¹ Angifuni kutsi ningatiseki, bazalwane, kutsi bokhokho betfu bebangephansi kwelifu nabobonkhe bendlula phakatsi elwandle. ² Bonkhe babhajatiselwa kuMose efini nase lwandle, ³ bonkhe badla kudla kunye kwamoya . ⁴ Bonkhe banatsa sinatfo sinye samoya.Ngoba banatsa edvwaleni lamoya lebelibalandzela, nalelo dvwala bekunguKhristu. ⁵ Kepha Nkulunkulu akazange ajajuliswe linengi labo, netidvumbu tabo tasakateka ehlane. ⁶ Nyalo letitintfo betisibonakaliso kitsi, kuze kutsi singatifisi tintfo letimbi njengoba bakufisa bona. ⁷ Ningabi ngulabakhonta tithico njengalabanye babo. Loku kunjengoba kubhaliwe, ''Bantfu bahlala phansi badla nekunatsa, base basukuma badlala.'' ⁸ Asingatimbandzakanyi nebuphingi nebugwadla, njengoba benta labanye babo benta.Ngelilanga linye, labati-23000 bafa ngenca yaloko. ⁹ Futsi asingamlingi Khristu, njengoba labanye benta base babhujiswa tinyoka. ¹⁰ Ningakhononi, njengoba labanyenti babo benta base babhujiswa yingilozi yekufa ¹¹ Nyalo letitintfo tenteka kutsi kube tibonelo kitsi.Kwabhalwa kutsi kube sicwayiso--kitsi lesesifikelwe sikhatsi sekugcina. ¹² Ngakoke locabanga kutsi umile akacaphele kutsi angawi. ¹³ Kute kulingwa lokukwendlulele lokwehlukile kubobonkhe bantfu.kodvwa, Nkulunkulu wetsembekile. Angeke avumele kutsi ulingwe ngalokweca emandla akho.Ngaloko kulingwa uyawuveta indlela yekubaleka, kuze nitowukhona kuma. ¹⁴ Ngakoke, lengibatsandzako bami, balekelani kukhonta tithico, ¹⁵ Ngikhuluma kini njengebantfu labanekucondza, kuze kutsi nehlulele ngalengikushito. ¹⁶ Lendzebe yesibusiso lesiyibongako, ayisiyo yini inhlangenyelo engatini yaKhristu? Lesinkhwa lesisihlephulako, ayisiyo yini inhlanganyelo emtimbeni waKhristu? ¹⁷ Ngobe sinye sinkhwa, tsine sibanyenti singumtimba munye.Sonkhe sitsatsa sinkhwa sinye kanye kanye. ¹⁸ Bukani labantfu baka-Israyeli. Akusibo yini labadla umhlatjelo bahlanganyela elatini? ¹⁹ Ngitsini ke manje? Kutsi sithico silutfo? Noma kudla lokuhlatjelwe tithico kulutfo yini? ²⁰ Kodvwa ngitsi ngaleti tintfo labangemahedeni kubetive benta umhlatjelo, bakuhlabela emadimoni hhayi kuNkulunkulu. Angifuni nibe nenhlanganyelo nemadimoni! ²¹ Angeke ninatse endzebeni yeNkhosi bese nendzebe yemadimoni. Angeke nibe nenhlanganyelo etafuleni lenkhosi nase tafuleni lemadimoni. ²² Noma sichukuluta iNkhosi emoneni? Sinemandla kunayo yini njengoba injalo? ²³ Konkhe kuvumelekile,''' kodvwa akusiko konkhe lokungumvuzo. Konkhe kuvumelekile,'' kodvwa akusiko konkhe lokwakha bantfu kubakhulise. ²⁴ Akubete lotatifunela lokukwakhe.Kepha, nguloyo naloyo akafunele lokuhle ngamakhelwane wakhe. ²⁵ Ungadla noma ngabe yini letsengiswa emakethe, ngaphandle kwemibuto ngenca yanembeza. ²⁶ Ngoba ''umhlaba weNkhosi, nekugcwala kawo.'' ²⁷ Uma longakholwa akumemela kudla kudla, ufisa kuya, dlani nome ngabe yini lebekwe phambi kwakho ngaphandle kwekubuta imibuto ngenca yanembeza. ²⁸ Kepha nangabe lomunye atsi kini, '' Loku kunikelwe emhlatjelweni,ngako ningakudli, kabili ngenca yalona lonatisile, nangenca yanembeza-( ngoba umhlaba nakokonkhe lokukuko ngeweNkhosi) ²⁹ nembeza walelenye indvodza, Ngichaza, hhayi kwenu. Leni inkhululeko yami yehlulelwe ngalomunye nembeza? ³⁰ Uma ngihlanganyela ekudleni ngekubonga, leni ngihlanjalwata kuloko lolokungukona ngaphakamisa kubonga? ³¹ Ngakoke, noma niyadla noma niyanatsa, noma nentani lokunye, kwentele konkhe kube ludvumo kuNkulunkulu. ³² Ningaletsi sikhubekiso kumaJuda noma emaGhrikhi noma ebandleni laNkulunkulu. ³³ Ngiyazama kujabulisa bonkhe bantfu ngatotonkhe tintfo. Angitifuneli umvuzo wami, kepha kwalabo labanyenti. Ngenta loku kuze kutsi labanyenti basindziswe.