¹ Leli livi laSimakadze lelefika ku Zefaniya indvodzana ya Cushi indvodzana ya Gedaliah indvodzana ya Amariah indvodzana ya Hezekhiya, emalangeni a Josiya indvodzana ya Amoni, inkhosi yaka Juda. ² Vele ngitawubhubhisa konkhe lokusuka ngetulu kwemhlaba- nguloku lokushiwo nguSimakadze. ³ Ngitawubhubhisa bantfu netilwane; ngiyawubhubhisa tinyoni temazulu kanye netihlanti telwandle. Tindzala naleto letikhohlakele. Ngokuba ngiyawususa umuntfu ngetulu kwemhlaba- nguloku lokushiwo nguSimakadze. ⁴ Ngiyofinyelelisa sandla sami etukwa Juda kanye nabo bonkhe bahlali base Jerusalema. Ngitawususa yonkhe insali ya Bhali kusukela kulendzawo nemagama alabo bantfu kulaba kuba pristi, ⁵ bantfu labasetulu badvumisa tingelozi, nebantfu labadvumisa Simakadze baphindze bafunga enkhosini yabo. ⁶ Ngiyawasusa nalabo labajika ekumlandzeleleni Simakadze, nalabo labafuna Simakadze nome labangafuni teluleko takhe nome bacela kugadvwa kwakhe'' ⁷ Thula phambi kweNkhosi Simakadze! Ngoba lilanga laSimakadze lidvutane; Simakadze solungise umhlatjelo futsi wahlukanisa tivakashi takhe. ⁸ ''Kutawufika ngelilanga lemhlatjelo waSimakadze, lapho ngitawujesiza emakhosana nemadvodzana enkhosi, nawonkhe muntfu logcoke timphanhla taletinye tive. ⁹ Ngalelo langa ngiyawujezisa bonkhe laboyokweca titebhisi, labo labagcwalisa indlu yemphatsi wabo ngeludlame nekukhohlisa. ¹⁰ Ngako kuyawuba ngalelo langa- nguloku lokushiwo nguSimakadze- kukhala kwekukhatsateka kutawuchamuka Esangweni leTinhlanti, kulila lokuchamuka endzaweni yeSibili yeLidolobha, kanye nemsindvo lomkhulu wekushayisa uchamuka etintsabeni. ¹¹ Lilani, bahlali base tiMakethe teLidolobha, ngobe bonkhe batsengisi batawumosheka; bonkhe labakala lisiliva batawujutjwa. ¹² Kutawufika ngaleso sikhatsi kutsi ngitawuphenya i Jerusalema ngetibane bese ngijezisa emadvodza lasahleti ewayinini labo bese batsi etinhlitiyweni tabo, 'Simakadze kute latakwenta, lokuhle noma lokubi. ¹³ Umcebo wabo utawutsatfwa, netindlu tabo tiyawu bhubhiswa! Batawakha tindlu kepha bangahlali kuto, baphindze bahlanyele imivini kepha banganatsi liwayini lato. ¹⁴ Lilanga lelikhulu laSimakadze lisondzele, liyasondzela masinyane ngekushesha! Umsindvo welilanga laSimakadze kutawuba ngulowo welichawe likhala kabuhlungu! ¹⁵ Lelo langa kutawuba lilanga lelulaka, lilanga lekukhatsateka nebuhlungu, lilanga lesiphepho nekubhubhisa, lilanga lebumnyama nekuhlwa, lilanga lemafu kanye nebumnyama lobutiyile. ¹⁶ Kutawuba lilanga letimpalampala nema alamu lamelene nelidolobha lelibiyelwe netindzawo letiphakeme temphi. ¹⁷ Ngoba ngitawuletsa kukhatsateka etukwe bantfu, kute batewuhamba njenge timphumputse ngoba bonile kuSimakadze. Ingati yabo itawucitseka njenge litfuli, lingekhatsi labo lifanana njenge bulongo. ¹⁸ Lisiliva nome ligolide labo ngeke libasindzise elangeni lelulaka lwaSimakadze. Emlilweni wemona wakhe umhlaba wonkhe utawusha, ngoba utawuletsa lokuphelele, lokubuhlungu kuphela kubo bonkhe labahlala emhlabeni.''