¹ Buka! Lilanga laSimakadze liyeta lapho imbango iyohlukaniswa khona emkhatsini wenu. ² Ngiyobutsisa tonkhe tive timelane neJerusalem ngemphi nelidolobha liyobanjwa. Letindlu tiyophangwa nebesifazane bayodlwengulwa. Incenye yelidolobha iyotfunjwa kodvwa labo bantfu labayawusala abayawususwa edolobheni. ³ Kodvwa Simakadze uyophumela ngephandle ahlele imphi mayelana naleto tive ngengobe ayohlela lemphi ngalelinga lemphi. ⁴ Ngalelo langa tinyawo takhe tiyokuma eNtsabeni yeMncuma, lesimbikwe Jerusalem enshonalanga. Itsaba yeMncuma iyohlukaniswa emkhatsini wenshonangalanga nemphumalanga ngetigodzi letinkhulu nencenye yentsaba iyobuyela eningizimu ncenye lenye enyakatfo. ⁵ Ngako uyobalekela entansi esigodzini emkhatsi wetintsaba taSimakadze, ngobe lesigodzi emkhatsini waleto tintsaba kuyofinyelela eAzel. Uyobaleka njengobe wabalekela kutamatama kwemhlaba ngemalanga aUzziah, Inkhosi yemaJudah. Ngako Simakadze Nkulunkulu wami uyofika nabo bonkhe labangcwele bayawuba naye. ⁶ Ngalelo langa kuyoba bete kukhanya, futsi kute emakhata nesitfwatfwa. ⁷ Ngalelo langa, lilanga lelatiwa nguSimakadze kuphela, kuyobabete imini nomabusuku, ngalobusuku kuyoba sikhatsi sekukhanya. ⁸ Ngalelo langa emanti laphilako ayogeleta aphuma eJerusalem. Incenye yawo iyogeletela elwandle lelingasemphumalanga, kutsi lenye incenye igeletele elwandle lelingasenshonalanga, ehlobo nasebusika. ⁹ Simakadze uyoba yiNkhosi emhlabeni wonkhe. Ngalelo langa kuyoba naSimakadze, Nkulunkulu munye, neligama lakhe yedvwa. ¹⁰ Yonkhe lendzawo iyofana neArabah, sukela eGeba kuya eRimmon eningizimu eJerusalem. IJerusalem iyochubeka iphakanyiselwa etulu isale endzaweni yayo, kusukela egedeni iBenjamin kuya lapho lisango lekucala belikhona khona, kuya egedeni iCorner, kusekela eTower yase Hananel kuya Inkhosi ihluteka khona liwayini. ¹¹ Labantfu bayawuhlala eJerusalem futsi kuyobabete kubhujiswa lokusuka kuNkulunkulu kubhekiswe kubo. Jerusalem uyophepha. ¹² Lesi kuyobasifo Simakadze layohlasela kubonkhe bantfu bantfu labahloma imphi mayelana neJerusalem: Imitimba yabo iyobola baseme bgatinyawo tabo. Emehlo abo ayawubola etingojeni tabo netilwimi tabo tiyobola emlonyeni yabo. ¹³ Ngalelo langa kwesaba lokukhulu lokukuSimakadze kuyochamukela kubo. Nguloyo naloyo uyobamba sandla salomunye bahlanelane bodvwana. ¹⁴ NaJudah uyokulwa amelane neJerusalem. Bayawubutsisela ingceboyato tonkhe tive letakhelene nayo-igolide, isiliva kanye netimphahla letisezingeni leliphakeme. ¹⁵ Sifo siyboba emahhashini, eminyizini, emakamela netimbhongolo, kanye nato tonkhe kuleto tinkambu tiyohlupheka ngesifo lesifanako. ¹⁶ Kuyowutsi bonkhe labayawube basele kuleto tive lebetihlasele Jerusalem bayawukhulula ngemnyaka ngemnyaka kuyodvumisa Inkhosi, Simakadze wemabandla nekugcina Umkhosi weMathende. ¹⁷ Kuyowenteka kutsi nomangubani etiveni tonkhe temhlaba angayi eJerusalem kuyokhonta Inkhosi, Simakadze wemabandla, uyobe Simakadze akayiletsi imvula kubo. ¹⁸ Nangabe emaGibhithe akenyuki nawo akayawuyitfola imvula. Sifo lesichamuka kuSimakadze siyohlasela tive letingakayi kuyohlanganyela kugubha Umkhosi weMathende. ¹⁹ Lesi kuyawuba sijezizo seEgypt nesijeziso sato tokhe tive letingakanyuki kuyogubha Umkhosi weMathende. ²⁰ Kodvwa ngalelo langa, ematomi emahhashi ayotsi '' Hlukanisa kuSimakadze,'' nemigezelo endlini yaSimakadze kuyofana netitja embikwelilati. ²¹ Ngalinyengalinye libhodo eJerusalem naseJudah liyohlukaniswa ekhatsi kuSimakadze emabandla nanoma ngubani loletsa umhlatjelo bayawudla kuwo phindze babilisi kuwo. Ngalelo langa batsengisi abayobe sebangekho endlini yaSimakadze wemabandla.