¹ Ngesikhatsi Samuweli sekhulile, wenta emadvodzana akhe behluleli etukwa sive saka Israyeli. ² Libito lelitubulo lakhe kwakungu Joweli, bese libito lendvodzana yakhe yesibili kwakungu Abhija. Babebe hluleli eBesheba. ³ Emadvodzana akhe abengahambi etindleleni takhe, kepha bebacosha kuzuza lokungakalungi. Bebatsatsa umfumbhatsiso baphindze batjekisa kulungiswa. ⁴ Laphoke bonkhe baholi bahlanganyela ndzawonye babese befike kuSamuweli eRama. ⁵ Batsi kuye, ''Buka sewugugile, futsi nemadvodzana akho akasahambi etindleleni takho. Sigcobele inkhosi itobusa etukwetfu njengato tonkhe tive.'' ⁶ Kepha akumuchazanga Samuweli uma batsi, ''Sinikete inkhosi itobusa kitsi.'' Ngakoke Samuweli wathantaza ku Simakadze. ⁷ Simakadze watsi ku Samuwela, ''Tfobela livi lebantfu kuko konkhe labakushoko kimi; ngoba abakakulahli wena, kepha balahle mine ekubeni yinkhosi etukwabo. ⁸ Letento labesolo batenta kusukela ngelilanga ngaba khipha eGhinhithe-balahla mine bese bakhonta labanye bonkulunkulu-nyalo sebenta loko kuwe. ⁹ Nyalo balalele; kepha ubacwayise ngendlela inkhosi itawuba phatsa ngayo.'' ¹⁰ Ngakoke Samuweli wakhuluma lamavi a Simakadze kulabantfu bebafuna inkhosi. ¹¹ Watsi, ''Kutawuba nendlela inkhosi itawubusa ngayo. Utawutsatsa emadvodzana enu awagcobe etinkalishini takhe futsi babe bagibeli bemahhashi, baphindze bagijime embikwe tinkalishi takhe. ¹² Utawutibekela baholi betinkhulungwane kanye nemaholi balaba ngemashumi lasihlanu. Utawenta labanye bahlanyele emasimu akhe, labanye bavune sivuno sakhe, bese labanye bayowenta tikhali takhe temphi kanye netimfanelo tetinkalishi takhe. ¹³ Utawuphindze atsatse emadvodzakati enu kute atewuba bakhi bemakha, bapheki kanye nebabhaki. ¹⁴ Utawutsatsa lokuhle emasimini enu, emagelebisini enu, kanye netihlahla temincumo, abese ukuniketa tisebenti takhe. ¹⁵ Utawutsatsa kweshumi etinhlavini tenu kanye nasemagelebisini enu akunikete bholi kanye netisebenti takhe. ¹⁶ Utawutsatsa tisebenti tenu letindvuna kanye naletinsikati kanye netinkhomo tenu letinhle kanye netimbongolo tenu; utawukutsatsa konkhe kusebentele yena. ¹⁷ Utawutsatsa kweshumi emihlambini yenu, bese seniba tigcila takhe. ¹⁸ Laphoke ngalelo langa niyokhala ngalenkhosi yenu lenitikhetsele yona nine; kepha Simakadze akanawu niva ngalelo langa.'' ¹⁹ Kepha labantfu bencaba kulalela Samuweli; batsi, ''Cha! Makube nenkhosi isebuse ²⁰ kute kutsi natsi sitewufanana nato tonkhe tive, phindze itokhona inkhosi yetu kusebusa iphindze ihambe embili kitsi bese isilwela timphi tetu.'' ²¹ Ngesikhatsi Samuweli eva onkhe lamagama alabantfu wawaphindza etindlebeni ta Simakadze. ²² Simakadze watsi ku Samuweli, ''Tfobela livi labo bese ubeka inkhosi itewubusa etukwabo.'' Ngakoke Samuweli watsi kulamadvodza aka Israyeli, ''Yonkhe indvodza ayihambe iye edolobheni layo.''