¹ Buka, ngalawo malanga futsi nakuleso sikhatsi, ngesikhatsi ngibuyisela labatfunjiwe baka Juda nase Jerusalem, ² ngitohlanganisa tonkhe letive, futsi ngibaletse phansi esigodzini sase Jehoshaphat. Ngitawubahlulela khona, ngenca yebantfu bami futsi nelifa lami Israel, lebamusakatele emkhatsini wato tonkhe tive, futsi ngobe bahlukanisa live lami. ³ Bagembulela bantfu bami, bashintjisa umfana bamshintjisela ingwadla, futsi batsengisa intfombatana bayitsengisela liwayini khona batawunatsa. ⁴ Nyalo, ningikwatele leni, Tyre, Sidoni nato tonkhe tigodzi tase Philistia? Utangibhadala yini? Nobe ngabe utongibhadala, ngitawubuyisela ngekushesha kuphindzisela kwakho enhloko yakho. ⁵ Ngobe utsatse lisiliva lami futsi neligolide lami, futsi waletsa umcebo wami longemagugu ethempelini lakho. ⁶ Watsengisa bantfu bema Juda na Jerusalem kuma Grikhi, kute ngibasusele khashane nendzawo yabo. ⁷ Buka, sengisedvute, ngaphandle kwetindzawo lapho wabatsengisa khona, futsi ngitawubuyisela imbhadalo enhloko yakho. ⁸ Ngitawutsengisa emadvodzana akho nemadvodzakati akho, ngesandla sebantfu bakaJuda. Batawubatsengisa kumaSabeans, eveni lelikhashane kakhulu, ngobe Simakadze sokhulumile.'' ⁹ Memetela loku emkhatsini wetive: '''Tilungiseleleni imphi; wenta bantfu labanemandla; bavumele basondzele; vumela bonkhe labantfu bemphi bete. ¹⁰ Shaya emakhuba akho uwente tinkemba nemikhwa yenu yekujuba emagala ibe tikhali.Vumela lobutsakatsaka atsi, 'Nginemandla.' ¹¹ Shesha ute,nokhe nine tive lenisedvute; hlanganani kanye kanye lapho. Simakadze, letsa phansi emabutfo lanemandla. ¹² Vumela tive titivuse tite emadlelweni aseJehoshaphat. Ngobe lena ngitohlalalela kuhlulela tonkhe letive letigegeletelwe. ¹³ faka ekhatsi lisikela, ngobe kuvuna sekulungele. Wotani, fihlitani emagelebisi, ngoba lakuhlutelwa khona kugcwele. Nemimphandza seyigcwele iyaphuphuma, ngobe bubi babo bukhulu.'' ¹⁴ Kunemsindvo, umsindvo kulesigodzi sekwehlulela. Ngobe lilanga laSimakadze lisedvute kulesigodzi sekwehlulela. ¹⁵ Lilanga nenyanga tiba mnyama, tinkhanyeti tigcina kukhanya kwato. ¹⁶ Simakadze utawubhodla asesiyoni, futsi aphakamise umphimbo wakhe eJerusalema. Emazulu nemhlaba atawutamatama, kodvwa Simakadze utawuba siphephelo sebantfu bakhe, nencaba yebantfu baka Israel. ¹⁷ ''Ngako utawukwati kutsi nginguSimakadze Nkulunkulu wakho lohlala esiyoni, intsaba yami lengcwele. Bese iJerusalema itawuba ngcwele, futsi kute emabutfo latawuphindze amuhlasele phindze. ¹⁸ Kutawuta ngako ngalelolanga kutsi letintsaba titawutfontsa newayini lemnandzi, letihosha tatitawugeleta nelibisi, tonkhe letincwadzi taJuda titawugeleta nemanti, futsi nemtfombo utawuchamuka endlini yaSimakadze futsi bamantise netihosha taseShittim. ¹⁹ Egypt utoba yindzawo lelahliwe, futsi neEdom utoba lihlatsi lelisabekako, ngenca yeludlame leselentiwe kubantfu bakaJuda, ngobe bacitsa ingati lengenacala etindzaweni tabo. ²⁰ Kodvwa Juda kutawuhlalwa kuye ngunaphakadze, naJerusalema kutawuhlalwa kuye kusukela etitukulwaneni kuya etitukulwaneni. ²¹ Ngitophindzisela ingati yabo lena lengisengaka yiphindziseli, ngobe Simakadze uhlala esiyoni.''