¹ Ngelesikhatsi Abijah indvodzana yaJeroboam yagula kakhulu. ² Jeroboam watsi kumkakhe, ''Ngicela uveke utimbonye, khona bangatakubona njengemkami, hamba uye eShiloh, ngoba Ahijah umbholofeti ulapho; nguye lolo khuluma ngami, utsi ngitawuba yinkhosi yalabantfu. ³ Hamba netinkhwa letilishumi, emakhekhe, nelijeke leluju, uye kuAhijah. Utakutjela kutsi kutokwentekani kulomntfwana.'' ⁴ Umka Jeroboam wenta njalo; wahamba waya eShiloh weta endlini yaAhijah. Ahijah abengasaboni, waba yimphuphutse ngeku khula. ⁵ Simakadze watsi kuAhijah, ''Buka, umka Jeroboam uyeta utofuna seluleko ngendvodzana yakhe, ngoba iyagula. Shano loku naloku kuye, ngoba naketa, utatenga ngatsi ngulomunye umfati.'' ⁶ Uma Ahijah eva umsindvo weticatfulo makangena emnyango, watsi, ''Ngena, mka Jeroboam. Utentelani umuntfu longasuye? Ngitfunywe kume netindzaba letimbalwa. ⁷ Hamba, utjele Jeroboam kutsi Simakadze, Nkulunkulu wema Israel, utsi, 'Ngakukhipha emkhatsini webantfu ngakwenta umholi webantfu baka Israel. ⁸ Ngidzabule lombuso ngawususa emdenini waDavide ngamunika wena, kepha awufani nesisebenti sami Davide. lowagcina imiyalelo yami wase uyangilandzela ngenhlitiyo yakhe yonkhe, kwenta lokulungile emehlweni ami. ⁹ Kepha, wenta bubi, kwendlula bonkhe lebebaphambi kwakho. Unalabanye bonkulunkulu, futsi unemifanekiso lengiholela ekutfukutseni, ungitsembe ngemuva kwakho. ¹⁰ Ngaloko, buka, ngitoletsa ihlekelele endlini yaJeroboam; ngitawususa bonkhe bantfwana labadvuna kaIsrael, tiboshwa noma labakhululekile, ngitawususa yonkhe indlu yaJeroboam njengemuntfu loshisa bulongo bute buphele. ¹¹ Wonkhe lowase Jeroboam lofa edolobheni batodliwa tinja, nalona lotofela ensimini utawudliwa tinyoni telizulu, ngoba mine, Simakadze, sengishito.' ¹² Ngako vuka, mka Jeroboam, hamba uyekhaya lakho; uma tinyawo tingena edolobheni, umntfwana waAbijah utokufa. ¹³ Israel wonkhe utomuzilela angcwatjwe. Nguye kuphela emndenini waJeroboam lotakuya emathuneni, ngoba nguye kuphela, endlini yaJeroboam, lokuyintfo lenhle phabi kwaSimakadze, Nkulunkulu wema Israel. ¹⁴ Phindze, Simakadze utosukumisa inkhosi yema Israel lotosusa umndeni waJeroboam ngalelo langa. Namuhla ngulelilanga, manje. ¹⁵ Ngoba Simakadze utohlasela Israel kuhle kwemhlanga anyakatiswa manti, utawuse ususa Israel kulendzawo lenhle lanika bokhokho mkhulu bakhe. Utabasakata ngemuva kwemfula weEuphrat, ngoba babeke tesekelo teAsherah basukela Simakadze watfukutsela. ¹⁶ Utawuhlubuka Israel ngenca yetono taJeroboam, letono latentile, ngato uholele Israel esonweni.'' ¹⁷ Ngako umfati waJeroboam wasukuma washiya, wefika eTirzah. Uma afika emabaleni endlu yakhe, lomntfwana wafa. ¹⁸ Wonkhe Israel wamgcwaba bese bayamuzilela, njengoba batjelwa ngemavi aSimaksadze lakukhuluma esisebentini sakhe Ahijah umprofethi. ¹⁹ Tonkhe leletinye tinkinga taJeroboam, kutsi wayicala njani imphi, kutsi wabusa njalo, buka, abhalwe encwadzini yemisebenti yemakhosi akaIsrael. ²⁰ Jeroboam wabusa iminyaka lengemashumi lamabili nakubili wase ulala nebakibo, wase Nadab indvodzana yakhe yaba yinkhosi eskhundleli sakhe. ²¹ Nyalo Rehoboam indvodzana yaSolomon yabusa eJuda. Rehoboam abeneminyaka lengemashumi lamane nakunye budzala nakaba yinkhosi, wase ubusa iminyaka lelishumi nesikhombisa eJerusalem, lidolobha leliketfwe nguSimakadze kuto tonkhe tive taka Israel labeka ligama lakhe khona. Unina bekungu Naamah umfati longumAmmoni. ²² Juda wenta lokubi phambi kwaSimakadze; bamenta wabanemona ngetono labebatenta, kwendlula konkhe lokwentiwa boyise. ²³ Ngako batakhela indzawo lephakeme, tesekelo tematje, nemapoli eAsherah egcumeni leliphakeme phansi kwesihlahla lesiluhlata. ²⁴ Bekuphindze kebe nesicumbi setingwadla kulendzawo. Benta lentfo leyenyanyekako njengetive laSimakadze atikhipha kungekefiki bantfu baka Israel. ²⁵ Kwenteka emnyakeni wesihlanu wenkhosi Rehoboam kutsi inkhosi Shishak wase Gibhithe wavukela iJerusalem. ²⁶ Watsatsa ingcebo endlini yaSimakadze, wayigcina endlini yenkhosi. Watsatsa konkhe; watsatsa nawo onkhe emahawu eligolidze laSolomon awakhile. ²⁷ Inkhosi Rehoboam yakha emahawu elitfusi endzaweni wababeka etandleni tebaholi babogadzi, lebebagadza iminyango yenkhosi. ²⁸ Kwenteka lapho inkhosi ingena endlini yaSimakadze, labogadzi batabatfwala; bababuyise endlini yabogadzi. ²⁹ Kuleletinye tinkinga mayelana naRehoboam, nako konkhe lakwentile, akukabhala encwadzini yemisebenti yemakhosi akaJuda? ³⁰ Lemphi lechubekako emkhatsini waRehoboam naJeroboam. ³¹ Ngako Rehoboam walala nebakubo wagcwatjwa nabo edolobheni laDavide. Ligama lamakwakhe bekungu Naamah umfati wemAmmoni. Abijah indvodzana yakhe yaba yinkhosi endzaweni yakhe.