¹ Homan, Kaisaria, tege siku urang kalaki namanya Kornelius, inya yah kapten pasukan Italia, ² Urang am taat gola dengan Hatalla, sama jam dengan uras urang am tege ka dangaunya,am mamori banya sumangan akan urang-urang am selalu badoa dengan Hatalla. ³ Katika ari, kolam sakitar jam kasambilan, inya maila, puna nyata malekat hatalla datang lalu bapaner dengannya,''Kornelius!'' ⁴ Lalu, inya manampai malekat Hatalla puna gola lalu bapener, ''Apati,tuan?" lalu,malekat hatalla yah bapaner,"doa-doa mu dengan sedekah mu yah jari nai'k ka paharap Hatalla am pinta mu tuntang Do,a mujadi tarima hatalla, ⁵ keken iti jam, suruh urang ka Yope manimai simon, am dijoku petrus, ⁶ Inya diam panehan homan dangau tukang kulit lau jolu am banama simon am diam sisi sungai/tasik. ⁷ Jadi malekat bapaner akan kornelius inya lalu badari,kornelius manimai dua urang anak buah nya tuntang siku pangawal nya am puna baik hati nya, ⁸ lalu inya majelas kan tuntang manyuruh urang ka Yope. ^{10 9} Ari pagi nya mula,urang lalam perjalanan nya lalu damping kota ,Petrus naik ka hatap dangu rang sakitar jam kaonam ,akan badu,a lalu, inya mansai kaporan porut nya hona makanapi urang-urang jadi manyiap pamakan,Petrus baulih pailanya, ¹¹ Lalu inya maila langit am tabuka bera kain am puna himan turun taulur mula ompat buncu sampai katah. ¹² kalalamnya,tege sagala jenis lau jolu bakaki ompat, tuntang am malantar ka bumi, sagala buru ka udara. ¹³ Lalu,datang bungi suara bapaner kan inya, ''huas, petrus, samolihlah akan puseh! '' ¹⁴ akan tatapi, petrus bapander,''honta ,tuhan sebab, aku honta basa museh am haram atau najis.'' ¹⁵ lalu, suara inyah bapaner akan inya ka dua kali nya,"Apa am parah Hatalla barasih ,hinam sakali kali kolai manyoku nya haram'' ¹⁶ Hal iti tajadi tolu kali, lalu salenga uras nya taincang kalangit. ¹⁷ Metuh, Petrus masih bingung mamikir kan paila nya am di ilanya, puna batantu urang-urang am di utus lai kornelius mangau kamanih homan simon, samil badiri ka pintu gerbang, ¹⁸ manimai, urang batanya apa iti simon, am di joku Petrus, am diam diti. ¹⁹ Samantara Petrus marenung kan pailanya yah, Roh bapaner ka inya,''ilaiti, tege tolu urang kalaki am mangau kolai. ²⁰ Misi lalu turun kaloba ingkas barami dengan urang lai aku mautus urang." ²¹ Lalu, Petrus turun akan urang-urang iti lalu bapaner,"Ila, aku ti urang am kolai gau. Apa alasan kolai datang?" ²² Urang bapaner,"Kornelius, saurang perwira, urang am bujur tuntang gola akan Hatala, am terkenal baik antara saluruh bangsa Yahudi, jari diingat lai malaikat barasih akan manyuruh kolai datang ka dangau akan mandongar paner kolai." ²³ Petrus manaing rang tama lalu mamori urang yah tumpangan ka diti.Ari paginya mula, inya huas lalu ingkas barota kan urang, dengan kawan manyarinya am saiman kan inya mula Yope manamah inya. ²⁴ Sa ari iti lipas, inyah urang datang ka Kaisarea. Jadi di tanti lai Kornelius inya mangumpul kaban manyari nya tuntang kawalnya. ²⁵ Lalu Petrus tama, Kornelius manapat inya, lalu inya duru manyomah ka kaki Petrus. ²⁶ Lipas iyah, Petrus marompuh inya badiri samil bapaner, "Badiri! aku ti saurang kalunen jam." ²⁷ Samantara Petrus bapaner