1 Zedekiya wacala kubusa aneminyaka lengemashumi lamabili nakunye, wabusa iminyaka lelishumi nakunye eJerusalema. libito lenina wakhe bekungu Hamuthali: bekundvondzakati yaJeremiya wase Libnah. 2 Wenta lokubi ebusweni baSimakadze: wenta konkhe lobekwentiwa nguJohoyakhimu. 3 Ngekutfukutsela kwaSimakadze, yonkhe lemicimbi yenteka eJerusalema nase Juda, wate wabadvonsela embikwakhe. Wase Zedekiya uvukela leNkhosi yaseBhabhiloni. 4 Kwenteka kutsi ngemnyaka wemfica wekubusa kweNkhosi Zedekiya, ngenyanga yelishumi, kanye nelilanga lelishumi laleyo nyanga, Nebukhedinezari, Inkhosi yaseBhabhiloni,weta nalolonkhe libutfo lakhe atovukela Jerusalema. Bahlala babukana nalo, bakha lubondza lolukake lelidolobha. 5 Ngako lelidolobha latungeletelwa kwate kwaba iminyaka lelishumi nakunye wekubusa kweNkhosi Zedekiya. 6 Ngelilanga lemfica enyangeni yesine indlala lenkhulu yahlasela lidolobha kwababete kudla kwebantfu kulelo live. 7 Lase lelidolobha ligcekezwa,kwabese kubaleka onkhe lamadvodza emphi abaleka kulelidolobha ebusuku endleleni lengasegedeni emkhatsini wetibondza letimbili, ngase ngadzeni yeNkhosi, noma laMakhaledi bekatungelete lelidolobha.Base baphuma ngendlela yase Araba. 8 Kepha Libutfo leMakhaledi lacosha inkhosi laphindze latsatsa Zedekhiya emabaleni emfula iJordan eceleni kwase Jericho. Onkhe lamabutfo asakateka khashane naye. 9 Babese batfumba Inkhosi base bamuletsa eNkhosini yaseBhabhiloni lese Riblah esiveni saka Hamathi, lapho wakhipha sijubo kuye. 10 Inkhosi yaseBhabhiloni yageca indvodzana ya Zedekhiya phambi kwemehlo akhe, kanye naseRiblah bageca bonkhe baholi base Juda. 11 Wabese ukhipha emehlo aZedekhiya, bambophele emaketaneni elitfusi, base bamuletsa eBhabhiloni. Inkhosi yaseBhabhiloni yamufaka ejele kwate kwate kwaba lilanga lekufa kwakhe. 12 Manje ngenyanga yesihlanu, ngelilanga lelishumi enyangeni, lobe kungumnyaka welishumi nemfica emnyakeni wekubusa kweNkhosi Nebukhedinezari, iNkhosi yase Bhabhiloni, Nebuzaradani wefika eJerusalema. Abengumholi wabogadzi beNkhosi kanye nesisebenti seNkhosi yaseBhabhiloni. 13 Washisa indlu yaSimakadze, sigodlo seNkhosi, kanye nato tonkhe tindlu taseJerusalema; wabese ushisa konkhe lokumucokwa kwalendlu lesedolobheni. 14 mayelana netibondza betitungelete iJerusalema, onkhe emabutfo aseBhabhiloni labebabaholi babogadzi bababhubhisa. 15 Mayelana nebantfu bebaphuye kakhulu, nalalabanye bantfu bebabashiye edolobheni, labo labahlubuka eNkhosini yaseBhabhiloni, kanye nemadvodza emsebenti wetandla- Nebukhazaradani, longumholi wabogadzi, watsatsa labanye wabakhipha ngephandle kulelive. 16 Kepha Nebuzaradani, longumholi wabogadzi, washiya labaphuyile kulesive kute batosebenta tihlahla temvini nemasimu. 17 Kwase tinsika telitfusi lebetitendlu yaSimakadze, kanye nalakubekwa khona, kanye nendishi lenkhulu yelitfusi lebitwa ''Ngelwandle'' lebeyisendlini yaSimakadze, eMakhaledi awephula aba tincetu base batsatsa onkhe ematfusi babuyela nawo eBhabhiloni. 