شيطان يخرج شيطان ؟ ²⁴ و الا كان مملكة تتقسم على روحها ما تقدرش تثبت . ²⁵ و الا كان بيت يتفرق على ذاتو ما يقدرش هاذاك البيت ييثبت . ²⁶ و اذا قام الشيطان ضد روحو و تفرق ما يقدرش يثبت , بالصح يفني روحو. ²⁷ ما يقدرش واحد يدخل لدار واحد قاوي باه يسرقو, لو كان موش في لول يكتف القاوي , بعدها يقدر يسرق لو دارو . ²⁸ نقول لكم الحق, الذنوب الكل يغفرها ربي للبشر, وحتى الكذب اللي يكذبوه . ²⁹ بالصح اللي يكفر بالروح القدس هاذاك اللي عمرو ما يتغفرلو. بالصح يتحكم عليه بعذاب دايم ". ³⁰ على خاطر هما قالوا :" او واقف معاه روح منجوس". عمل واش يطلب الله ³¹ وجات وقتها امو وخاوتو وقفوا لبرة وبعثوا يعيطولو. ³² وكان الغاشي ملموم بيه , قالولو:" هاي امك و خاوتك بره يعيطولك". ³³ جاوبهم و قال :" شكون يومى و خاوتي ؟". ³⁴ و بعدها شاف مع اللي قاعدين وقال :" ها هما امي و خاوتي, ³⁵ على خاطر اللي يعمل واش يحب ربي هو خويا واختي ويومى".