¹ بولس, الرسول تاع المسيح يسوع بالارادة تاع الله, للقديسين اللي راهم في افسس, المومنين في المسيح يسوع: ² نعمة وسلام عليكم من الله بابانا و الرب يسوع المسيح. بركات روحية في المسيح ³ تبارك الله الاب تاع ربنا يسوع المسيح, اللي انعم علينا بكل براكة روحية في السماوات في المسيح, ⁴ كيما خايرنا قبل ما يخلق الدنيا, باه نكونوا قديسين و بلا حتى لوم قدامو في لمحبة, ⁵ اللي سبق و خصصنا باه يتبنانا ليه بيسوع المسيح, حساب واش حب و واش بغى, ⁶ باه نمدحوا مجد نعمتو اللي نعم بيها علينا في المحبوب. ⁷ اللي لينا فيه الفداء بالدم تاعو, غفران الذنوب, حساب غنى نعمتو, ⁸ اللي فيضها علينا بكل حكمة و تدبير, ⁹ كي كشف لنا سر ارادتو, اللي قصدها في ذاتو كيما حب, ¹⁰ للتدبير تاع الزمانات الكل, باه يلم كلشيء في المسيح, اللي في السماوات و اللي على لرض. ¹¹ اللي فيه ثاني عندنا قسمة, كي خصصنا من قبل حساب واش قضى القصد تاعو اللي يعمل كلشيء حساب واش يحب بالمشيئة تاعو, ¹² باه نكونوا مسبحين لمجدو, احنا الي حطينا رجانا في المسيح من قبل. ¹³ الي فيه حتى انتوما ثاني, كي سمعتوا كلمة الحق, انجيل سلاككم, كي امنتوا تختمتوا بالروح القدس الي كان موعود بيه, ¹⁴ اللي هو العربون تاع الورثة تاعنا حتى يفدي اللي شراهم باه يسبحوا المجد تاعو. شكر و صلاة ¹⁵ على هاذيك حتى انا ثاني كي سمعت بالايمان تاعكم بالرب يسوع, و المحبة تاعكم لجميع القديسين, ¹⁶ مازالت لضرك نشكر في ربي على جالكم, نذكر فيكم ديما في صلاتي, ¹⁷ باه اله ربنا يسوع المسيح باباة المجد يمد لكم روح تاع حكمة و اعلان باه تعرفوه, ¹⁸ و ينور لكم البصاير تاعكم, باه تفهموا الرجاء الي دعاكم ليه, و تشوفوا كنوز المجد الي جعلها ليكم ميراث بين القديسين, ¹⁹ و قداه قدرة العظمة تاعو من جيهتنا احنا المومنين, ²⁰ حساب واش عمل لنا في المسيح بقوتو الكبيرة, كي قومو من بين الموتى, و جعلو على ليمين تاعو في السماوات, فوق كل رياسة و سلطان و سيادة, ²¹ وفوق كل اسم يتسمى موش برك في هاذا الزمان بالصح حتى في الزمانات الجاية ثاني, ²² و ركَّع كل شيء تحت رجليه, و جعلو فوق كل شيء راس للكنيسية, ²³ اللي هي لبدن تاعو و هو اللي يملي الكل في الكل.