¹ Maye kulelidolobha lelihlubukile! Lelidolobha leLUdlame likhohlakele. ² Akalilaleli livi laNkulunkulu, noma kumukela tilungiso kuSimakadze. Akakholelwa kuSimakadze futsi angeke asondzele kuNkulunkulu wakhe. ³ Tinkhosi takhe bangemabhubesi labhodla emkhatsisini kwakhe. Tikhulu takhe timpisi takusihlwa letingashiyi lutfo lokungadliwa ekuseni. ⁴ Baphrofethi bakhe bayadzelela baphindze babe madvodza langatsembakali. Baphristi bakhe badzelela lokungcwele benta neludlame kulomtsetfo. ⁵ Simakadze ulungile emkhatsisini kwakhe. Akenti lutfo lokungakalungi. Kusa nekusa utawubaphatsa ngekulingana! Angeke kufihlakale ekukhanyeni, noko labangakalungi abalati lihlazo. ⁶ ''Sengibhidlite tive; tigodlo tabo tonakele. Ngente titaladi tabo taba tindzala, khona kubete namunye lowengca kito. Emadolobha abo abhubhisiwe kuze kube bete namunye longahlala kuwo. ⁷ 'Ngatsi, ngempela nitawungesaba. Yemukela tilungiso futsi ningasuswa emakhaya enu ngako konkhe lengihlele kunentela kona.' Kodvwa bebayajaka kucala loko naloko kusa ngekona tonkhe tento tabo. ⁸ Ngako-ke ngimeleni - lesi simemetelo saSimakadze - kuze kufike lelilanga ngitawuphakamisa kubamba inyamatane. Ngoba sincumo sami kuhlanganisa tive, ngibutsele ndzawonye imibuso, ngitfululele lulaka lwami etikwabo - yonkhe intfukutselo yami leyesabekako; ngoba lomhlaba wonkhe uyawubhujiswa ngentfukutselo yami. ⁹ Kodvwa ngitobese ngihlanta tindzebe talabantfu, kuze bonkhe lababite libito laSimakadze kutomkhonta kuto tonkhe tinhlangotsi. ¹⁰ Kusukela ngesheya kwemfula weKushi labangidvumisako - bantfu bami labahlakatekile batawuletsa iminikelo. ¹¹ Ngalelo langa angeke udliwe ngemahloni ngako konkhe lokubi lokwentile kimi, ngoba ngaleso sikhatsi ngitawususa kini labo labajabulela kutichenya kwabo, futsi ngoba angeke usatigcamba entsabeni yami lengcwele. ¹² Kodvwa ngiyawushiya kini labalungile nebantfu labamphofu, futsi batawutfola kuvikeleka egameni laSimakadze. ¹³ Insalela yaka Israyeli angeke isakwenta lokubi noma ikhulume emanga, futsi kubete lulwimi lolubi lolutawutfolakala emilonyeni yabo; ngako batawukudla bese balala phansi; futsi kuyawubate namunye loyawubasabisa.'' ¹⁴ Hlabela, ndvodzakati yaseSiyoni! memeta, Israyeli. Jabula uphindze utfokote ngenhlitiyo yakho yonkhe, ndvodzakati yaseJerusalema. ¹⁵ Simakadze sewusitsetse sijeziso sakho watisusa netitsa takho! Simakadze uyinkhosi yaka Israyeli emkhatsini wenu. Angeke uphindze wesabe lokubi! ¹⁶ Ngalelo langa batawutsi eJerusalema, ''Ningesabi, Siyoni. Ungatiyekeleli tandla takho titebhe. ¹⁷ Simakadze Nkulunkulu wenu unani, lomkhulu lotawukunisindzisa. Uyawukujabulela wena ngenjabulo; uyawuthula ngawe ngelutsandvo lwakhe; uyawukutfokotela ngekuhlabelela ngenjabulo. ¹⁸ Ngitawubutsisa ndzawonye labo labaselusizini, labo labangeke bete elidzilini lelibekiwe, ngako angeke nisatfwala emahloni ngako. ¹⁹ Buka, sengitawubajezisa bonkhe bacindzeteli benu. Ngaleso sikhatsi, ngiyawusindzisa labachutako futsi ngibutsise bonkhe labalahliwe. Ngiyawubenta njenge ndvumiso, futsi ngishinje lihlazo lwabo lube yinhlonipho emhlabeni wonkhe. ²⁰ Ngaleso sikhatsi, ngitanihola; ngaleso sikhatsi ngitawunibutsisa ndzawonye. Ngitawenta tonkhe tive temhlaba tinihloniphe tiphindze tinidvumise, nasenibona kutsi nginibuyisile, ''kusho Simakadze.