¹ و كان واحد الراجل اسمو حاننيا, ومرتو اسمها سفيرة, باع واش كانوا يملكوا ² و نقَّص من الدراهم و كانت مرتو على بالها, و جاب الدراهم اللي بقاو وحطهم عند رجلين الرسل. ³ قالو بطرس:"قول لي يا حنانيا علاه دخل الشيطان في قلبك و حبيت تكذب على الروح القدس و تسرق من السومة تاع الجنان؟ ⁴ موش لوكان قعد ما بعتوش يبقى لك؟ و حتى كي تباع, ما كنتش قادر تخلي دراهمو ليك؟ وعلاه خممت هكذا في قلبك واشبيك؟ راك ماكذبتش على الناس بالصح كذبت على الله". ⁵ و كي سمع حنانيا هاذا لكلام طاح و طلعت روحو مات . و الناس اللي كانوا لثم كي سمعوا خافوا. ⁶ و وقفوا وحايد من الشبان و كفنوه و خرجوا داوه دفنوه. ⁷ من بعد قريب مدة ثلاثة سوايع, دخلت مرتو, و ما كانتش عارفة بالشيء اللي صرى لراجلها. ⁸ قال لها بطرس: " قولي لي هاذي هي السومة اللي بعتوا بيها الحقل؟". قالت لو: "نعم , هاذي هي سومتو". ⁹ قال لها بطرس: " وعلاه عليكم تفاهمتوا باه تجربوا الروح تاع الله؟ هاهما الرجال اللي دفنوا راجلك عند الباب, و راح يزيدوا يهزوك انتي ثاني". ¹⁰ في دقيقتها طاحت عند رجليه و طلعت حتى هي روحها وماتت. و كي دخلوا الشبان لقاوها ميتة ,هزوها هي ثاني و كفنوها و داوها دفنوها بحذى راجلها. ¹¹ و صرى خوف كبير في الكنيسية كلها و في الناس اللي سمعوا بالشيء اللي صرى. الرسل يشفيوْ ناس ياسر ¹² وجرات على يد الرسل عجايب و معجزات ياسرفي سط الشعب. و كانوا كلهم يقعدوا بقلب واحد في رواق سليمان. ¹³ وحتى واحد من برى ما قدر يدخل في وسطهم , وكانوا الناس الكل يقادروهم . ¹⁴ و كانوا المومنين بالمسيح يكثروا و يزيدوا , نساء ورجال, ¹⁵ حتى ولاو الناس يهزوا في المرضى اللي عندهم بالفراشات و السرَّة و يحطوهم في الطريق, باه كي يعود بطرس معدي يظلل بالخيال تاعوعلى المرضى يبراو. ¹⁶ و تلم الغاشي تاع المدن المجاورة لاورشليم جايبين معاهم المرضى و اللي مسكونين بالجنون و كانوا كلهم يرتاحوا. الرسل يتعرضوا للاضطهاد ¹⁷ و زاد الحقد تاع رايس الكهنة, هو و جماعة الصدوقيين اللي معاه , ¹⁸ راحوا حكموا الرسل و رماوهم في الحبس لكبير. ¹⁹ بالصح ملاك الرب جاء في الليل و حل البيبان تاع الحبس و خرجهم ²⁰ وقال لهم : "روحوا اوقفوا في وسط الهيكل و كلموا الشعب بكل لكلام تاع لحياة الجديدة". ²¹ داروا واش قال لهم و دخلوا للهيكل مع الصباح بكري و بداو يعلموا. و رايس الكهنة و الناس اللي معاه, لموا المجلس و الشيوخة تاع الشعب, و بعثوا خدامين للحبس باه يجيبوا الرسل. ²² و كي وصلوا للحبس ما لقاوهمش, رجعوا للمجلس ²³ و قالوا لهم :" لقينا الحبس مقفول مليح و العساسة واقفين قدام البيبان تاع الحبس, و كي حلينا و دخلنا ما لقينا حتى واحد الداخل". ²⁴ و كي سمع الكاهن و قايد العسكر تاع الهيكل هاذا لكلام, دخلوا في بعضاهم وحاروا كيفاه هاذا الشيء يصرى؟ ²⁵ و من بعد جاء واحد وقال لهم : " الرجال اللي حطيتوهم في الحبس راهم واقفين يعلموا في الشعب في الهيكل ". ²⁶ وقتها راح قايد العسكر مع رجالو, و جابوهم بشوية بلا عنف, على خاطر خافوا من الشعب لا يرجمهم. ²⁷ و وقفوهم في وسط المجلس. وسقساهم رايس الكهنة ²⁸ و قال: "ياخي قلنا لكم ما تعلموش بهاذا الاسم خلاص؟ بالصح انتوما نشرتوا التعليم تاعكم في اورشليم كاملة, وتحبوا تلفقولنا التهمة بلي احنا قتلنا هاذا الراجل". ²⁹ تكلم بطرس و الرسل و قالوا: "لازم علينا نطيعوا ربي اكثر من الناس. ³⁰ اله جدودنا قوَّم يسوع من الموت اللي انتوما قتلتوه و علقتوه على الخشبة. ³¹ هو اللي الله رفعو و حطو على ليمين تاعو وجعلو رايس و مخلص, باه ينعم على اسراييل بالتوبة و مغفرة الذنوب. ³² و احنا رانا شهود على هاذي الامور, و يشهد ثاني حتى الروح القدس اللي مدو الله للناس اللي يطيعوه". ³³ و كي سمعوا هاذا لكلام زادوا تغشوا عليهم اكثر و قرروا باه يقتلوهم. ³⁴ بالصح وقف واحد منهم راجل فريسي اسمو غمالاييل, معلم تاع الشريعة, و الناس الكل يقادروه, طلب من الرسل باه يخرجوا شوية حتى يتشاوروا بيناتهم. ³⁵ و قال لهم : " يا بني اسراييل ردوا بالكم تديروا الشيء اللي راكم تفكروا فيه مع هاذم الرجال. ³⁶ شوفوا قبل جا توداس و قال على روحو: بلي هو حاجة كبيرة و تلموا عليه قريب اربعمية راجل, و من بعد تقتل و تفرقوا الناس اللي كانوا معاه و فضت حكايتهم وما بقات لهم حتى جرة . ³⁷ و من بعد جا يهوذا الجليلي ايامات الاحصاء, و جر وراه ناس ياسر. و هاذاك ثاني تقتل, و تفرقت جماعتو. ³⁸ و انا نقول لكم: بعدوا على هاذم الناس و خليوْهم على ارواحهم! على خاطر كان هاذا الامرو الا هاذي الخدمة من عند الناس راح تزول, ³⁹ و اذا كان من عند الله انتوما ما تقدروش تنحيوه, و الا تلقاو ارواحكم معاديين الله ثاني". ⁴⁰ ولاو خذاو برايو. و عيطوا على الرسل و جلدوهم, و حذروهم باه ما يزيدوش يتكلموا باسم يسوع, ⁴¹ بالصح هما روْحوا من المجلس فرحانيين, على خاطر ربي لقاهم يستاهلوا باه يقبلوا الذل على جال اسمو. ⁴² و بقاو كل يوم يعلموا في الهيكل و في الديار و يبشروا بيسوع المسيح.