¹ من عند يوحنا الشيخ, ² للحبيب غايوس اللي نعزو في الحق. يا لعزيز, نتمنى تكون بخير و لاباس عليك في كل شيء, في صحتك و في نفسك. ³ راني فرحان بيك ياسر كي جاو عندي واحد الخاوة و شهدوا بالحق اللي راك متمسك بيه و تمشي بيه. ⁴ ما كانش فرحة اكثر من هاذي: كي نسمع باللي اولادي يمشيو حساب الحق. مدح غايس ⁵ يا ولدي لحبيب, انت راك امين في كل حاجة تديرها ان كان مع الخاوة و الا مع البرانية, ⁶ اللي يشهدوا بالمحبة تاعك قدام لكنيسية. و تعمل مليح لو كان تشايعهم باه يكملوا السفر تاعهم كيما لازم لله, ⁷ اللي خرجوا على جال اسمو, و راهم ما يقبلوش حتى شيء من عند اللي ما همش مومنين. ⁸ لازم علينا احنا نرحبوا بيهم باه نكونوا متشاركين معاهم في خدمة الحق. توبيخ ديوتريفس ⁹ كتبت للكنيسية, بالصح ديوتريفس ـ اللي يحب يكون رايس عليهم ـ ما يحبش يقبلنا. ¹⁰ كي نجي نقول لكم واش راه يدير, و يهدر علينا بكلام موش مليح. و ما كفاهش هاذا كامل , ويزيد هو ما يقبلش الخاوة, وما يخليش اخرين يقبلوهم, و يسحتوهم من لكنيسية. ¹¹ يا ولدي لحبيب, تبَّع الخير و بعد على الشر, على خاطر اللي يدير الخير راهو من عند ربي, و اللي يعمل الشر, عمرو ما شاف الله. شهادة لديمتريوس ¹² و ديمتريوس الناس الكل تشهد عليه و حتى الحق في ذاتو يشهد عليه, و احنا ثاني نشهدو لو, و راكم عارفين باللي الشهادة تاعنا صادقة. ¹³ كاين عندي حوايج ياسر باه نقول لكم عليها, بالصح موش بالقلم و الحبر, خاتمة ¹⁴ بالصح ماذابيا نشوفك فيما قريب و نتكلموا خير. ¹⁵ نخليك على خير. يسلموا عليك لحباب الكل. و انت ثاني سلم على لحباب الكل كل واحد باسمو.