¹ Labese leta ngemnyaka welishumi nakunye, enyangeni yesittsatfu, elangeni lekucala enyangeni, kutsi lelivi laSimakadze leta kimi, litsi, ² ''Ndvodzana yemuntfu, tsani ku Pharaoh, inkhosi yase Gibhithe, futsi nakulesicuku lebesimtungeletele, 'Ebuhleni bakho, Ufana nabani? ³ Buka! Assiriya beka sihlahla semsedari eLebhanoni lesinemagala, kunika sitfunti kulelihlatsi, futsi nalelesidze ngebudze, futsi nalamagala aso akha buhlahla etulu. ⁴ emanti lamanengi asenta sibe sidze; lamanti langena ekhatsi esenta sibe sikhulu. Imifula igeleta yonkhe kulendzawo yaso, ngobe tinhlelo tabo teluliwe kuto tonkhe letihlahla kuleli libala. ⁵ Budze baso lobukhulu bekwendlula tonkhe leletinye tihlahla letatikhona engadzeni, kanye nemagala aso aba manengi kakhulu; emagala aso akhula aba madze ngoba emanti aso abemanengi njengobe sikhula. ⁶ yonkhe inyoni yemazulu yakha tidleke tato emagaleni ato, njengobe yonkhe intfo lephilako yasengadzeni yatala bantfwabato ngaphansi kwemagala ato. Tonkhe letive letinengi betihlala ngaphansi kwemtfunti waso. ⁷ Ngobe betitihle ebukhulwini phindze nebubanti bemagala ato, ngoba timphandze betisemantini lamanengi. ⁸ Imisedari engadzeni yaNkulunkulu ayizange ilingane nayo. kute kuletihlahla tesipheshula lebesifanana nemagala aso, futsi nalesihlahla lebesite emcembe besingalingani nalamagala lomile. Bekute lesinye sihlahla engadzeni lebesifana naso ngebuhle. ⁹ Ngasenta saba sinhle ngemagala aso lamanengi kanye nato tonkhe tihlahla taseEden lebetisengadzeni yaNkulunkulu taba nemona. ¹⁰ Ngako ke Inkhosi Simakadze isho loku: Ngobe beyiyidze kuya etulu,futsi yatentela sihlahla saso lesisetulu emkhatsini wemagala aso, saphakamisela inhlitiyo yaso etulu ngenca yebudze baso. ¹¹ Sengisibeke esandleni salona longcwele wetive, kutsi abukane naso ngendlela lembi lesiyilungelako. Sengitilahlele ngaphandlle. ¹² Bachamuki lebebasabeka kuto tonkhe tive basijuba babese basiyekela safa. Emagala aso awela etintsabeni nakuto tonkhe tigodzi, kanye nemagala aso lamakhulu aphuka kuto tonkhe tigodzi tendzawo. Kwaabese tonkhe tive emhlabeni taphuma ngaphandle ngaphansi kwemitfunti wato base bayasuka kuwo. ¹³ Tonkhe tinyoni tesibhakabhaka taphumula kuloku bekusele kwalesihlahla lesiwile , phindze tonkhe tilwane talengadze teta emagaleni ato. ¹⁴ Loku kwenteka khona kutaba bete letinye tihlala letikhulako ngemanti lamanengi latotikhulisa kuze kufike kulobudze kwaletihlahla letidze, futsi kute letinye tihlahla letitokhula eceleni kwemanti lamanengi letitofika kulobabudze balesasihlahla lesa. Tonkhe tentiwe kutsi tife, ngaphansi kwemhlaba, emkhatsini kwebantfwana beluntfu labaphilako, nalabo labangena phansi emgodzini. ¹⁵ Inkhosi Simakadze isho loku: Ngalelilanga imisedari iyaphansi ku Sheol ngaletsa kuzila emhlabeni. Ngambonya emanti lebeakhashane nalo, ngaphindze ngabuyisela emuva emanti lamanengi. Ngagcina emuva lamanti lebekakahle, ngaphindze ngaletsa kuzila ku Lebanon. Ngako tonkhe letihlahla talengadze tazila ngenca yako. ¹⁶ Ngaletsa kuchachatela etiveni emsindvweni wekuwa kwawo, ngesikhatsi ngisijika phansi ku Sheol nalabo labaya phansi emgodzini. Ngako ngadvudvuta tonkhe letihlahla tase Eden ngaphansi kwemhlaba. Leti bekutihlahla letikhetsiwe kanye netihlahla letikahle tase Lebanon; Letihlahla letanatsa emanti. ¹⁷ Babese phindze bahamba nako bayaphansi kuSheol, kulaba lababulalwe yinkemba. Loku bekungumkhono wako wemandla, leto tive lebetihlala emtfuntini waso. ¹⁸ Ngusiphi kuletihlahla tase Eden besisilinganiso sakho nembuso nebungcwele?Ngobe wena utoletfwa phansi naletihlahla taseEden kuya phansi kwemhlaba kulawa langakasokwa; utohlala nalabo bantfu labebabulelwe ngenkemba.' Lona ngu Faro nesicuku sakhe bantfu-kusho Simakadze.''