1 Kwenteka ngesikhatsi inkhosi Hezekiah eva imibiko, wadzabula tembatfo takhe, wase utembetsa ngetembatfo temasaka wase uya ekhatsi endlini yaSimakadze. 2 Watfumela Eliakim lobekunguye lobuka indlu yonkhe, naShebna umbhali, nebaholi bebapristi, bonkhe bembetse timbatfo temasaka ku-Isaiah indvodzana ya-Amoz umprofethi. 3 Batsi ku-Isaiah, Hezekiah utsi, 'Leli lilanga lenjabhiso, lekucondzisa, lelihlazo, ngoba bantfwana sebefike esikhatsini sekutalwa, kodvwa bete emandla ekutalwa. 4 Kungaba kutsi Simakadze Nkulunkulu wakho utokuva emagama endvuna lenkhulu lowatfunywa yinkhosi yase-Assyria umholi wayo kutsi itophikisa Nkulunkulu lophilako, acondzise nemavi Simakadze Nkulunkulu wakho lawevile. Nyalo thantazelani lensali lesolo ilana.''' 5 Ngakoke tisebenti tenkhosi Hezekiah teta ku-Isaiah, 6 Isaiah watsi kuto, ''Tsanini enkhosini yenu, 'Simakadze utsi, ''Ningawesabi lamagama leniwevile lengitfukwe ngawo sisebenti senkhosi yase-Assyria. 7 Buka, ngitomfakela moya ngekhatsi kuye abese uva umbiko lotsite abuyele eveni lakhe. Ngitomenta abulawe yinkemba lekulesakhe sandla.'''' 8 Yabese indvuna lenkhulu iyajika yefika yakhandza onkhosi yase-Assyria ilwa neLibnah, weva kutsi inkhosi ihambile eLachish. 9 Sennacherib wase uyeva kutsi Tirhakah inkhosi yaseCush naseGibhithe bekahlela kulwa naye, ngakoke watfumela titfunywa phindze kuHezekiah nemlayeto: 10 Tsani kuHezekiah inkhosi yaseJuda, 'Ungavumi Nkulunkulu wakho lometsembako akuyenge atsi, 'iJerusalema ngeke iniketwe esandleni senkhosi yase-Assyria.'' 11 Buka, uvile ngalokwentiwe ngemakhosi ase-Assyria ngekubhubhisa tonkhe tindzawo tiphele nya. Ngakoke nitawubhujiswa? 12 Bonkulunkulu banihlengile yini, netive letabhubhiswa bobabe betfu: iGozan, neHaran, neRezeph, kanye nebantfu base-Eden eTel Assar? 13 Iphi inkhosi yaseHamath, nenkhosi yase-Aepad, nenkhosi yemadolobha aseSepharvaim, yaseHena neyase-Ivvah?''' 14 Hezekiah wayitfola lencwadzi kuletitfunywa wayifundza. Wase uya endlini yaSimakadze wayindlala phasi embikwakhe. 15 Wase Hezekiah uyathantaza embikwaSimakadze watsi, ''Simakadze wemabandla, Nkulunkulu wemabandla, lohleti ngetulu kwemakherubim, nguwe wedvwa Nkulunkulu tikwayo yonkhe imikhosi yasemhlabeni. Wakha emazulu nemhlaba. 16 Vula indlebe yakho Simakadze, ulalele. Vula emehlo akho, Simakadze, ubese uyabona, ulalele emagama aSennacherib lawatfumela kuhlekisa ngaNkulunku lophilako. 17 Kuliciniso, Simakadze, emakhosi ase-Assyria abhubhise letive nemave ato. 18 Sebafake bonkulunkulu babo emililweni ngoba bekungasibo bonkulunkulu kodvwa bekuyimisebenti yetandla temadvodza, kutigodvo nje nematje. Ngakoke ema-Assyria ababhidlitile. 19 Ngakoke, Simakadze Nkulunkulu wetfu, silamulele, ngiyakuncenga, emandleni akhe, kuze kutsi yonkhe imikhosi yasemhlabeni yati kutsi wena, Simakadze, unguNkulunkulu wedvwana.'' 