1 Leli nguleli lelivi laSimakadze lelafika kuJeremiya umprofethi mayelana nemaFilisiti. Lelivi lefika kuye ngaphambi kwekutsi Faro ahlasele Gaga. 2 ''Simakadze usho loku: Buka, tikhukhula temanti tiyenyuka eNyakatfo. Titawuba njengemfula lophuphumako! Tiyawubese tiphuphumela emhlabatsini nakukokonkhe lokukuwo, emadolobha awo netakhamuti! Ngako wonkhemuntfu uyawumemeta acele lusito, nato tonkhe takhamuti talelive tiyawulila. 3 Kulomsindvo wekunyatsela kwetinselo leticinile temahhashi, ekubhodleni kwetinkalishi tawo nasemsindvweni yemasondvo ato, bobabe angeke babasite bantfwababo ngenca yebutsakatsaka babo. 4 Ngoba luyeta lusuku loluyawubhubhisa onkhe emaFilisiti, kujuba ngeThaya neSidoni nabobonkhe labasindzile labafuna kubasita. Ngoba Simakadze uyawabhubhisa emaFilisiti, labo labasele esihlengeni saseCaphtor. 5 Imphandla iyawehlela eGaza. Nakuyi Ashkelon, labantfu labasele etigodzini bayawentiwa bathule. Kuyawute kube kunini utijuba ekulileni? 6 Maye, inkemba yaSimakadze! Kuyawute kube kunini kute uthule? Buyela esikhwameni sakho senkemba! Mani uthule. 7 Ingaphumula kanjani Simakadze ayiyaleyele, nakayitjele kutsi ihlasele iAshkelon nasemincelemi yelwandle?''