¹ و طلع بطرس ويوحنا مع بعضاهم للهيكل وقت صلاة التسعة . ² و كان واحد الراجل عايب من اللي تولد و كانوا يهزوه على كتافهم, و يحطوه كل يوم قدام الباب تاع الهيكل اللي يقولوا "باب الجميل" باه يطلب صداقة من عند الناس اللي يدخلوا للهيكل. ³ و كي شاف بطرس و يوحنا داخلين للهيكل طلب من عندهم صداقة . ⁴ بقا بطرس هو ويوحنا يخزروا معاه , و قال لو بطرس :"شوف معانا!". ⁵ شاف فيهم و بقى يستنى كاش ما يحنوا عليه بحاجة . ⁶ قال لو بطرس :" ما عندي لا فضة ولا ذهب , بالصح نمدلك الشيء اللي نكسبو: باسم يسوع المسيح الناصري اوقف امشي !". ⁷ و حكمو من يدو ليمنى و وقفو, و في ساع الراجل تقوات رجليه و ركايبو, ⁸ و نقز و وقف وولى يمشي , و دخل معاهم للهيكل وهو ينقز و يحمد في ربي. ⁹ و الناس الكل شافوه وهو يمشي ويسبح في ربي . ¹⁰ و عرفوه بلي هاذاك اللي كان قاعد يطلب صداقة في باب الهيكل الجميل , و دهشوا خلاص و حاروا من الشيء اللي صرى لو. الخطبة تاع بطرس في وسط الهيكل ¹¹ و كان الراجل العايب الي رتاح مع بطرس و يوحنا ما سيَبهمش و جاو الناس يجريو للرواق اللي اسمو" رواق سليمان " وتلموا عليهم و الكل كانوا حايرين . ¹² و كي شافهم بطرس كيما هكذاك قال لهم :" يا رجال اسراييل, واشبيكم تتعجبوا من هاذا الشيء اللي صرى؟ و علاه راكم تخزروا فينا تقول بقوتنا والا بالتقوى تاعنا جعلنا هاذا الراجل يمشي؟ ¹³ راه الاله تاع ابراهيم و اسحاق و يعقوب, اله جدودنا, مد المجد لفتاه يسوع, اللي انتوما سلمتوه و نكرتوه قدام بيلاطس, وهو كان حاب يسيْبو. ¹⁴ بالصح انتوما نكرتوا القدوس البار, و طلبتو منو يخرج لكم واحد قتال ارواح. ¹⁵ و قتلتوا رايس لحياة , اللي الله قوْمو من بين الموتى, و احنا رانا شهود على هاذا الشيء. ¹⁶ و بالايمان باسمو, هو اللي رجع القوة لهذا الراجل اللي تشوفوا فيه و اللي تعرفوه مليح, الايمان بيسوع هو اللي رتحو قدام عينيكم الكل . ¹⁷ بالصح يا خاوتي , انا علابالي باللي انتم و الرياس تاعكم عملتوا هاذا الشيء بلا ما تعرفوا . ¹⁸ و الله تمم الشيء اللي قال عليه من قبل على فم الانبياء تاعو الكل , بلي المسيح راح يتألم . ¹⁹ امالا توبوا و ارجعوا باه تتمحى ذنوبكم, و باه يفرج عليكم ربي من عندو. ²⁰ كي بيعث لكم المسيح اللي عينو من قبل ليكم انتوما. ²¹ اللي لازم يبقى في السماء, حتى يجي الزمان اللي يرجع فيه كل شيء, كيما قال الله من بكري خلاص على فم الانبياء تاعو الطاهرين. ²² قال موسى لجدودنا: راح بيعث لكم الرب الهكم نبي من خاوتكم كيما انا. اسمعوا ليه في كل ما يكلمكم بيه. ²³ و اللي ما يسمعش ليه يفنى من وسط الشعب. ²⁴ و جميع لنبياء من صموئيل و روح, الي هدروا الكل و تنبأوا على هاذي ليامات. ²⁵ و انتوما راكم اولاد لنبياء, و الله عاهد جدودنا بالعاهد كي قال لبراهيم: بالذرية تاعك راح يتباركوا الشعوب تاع لرض كاملة. ²⁶ و في لول ليكم انتم, كي قوم الله فتاه يسوع من بين الموتى, بعثو براكة ليكم باه يرد كل واحد فيكم على الشرور اللي قاعد يدير فيها .