20 Wase Isaiah indvodzana ya-Amos itfumela umlayeto kuHezekiah, lotsi, ''Simakadze Nkulunkulu wema-Israyeli utsi, ''Ngoba uthantaze kimi mayelana naSennacherib inkhosi yase-Assyria, ngikuvile. 21 Lawa ngemavi Simakadze lawakhulumile ngaye. Indvodzakati yaseZion iyakwenyanya wena kutsi yakwedzelela. Indvodzakati yaseJerusalema ikunikinela inhloko wena. 22 Ngubani lomungcolisile nalomhlambalatile? Ngubani lona bomubhodlisela live umtfwalela nemehlo? KuloNgcwele waka-Israyeli! 23 Ngetitfunywa takho umngcolisile Nkulunkulu, utsi, ''Ngelinyenti letincola tami nginyuke ticongo tetintsaba, kuletindze tindzawo taseLebanon. Ngitojuba tihlahla letindze temsedari kanye netipheshula telikhetselo khona. Ngitongena etindzaweni talo telikhashane, nasehlatsini layo leligcwele titselo. 24 Ngigubhe imitfombo nganatsa nemanti angephandle kulamanye emave. Ngomise yonkhe imifula yaseGobhithe ngephasi kwelunyawo lwami.' 25 Bosengakeva yini kutsi ngakumisa kadzeni? Ngakuhlela ngemalanga asendvulo? Nyalo ngitokwenta kwenteke. Ulana utobhidlita tinsika temadolobha tibe tincumbi tematje. 26 Labahlala khona ekulamadolobha banemandla lamancane, balimele, futsi bahlazekile. Batihlahla ensimini, nasetjanini loluhlata, natjani losemathayeleni nobe emasimini letishe tisengakakhuli. 27 Kodvwa ngati kuhlala kwakho, nekuphuma kwakho, nekungena kwakho, nekungitfukutselela. 28 Ngoba ungitfukutselele nekutikhukhumeta kwakho kufikile emadlebeni ami, ngitofaka lihhuka ekhaleni lakho, ngifake nematomu emlonyeni wakho; ngitokujikisa ubuyele lawuchamuka khona.'' 29 Loku kuyawuba luphawu kuwe: Kulomnyaka nitodla lokumila kungakahlanyelwa, bese emnyakeni wesibili nitodla lokumila kulokutimilele. Kodvwa ngemnyaka wesitsatfu utolima uvune, ulime netingadze tamagilebisi udle titselo tayo. 30 Insali yendlu yakaJuda leYasindza itophindze yakhe imphandze itsele. 31 Ngoba eJerusalema kuyawuvela insali, entsabeni iZion insali leyabaleka iyawuchamuka. Inshisekelo yaSimakadze wemabandla iyakukwenta loku. 32 Ngakoke naku lokushiwo Simakadze mayelana nenkhosi yase-Assyria: Ngeke angene kulelidolobha leni nobe adubule butjoki bakhe lana. Nobe ke ete embikwalo nelihawu nobe nempi yekuvimbetela lelidolobha. 33 Indlela latokuta ngayo yinye naleyo latojika ngayo; ngeke ingene kulelidolobha-loku ukubeke ebaleni Simakadze. 34 Ngoba mine ngitolivikela ngiphindze ngilihlenge lelidolobha leli, ngitentela ngenca yami nangenca yenceku yami Davide.''' 35 Kwenteka ngalobo busuku ingilosi yaSimakadze yaphuma yahlasela inkambu yema-Assyrian, yabulala 185,000 wemabutfo. Ngesikhatsi lamadvodza avuka ekuseni kakhulu tidvumbu tatiyonkhe indzawo. 36 Ngakoke Sennacherib inkhosi yase-Assyria yahamba ka-Israyeli yaya ekhaya yahlala eNineveh. 37 Ngemuva kwesikhatsi, inkhosi isatikhontela endlini yaNisrok nkulunkulu wayo, indvodzana yakhe Adrammelek banaSharezer bambulala ngenkemba. Base babalekela eveni lase-Ararat.