¹ و في هاذيك ليام جا يوحنا المعمدان ينادي في الصحراء تاع اليهودية ² و يقول: "توبوا, على خاطر ملكوت السماوات قْرُبْ". ³ و يوحنا هو اللي هدر عليه النبي اشعياء كي قال: صوت في الصحراء ينادي ويقول: وجْدوا طريق الرب. و اجعلوا مساربو مقدودة". ⁴ و يوحنا هذا كان لابس قشابية من لوبر, و متحزم في نصو بحزام تاع جلد, و كانت ماكلتو الجراد و لعسل البري. ⁵ وقتها خرجولوا من اورشليم و من ليهودية كاملة و من لبلدان اللي دايرة بالاردن, ⁶ و كان يعمد فيهم في واد الاردن, بعدما يستعرفوا بذنوبهم. ⁷ و كي شاف باللي ياسر من الفريسيين و الصدوقيين يجيو يتعمدوا عندو, قال لهم: "يا واحد لفاعي, شكون قالكم راح تمنعوا من الهول اللي جاي؟ ⁸ ديروا اعمال تليق بالتوبة. ⁹ و ما تقولوش لرواحكم: او عندنا بابانا ابراهيم. نقول لكم : الله قادر يقيم من هاذي لحجار اولاد لابراهيم. ¹⁰ الفاس راه تحط في الشِجر, و كل شجرة ما تجيبش ثمار مليحة تتقص و تترمى في النار. ¹¹ انا نعمد فيكم بالماء على جال التوبة, بالصح اللي يجي بعدي اقوى مني, و انا ما نستاهلش حتى نهزلو صباتو. هو يعمدكم بالروح القدس و بالنار, ¹² و راه هاز المذرى في يدو, و راح يصفي الطرحة, يلم القمح للمخزن, و يحرق التبن بنار ما ططفاش". معمودية يسوع ¹³ و في هاذاك الوقت جا يسوع من الجليل للاردن عند يوحنا باه يتعمد على يدو. ¹⁴ بالصح يوحنا ماحبش و قالو: "انا اللي محتاج ليك تعمدني, كيفاه تجي انت ليا نعمدك!". ¹⁵ جاوبو يسوع: "معليش خلي هذا يصير ضرك, على خاطر هكا نكملو كل صلاح". عاد باه قبل يعمدو. ¹⁶ و كي تعمد يسوع و وقت اللي عاد خارج من الماء, تحل عليه باب السماء و شاف الروح نازل كيما حمامة و حط فوق منو, ¹⁷ و جا صوت من السماوات يقول: " هذا هو وليدي لحبيب اللي رضيت عليه".