¹ Ngemnyaka welishumi, enyangeni yelishumi ngelilanga lelishumi nakubili enyangeni, livi laSimakadze lefika kimi, latsi, ² ''Ndvodzana yemuntfu, fulatselisa buso bakho ku Pharoah, inkhosi yase Gibhithe; pholofetha umelelane naye futsi umelelane nayo yonkhe iGibhithe. ³ Memetele utsi, 'Inkhosi Simakadze isho loku: Bheka! ngimelene nawe, Pharaoh, inkhosi yase Gibhithe. Wena, silwane selwandle lesikhulu lesilala ekhatsini nemfula, lesitsi '' Umfula wami ngewami. Ngitentele mine.'' ⁴ Ngitawubeka emahuka emhlatsini wakho, nenhlanti ye Nayili yakho itawunamatsela kula makwere akho; Ngitawuku phakamisa kusukela emkhatsini wemfula wakho kanye nato tonkhe tinhlati temfula letinamatsela kula makwere akho. ⁵ Ngitawukujika phansi ekhatsi ehlane, wena kanye nato tonkhe tihlanti temfula wakho. Utawuwela emasimini lavulekile; ngeke ubutfwe nobe uphakamiswe. Ngiyawukunikela njenge kudla kulokuphila kwalomhlaba kanye nasetinyonini temazulu. ⁶ Ngako bonkhe labahlala eGibhithe bayawukwati kutsi ngingu Simakadze, ngobe sebaba ludvondvolo lwemhlanga endlini yema Israyeli. ⁷ Ngalesikhatsi bakutsatsa uba sesandleni sabo, wephula waphindze wadzabula lihlombe labo; ngesikhatsi bacamele kuwe, bowephukile, wabese wenta imilente yabo iyacega. ⁸ Ngako ke iNkhosi Simakadze yasho loku: Bheka! Ngitawuletsa inkemba imelane nawe. Ngitowujuba emadvodza kanye netilwane letisuka kuwe. ⁹ Ngako live lase Gibhithe litawuba tindzala nelihlazo. Ngako bayewukwati kutsi ngingu Simakadze, ngobe silwane selwandle satsi, ''Lomfula ngewami, ngobe ngiwentile. ¹⁰ ''Ngako ke, bheka! ngimelane nawe phindze ngimelane nemfula wakho, ngako ngitawunikela lelive lase Gibhithe kutsi libe tindzala letingenalutfo, uto phindze ube tindzala kusuka eMigdol kuya eSyene kanye nemincele yase Cush. ¹¹ Kute lunyawo lwendvodza lelitawendlula kulo, kute silwane sesiganga letawedlula kulo. Ngeke kube yindzawo yekuhlala iminyaka lemashumi lamane. ¹² Ngoba ngitawenta lelive lase Gibhithe libe tindzala emkhatsini yetindzawo letingahlali muntfu, kanye nemadolobha alo emkhatsini wemadolobha labhujisiwe atoba tindzala iminyaka lengemashumi lamane; ngako ngiyawu hlakata iGibhithe emkhatsini wetive, phindze ngibasakate etiveni. ¹³ Ngako iNkhosi Simakadze isho loku: Ekugcineni kweminyaka lemashumi lamane ngitawuhlanganisa Gibhithe kusuka kulabo bantfu labasakateka. ¹⁴ Ngitobuyisa bantfu bese Gibhithe ngibabuyisele esifundzeni sase Pathros, eveni labo mbamba. Ngako batakuba ngumbuso lohluphekako lapho. ¹⁵ Utakuba ngumbuso lohluphekile, phindze ngeke lisachubeka liphakanyiswe emkhatsini kwetive. Ngitobanciphisa kute banganokhona kuphindze babuse etukwe tive. ¹⁶ Ema Gibhithe ngeke asaba sidzatfu sekutetsemba ngendlu yema Israyeli. Esikhundleni, bataba sikhumbuto salokubi ema Israyeli lakwentile nabagucukela eGibhithe bacela lusito. Ngako batokwati kutsi ngi yinkhosi Simakadze.'' ¹⁷ Ngako kwefika emnyakeni wemashuni lamabili nesikhombisa ekucaleni kwekucala inyanga, lelivi laSimkadze lefika kimi, latsi, ¹⁸ ''Dvodzana yemuntfu, Nebuchadnezza inkhosi yase Bhabhiloni ibeke libutfo layo kutsi lente umsebenti lomatima kumelana neTyre. Yonkhe inhloko yashikishwa yate yavela imphandla, kanye nalo lokhe lihlombe lentiwa laphotfuka. Kepha yena kanye nelibutfo lakhe abatange batfole imbatalo kuTyre umsebenti wabo lomatima labawenta kumelana nayo. ¹⁹ Ngako ke iNkhosi Simakadze yasho loku, 'Bheka!, nginikela lelive lase Gibhithe ku Nebuchadnezza inkhosi yase Bhabhiloni, phindze itsatse nemcebo, atsatsa tintfo tabo ngeludlame, abutse konkhe lakutfola lapho; loku kutakuba ngumholo welibutfo lakhe. ²⁰ Ngimnikete lelive lase Gibhithe njenge mholo ngalomsebenti labangentele wona- nguloku lokushiwo nguSimakadze. ²¹ Ngalelo langa ngitawenta liphondvo lihlume endlini yaIsrayeli, bese ngikwenta ukhulume emkhatsini wabo, kuze bati kutsi ngingu Simakadze.''