¹ Umlayeto ngeNineveh. Incwadzi yaNahum, iElkoshite. ² Simakadze nguNkulunkulu lonemona nalophindziselako; Simakadze uyabuyisela futsi ugcwele netfukutselo; Simakadze uyaphindzisela etitseni takhe. ³ Simakadze akasheshi atfukutsele nemandla lamakhulu, ngeke ahlale angabajezisi lababi Simakadze wenta indlela yakhe ibe sesivungunguvingwini futsi nesangcotfo, emafu alutfuli lwetinyawo lwakhe. ⁴ Wekhuta lwandle walenta loma; womisa yonkhe imifula. Bashan uyantengantenga, naCarmel kanjalo; timbali tase Lebanon tiyantengantenga. ⁵ Tintsaba tinyakatela ebukhoneni bakhe nemagcuma ayancibilika; umhlaba uyawa ebukhoneni bakhe, mbamba, umhlaba nabo bonkhe bantfu labahlala kiwo. ⁶ Ngubani longema embikwetfukutselo yakhe? Ngubani longabhekana nelulaka lwakhe? Lulaka lwakhe liphuma ngatsi ngumlilo, nematje abhidlitwe emkhatsini nguye. ⁷ Simakadze muhle, litsemba ngemalanga ekuhlupheka; utsembekile kulabo labakhosela kuye. ⁸ Kepha ekugcineni uyowenta kupheleliswa etitseni takhe ngesikhukhula lesingenamkhawulo; uyabafaka emnyameni. ⁹ Yini nine bantfu lenikuhlelela Simakadze? Uyosenta siphetfo lesiphelele; inhlupheko ngeke iphakame kabili. ¹⁰ Njenge manyeva latungetele futsi netinatfo talabadzakwako, baya wushwabudzelela ngengemahlanga lomisiwe. ¹¹ Ekhatsini wenu akuphume umuntfu, Nineveh, lonemacebo lamabi ngaSimakdze, umuntfu lowavumela lokubi. ¹² Loku ngulokushiwo nguSimakadze, ''Nomangabe baphelele ngemandla nangetinombolo, nomakanjani bayo bulawa; bantfu babo bayobe sebangekho. Kepha wena, Judah: nomangabe sengikujesisile, angeke ngisaphindze ngkujezise. ¹³ Nyalo ngitawephula lijoke lebantfu kuwe; Ngiyo bhidlita tinketane takho. '' ¹⁴ Simakadze unike umyalo ngawe, Ninevah: ''Kuyobabete titukulwane letiyowandzisa ligama lakho. Ngiyojuba tonkhe titfombe takho netithico letisendlini yabonkulunkulwana bakho.Ngitanigubhela emathuna enu, ngoba nibabi. '' ¹⁵ Buka, etintsabeni khona kunetinyawo temuntfu loletsa tindzaba letimnandzi, lomemetela kuthula! gubha umkhosi wakho, Judah, nigcine tetsembiso tenu, ngoba lababi abayungenelela kini kakhulu; ujutjwe kuko konkhe.