¹ Leli livi Simakadze lalikhuluma ngeBhabhulona, indzawo yemaBabhiloni, ngemlomo waJeremiya umprofethi, ² ''Bikelani betive nibente balelalele. Phakamisani sibonakaliso nibente balalele. Ningafihli lutfo. tsanini, ''iBhabhiloni itsetfwe. Bheli uhlazekile. Maduki agcwale kwesaba.Ticitho tifakwe ehlazweni; titfombe tayo tiyogcwala kwesaba' ³ Sive lesichamuka enyakatfo sitobavukela, phindze sisale sibhidlitiwe. Kute lowuyohlala kulo; bantfu netilwane bayolibalekela. ⁴ Kulawo malanga nangaleso sikhatsi-lona ngumyalelo waSimakadze-bantfu baka izrayeli nebantfu bakaJuda bayawuhlangana bahambe kanyekanye balila phindze bafuna Simakadze Nkulunkulu wabo. ⁵ Bayawubuta indlela leya eSiyoni bacondze khona, batsi, sitawuhamba sitibophelele kuSimakadze ngesaphakadze sivumelwano lesingeke sikhohlakale.'' ⁶ Bantfu bami bangumhlambi lolahlekile. Belusi batidukisele etintsabeni; batiguchukisa ngeligcuma ngeligcuma. Bahamba, bakhohlwa indzawo lapho bebahlala khona. ⁷ Bonkhe labababona babadla. Titsa tabo tatsi, 'Asinacala, ngoba bona kuSimakadze, likhaya labo sibili- Simakadze, litsemba laboyisemkhulu.' ⁸ Phumani emkhatseni waseBhabhilona; nihambe endzaweni yemaBhabhiloni; nibe njenge timbuti letindvuna letihamba ngaphambi kwekutsi umhlambi lomunye wenta njalo. ⁹ Ngako buka, ngisato lungiselela phindze ngivusetele sicumbi setive tasenyakatfo simelane neBhabhilona. Bayawutihlela bamelane nayo. Bhabhilona uyotfunjwa kusukela lapho. Tikhali tabo tinjenge lisotja leliceceshiwe lelibuya emphini lelingalengisi tandla. ¹⁰ IBhabhilona iyawuphangwa. Labo labayoyiphanga bayawunetiseka-lona ngumyalelo waSimakadze. ¹¹ Niyatfokota, nijabulela kutfola lifa lami; nijakadvula njenge litfole lisemadlelweni; ninhihhitele njenge mahhashi lanemandla. ¹² Ngako ke unyoko uyohlazeka kakhulu; loyo lowakutala uyabanetinhloni. Buka, uyoba ngulomncane etiveni, lihlane indzawo leyomile nelihlandze. ¹³ Ngenca yekutfukutsela kwaSimakadze, iBhabhilona ayiyonakwakwa, kepha iyoba ibhidlitiwe. Bonkhe labandlulako bayakwetfuka bahleke lusulu ngenca yemanceba akhe onkhe. ¹⁴ Tilungiseni nimelane neBhabhiloni yonkhe. Wonkhe lodonsa butjoki abamdubule. Ningacali nigcine tikhali tenu, ngoba wonile kuSimakadze. ¹⁵ Hlabani umkhosi kuyo yonkhe indzawo! Sewutinikele; takhiwo letindze tiwile; tibondza tibhidlikele phansi, ngoba kukuphindzisela kwaSimakadze. khiphelani kutfukutsela kwenu kuye! Yentani loku naye lakwentile! ¹⁶ Susani umhlanyeli nalosebentisa lisikela ngesikhatsi sekuvuna eBhabhilona. Vumelani wonkhe umuntfu abuyele kubantfu bakubo kusuka encindzetelweni yenkemba; bavumeleni babalekele eveni lakubo. ¹⁷ Israel uyimvu legijimiswa mabhubezi. Kwekucala inkhosi yaseAssyria yamudla; emveni kwaloko, Nebuchadnezzar inkhosi yaseBhabhilona wamphula ematsambo. ¹⁸ Ngako ke Simakadze wemabandla, Nkulunkulu wemaIsrael, usho loku: Buka, ngisato jeziza inkhosi yaseBhabhilona nendzawo yakhe, njengobe ngajeziza inkhosi yaseAssyria. ¹⁹ Niyawugcina Israel edlelweni lakhe; alime eCarmel naseBashan. ²⁰ Uyobese uyanetiseka etintsabeni telive laEphraim naGilead. Ngaleto tinsuku ngaleso sikhatsi, kusho Simakadze, lokubi kuyobukwa kuIsrael, kodvwa kute lokutawutfolwa. Ngilwele tono teJudiya, kodvwa kute lokuyotfolakala, ngoba ngiyocolela labo lengabatfukutselisa.'' ²¹ ''Phakamani nivukele indzawo iMerathaim, niphindze nivukele nalabahlala lapho. Nibafake enkembeni nibaphatamise-lona ngumyalelo waSimakadze-yentani konkhe lenginitjela kona. ²² Umsindvo wemphi nemphatamiso lenyenti kulendzawo. ²³ Kanjani kutsi sandvu sato tonkhe tindzawo sijujwe ekhatsi sabulawa.Kanjani kutsi iBhabhilona ibhidlitwe emkhatsini