kan Kornelius, Petrus lama kalalam maila banya urang bakumpul basamah. ²⁸ Lipas yah, Petrus bapaner akan urang, " Kolai ingat bahwa tege kekejian akan urang Yahudi lai bahubung atau malauh bukan urang Yahudi, tetapi Hatalla jari manungu aku bahwa aku honta saharusnya manyoku siyapa jam am haram atau najis. ²⁹ Yah sebabnya, aku honta ka boratan metuh kolai manyuruh aku datang. Lai inya, aku batanya apa alasan kolai manimai aku?" ³⁰ Lalu, Kornelius bapaner,"Ompat ari am lalu sampai iti ,pas jam kasamilan,aku metuh bado,a ka lalam dangauku, ila, tege urang badiri kapaharap ku mahoni pakayan am bakilau. ³¹ Lalu bapaner, 'Kornelius,do,a mu jari kona dongar pamorimu jam di ingat Hatalla. ³² Lai inyah,suruhlah ka Yope lalu minta la ka Simon am di joku Petrus supaya datang. Inya manumpang ka dangau Simon, iya tukang kulit lau jolu, ka sisi tasik. ³³ la'i iyah, aku laca manyuruh urang nguang kolai, la'i kolai hona datang. keken iti diri urasnya tege diti, ka paharap Hatalla, nyaman manongar apa jua am jari diperintah kan kolai mula Hatalla." {Petrus mamarah injil ka dangau Kornelius} ³⁴ Lopas iyah, Petrus bapaner,"Keken iti, aku puna paham amat Hatalla iyah adil. ³⁵ Tapi, satiap bangsa, urang am gola akan inya lalu mangawi am bujur, Lai kahonanya. ³⁶ Firman am Hatalla parah akan bangsa Israel mamorikan kabar baik damai sejahtera lantaran Kristus Yesus, inya yah Hatalla saluruhnya. ³⁷ Kolai kaniri tahu paristiwa am jari tajadi ka saluruh Yudea, mulai Galelia, lopas baptisan am Yohanes kabar, ³⁸ kolai tahu inya yah Yesus, urang Nazaret, macam apa Hatalla maurap-Inya honi Roh barasih dengan kuasa. inya ingkas kaliling mangaruhkan am baik manyaka banya urang am di tindas lai Roh jahat lai Hatalla mangawal inya. ³⁹ Kami ti saksi-saksi mula uras am jari Yesus karuh, baik ka daerah urang Yahudi tawa Yerusalem urang jadi mamatikan Yesus lalu mangantungnya katingi kayu salib. ⁴⁰ Tapi Hatalla mahirupnya pas ari ka tolu lalu manyuruh inya mamarh arepnya. ⁴¹ Bukan akan saluruh urang, tapi akan kami, saksi-saksi am jari di pilih la'i Hatalla sahompannya, am makan minum basamah-Nya salopas inya hirup mula antara urang mati. ⁴² Lalu, Inya mamarentah kami mangabar akan urang-urang lalu basaksi dengan buju-bujur bahwa Inya yah am jari di pilih Hatalla manjari Hakim katingi uram am hirup dengan am mati. ⁴³ Akan Inya, uras nabi am basaksi amun satiap urang am percaya ka lalam-Inya manarima pa'ampun dosa mula nama-Nya." {Hatalla manarima uras urang}. ⁴⁴ Samentara Petrus masih bapaner, Roh am Barasih turun katingi urang am manongar Firman yah. ⁴⁵ Lalu, urang-urang am parcaya yah basunat, am datang dengan Petrus, heran gawi haknya Roh barasih jari tacurah, akan bangsa-bangsa am bukan jam. ⁴⁶ La'i iyah, urang banya manongar hansian am bapaner dengan macam bahasa am mamuji Hatalla. Lipas yah, Petrus bapaner, ⁴⁷ "Bukankah honta ara urang am tahu manahan arai akan am di baptis akan urang-urang am jari manarima Roh barasih sama bera diri ti jam?" ⁴⁸ Lipas yah, Petrus manyuruh urang am di baptis lalam nama Yesus Kristus. lalu, urang-urang yah maminta nyaman Petrus yah tingal barota uranga yah akan babarapa ari mula.