18 Emabhodo nemafosholo,lokujuba emalambu,titja letinkhulu kanye netitja telitfusi letasebenta umphristi ethempelini- eMakhaledi akutsatsa konkhe akukhiphela khashane. 19 Letindishi kanye nalabashisa imphepho,titja letinkhulu, emabhodo,lakubekwa tibane,nemapani,tindishi letakhiwe ngeligolide,naletakhiwe ngesiliva- umholi logadza INkhosi wabatsatsa nabo futsi. 20 Letinsika letimbili, lendishi lenkhulu yelitfusi leyatiwa ''Ngelwandle,'' kanye netinkunzi letilishumi nakubili betakhiwe ngelitfusi tibekwe ngephansi kwetimiso, tintfo Solomoni latakhela indlu yaSimakadze, betigcwele litfusi lelinyenti lelingakaleka. 21 Letinsika betilishumi nesiphohlongo limitha kuya etulu lilinye, lelilayini belisemaceleni belikalwe ngemamitha lalishumi nakubili lilinye. Belitandla letine kucina kwalo nekushona kwalo. 22 Lenhloko yelitfusi yayime ngetulu. Lenhloko yayingemamitha lasihlanu kuya etulu, lamaceleni kwayo beyihlobiswe ngetihlahla tePhomegranathi.konkhe bekwakhiwe ngelitfusi. Lelenye insika beyihlobiswe ngetihlahla tePhomegranathi beyifanana naleyasecaleni. 23 Letihlahla tePhomegranathi betingemashumi layimfica nesitfupha ngetulu emaceleni, likhulu letihlahla tePhomegrathi betingetulu titungelete lomhlobiso. 24 Umholi wabogadzi watsatsa siboshwa Seraiah, umphristi lomkhulu,kanye na Zefaniya, umpristi wesibili,kanye nalabatsatfu lababuke lisango. 25 kusukela edolobheni watsatsa lesiboshwa neliphoyisa bebasesikhundleni semasotja, kanye nemadvodza lasikhombisa bekaluleka inkhosi,lebebasolo bakulelidolobha.waphindze watsatsa lesiboshwa neliphoyisa lembutfo wenkhosi beligadze kudvweba emadvodza ngekhatsi kwelibutfo, kanye nemadvodza langemashumi lasitfupha lamucokwa kusukela kulelive labekakulelidolobha. 26 Kwase Nebukhedineza, umholi wabogadzi bakhe, wabatsatsa wabamikisa eNkhosini yaseBhabhiloni beyise Riblah. 27 Inkhosi yaseBhabhiloni yababulala eRiblah esiveni saHamathi. ngalendlela, Juda washiya live lakhe waya ekutfunjweni. 28 Laba ngulabantfu labatfunjwa nguNebukhedinezari: 29 ngemyaka wesikhombisa, 3,023 wemaJudayeni. Ngemyaka welishumi nesiphohlongo waNebukhedinezari watsatsa 832 webantfu base Jerusalema. 30 Ngemnyaka wemashumi lamabili nakutsatfu waNebukhedinezari,Nebuzaradani, umholi wabogadzi bakhe ,batfumba 745 bantfu baseJudiyeni. Sebabonkhe labatfunjwa bebangu 4,600. 31 Kwenteka muva emnyakeni wemashumi lamatsatfu nesikhombisa nakutfunjwa Jehokhini inkhosi yaJuda ,enyangeni yelishumi nakubili, ngelilanga lemashumi lamabili nesihlanu aleyonyanga ,kutsi Aweli-Marduk, Inkhosi yase Bhabhiloni yakhulula Jehokhini inkhosi yakaJuda ejele. loku kwenteka ngemnyaka lapho Aweli- Marduk acala kubusa. 32 Wakhuluma kahle naye wamunika sihlalo lesihloniphekile kunaletinye talamanye emakhosi labekanawo eBhabhiloni. 33 Aweli-Marduk wakhweshisa Jehokhini timphahla tasejele, waseJehokhini wadla kudla lokutayelekile etafuleni lenkhosi kuphila kwakhe konkhe, 34 wase utayela kudla etafuleni leNkhosi imphilo yakhe yonkhe, nemali yekudla waniketwa yona onkhe malanga imphilo yakhe yonkhe kute kube kufa kwakhe.