waletinye tive. ²⁴ Nginakhele ligibe nabambeka, Bhabhilona, futsi beningati! Nitfoliwe nabanjwa, ngoba niphikisa Simakadze. ²⁵ Simakadze uvule sakhiwo futsi sikhipha tilimato letigcwele lulaka. Kunemsebenti waNkulunkulu Inkhosi endzaweni yemaBhabhiloni. ²⁶ Mhlaseleni akhashane. Vulani tinyango takhe nimpakishe njenge masaka enhlavu .Mhlukaniseleni imphatamiso. Ningashiyi lutfo kuye. ²⁷ Bulalani tonkhe tinkunzi takhe. Titfumeleni endzaweni yekubulalela. Nako kubo, ngoba lilanga labo selifikile-sikhatsi sekujezizwa kwabo. ²⁸ Kunemsindvo walabo lababalekako, walabo labancobako, sukela endzaweni yeseBhabhilona. Loku kuyobika kuphindzisela kwaSimakadze Nkulunkulu wetfu waseSiyoni, nekuphindzisela kwasethempelini lakhe.'' ²⁹ ''Hlanganisani banembi bamelane neBhabhilone-bonkhe labakwati kusebentisa butjoki. Niyitungetele, ningavumeli muntfu abaleke. Yentani kuye ngendlela lebenta ngayo. Ngoba udzelela Simakadze, loNgcwele waka Israel. ³⁰ Ngako ke emajaha akhe ayawuwela etitaladini, nemabutfo akhe ayawubhujiswa ngalelo langa- lona ngumyalelo waSimakadze.'' ³¹ ''Buka, ngimelane nawe,labo labatikhukhumetako -lona ngumyalelo weNkhosi Simakadze wemabandla-ngoba lilanga lakho selifikile, labo labatikhumetakho, ngesikhatsi lengitanijeziza ngaso. ³² Ngako ke labo batikhumetako bayawuyendzetela bawe. Kute loyobavusa. Ngiyolumeka umlilo emadolobheni abo; kuyodla yonkhe intfo ledvutane naye. ³³ Simakadze wemabandla usho loku: Bantfu baka Israel bacindzetelekile, kanye nebaka Juda.Bonkhe labo lababatfumba solo babagcinile; abavumelwa kutsi bahambe. ³⁴ Loyo loyobasindzisa unemandla. NguSimakadze wemabandla ligama lakhe. Uyolimela lelicala, kute abuyise kulendzawo, nekuletsa kukhatsateka kulabo labaseBhabhilona. ³⁵ Inkemba imelelane nemaBhabhilona-lona ngumyalelo waSimakadze-imelane nalabo labakhe eBhabhilona, baholi netihlakaniphi takhe. ³⁶ Inkemba ilengela tikwe bacambimanga! Bayojika babe tilima! Inkemba iwela tikwemabutfo! Bayawugcwala kwesaba. ³⁷ Inkemba ilengela tikwemahhashi abo, netincola kanye nakubobonkhe labasekhatsi eBhbhilona, ngako ke bayawuba njengebafati. Inkemba iwela tikwetinyango, letiyophangwa. ³⁸ Somiso siwela tikwemanti alo, ngako ayakusha. Ngoba yindzawo yetithico letingenamsebenti, nebantfu bahlanyiswa kwesaba letithico. ³⁹ Ngako ke tidalwa tasehlane nabojakalazi niyawuhlala lapho, inshi lencane iyawuhlala lapho. Ngalesikhatsi , kute loyohlala lapho. Titukulwane ngetitukulwane, akuyohlala muntfu. ⁴⁰ UmaNkulunkulu alahla iSodoma neGomora kanye nabomakhelwane-lona ngumyalelo waSimakadze-kute loyohlala lapho; kute loyohlala kuye.'' ⁴¹ ''Buka, bantfu bacamuka enyakatfo; sive lesikhulu kanye nemakhosi lachukulutwe emikhawulweni yemhlaba. ⁴² Bayobutsa butjoki netikhali. Banelunya bangcolile. Umsindvo wabo ufana nekuhokoma kwelwandle, bahamba ngemahhashi abo, lemengeticeme njengemabutfo, batawuhlasela wena, ndvodzakati yaseBhabhilona. ⁴³ Inkhosi yaseBhabhilona ive umbiko ngabo imikhono yayo iyalengela ekukhatsatekeni. Anguish wamfananisa njenge mfati lotetako. ⁴⁴ Buka! Ukhuphuka njengelibhubesi nalicamuka emahlatsini aseJordane liya endzaweni lapho kunemadlelo laluhlata ngoba ngiyosheshe ngibacoshe balibalekele, ngiyowubeka umuntfu loyabe akhetsiwe kutsi aphatse. Ngubani lonjengami, kona ngubani longangicela insayeya? Ngumuphi umelusi longamelana nami? ⁴⁵ Ngako lalelani tinhlelo lesetincunye nguSimakadze ngeBhabhilona, tinhlelo latihlelile ngemaBhabhilona. Bayawuhudvulwa, kanye nemhlambi wematfole. Emadlelo abo ayawubhujiswa. ⁴⁶ Umsindvo lowuyawufutfumela iBhabhilona umhlaba uyatamatama, nekukhatsateka kuyawuhokoma emkhatsini wetive.''