¹ Rehobhoyami wahamba wayakuShekhemi, ngoba Israyeli wonkhe beketa kutomenta inkhosi. ² Wabese uyeva Jerobhoyami indvodzana (ngoba bekasolo aseGibhithe, laya khona nakabalekela inkhosi Solomon), ngoba Jeroyami besekahla eGibhithe. ³ Ngakoke bambita Jerobhoyami , wabese Jerobhoyami nelibandla lakhe lonkhe laka Israyeli bayeta bafike batsi kuRehobhoyami, ⁴ ''Uyihlo usitfwese lijoke lelisindzako. Nyalo sinciphisele umtfwalo lasinike wona, uphindze usinciphisele lelijoko uyihlo lasetfwesa lona, tsine sitobese siyakukhonta.'' ⁵ Rehobhoyami watsi kubo, ''Hambani emalanga lamatsatfu, bese niyabuya kimi.'' Ngakoke labantfu bahamba. ⁶ Inkhosi Rehobhoyami yahamba yayotsatsisa emajaheni lamadzala lebekakadze asebenta neyise Solomon asaphila, Solomon watsi, ''Ngelulekeni kutsi ngibaphendvula ngitsini labantfu?'' ⁷ Aphendvula lamadvodza lamadzala atsi, ''Nangabe utoba ngumholi lokahle usebentele sive, uphindze ubaphendvule kakhulu ngemagama lakahle, batohlala batisebenti takho.'' ⁸ Kepha Rehobhoyami akatinakanga leteluleko latinikwa ngulamadvodza watsatsisa kubontsanga yakhe lebesekungibo beluleki bakhe. ⁹ Solomon watsi kubo, ''Ningeluleka nitsini ngitokhona kuphendvula labantfu labakhulume kimi batsi, ''Sitfule lijokwe lesiletfweswe nguyihlo?"' ¹⁰ Lamajaha labebontsanga yakhe Rehobhoyami amphendvula, atsi, ''Khuluma nabo labantfu labatsi uyihlo Solomon wabetfwesa lijokwe lelisindzako kepha bafuna wena ulehlise. Ubatjele kutsi, Umuno wami usidudla kunelukhalo lababe. ¹¹ Kepha nyalo, noko kungubabe lowanetfwesa lijokwe lelimatima, ngitolingeta.Babe bekanishaye ngeliswebhu, kepha mine ngitonishaya ngeluswebhu lolunemanyeva.'' ¹² Ngakoke Jerobhoyami nabobonkhe labantfu babauya kuRehobhoyami elangeni lesitsatfu, njengobe inkhosi beyikadze ishito nayitsi, ''Nibuye ngelilanga lesitsatfu.'' ¹³ Inkhosi yabaphendvula ngekunganaki nekutsetsa yangatinaki teluleko temajaha lamadzala. ¹⁴ Wabaphendvula ngeteluleko tabontsanga yakhe; watsi, Babe wanetfwesa lijokwe lelisindzako, kepha mine ngitongeta kulelijokwe. Babe wami bekanishaye ngeluswebhu, kepha mine ngitonishaya ngeluswebhu lwemanyeva.'' ¹⁵ Ngakoke inkhosi ayibalalelanga labantfu, ngoba bekuyintsandvo yaSimakadze, kute kutawufezeka emavi akhe bekakhulunywe ngu Ahijah umShiloni kuJerobhoyami indvodzana yaNebhati. ¹⁶ Ngesikhatsi sive saka Israyeli sibona kutsi inkhosi ayikasiva sicelo sabo, bantfu bayibuta batsi, ''Yini budlelwane lesinabo naDavide? Asinasabelo nendvodzana yaJese! Buyelani emathendeni enu, nine Israyeli. Sala ubusa indlu yakho,Davide.'' Ngakoke sive sabuyela emathendeni aso. ¹⁷ Kepha bantfu lebebahlala emadolobheni aka Juda, Rehobhoyami waba yinkhosi yabo. ¹⁸ Inkhosi Rehobhoyami yatfumela Abhonirani, lebekayindvuna yalabasebentiswa imisebenti lematima, sive sonkhe saka Israyeli samgcoba ngematje wafa. Inkhosi Rehobhoyami yabaleka ngekushesha yaya Ejerusalema ngetincola tayo. ¹⁹ Ngakoke ema Israyeli solo avukelana nendlu yaDavide kute kube kunamuhla. ²⁰ Kwenteka ngesikhatsi onkhe ema Israyeli eva kutsi Rehobhoyami ubuyile, sive satfumela kutsi ete emhlanganweni wabo bafike bamenta inkhosi yaka Israyeli wonkhe. Kwababete londzela indlu yakaDavide, ngaphandle kwesive sakaJuda. ²¹ Ngesikhatsi Rehobhoyami efika eJerusalema, wabutsisa indlu yonkhe yakaJuda kanye nesive sakaBhenjamini; emadvodza 180,000 emphi, kutsi bayolwa nendlu yaka Israyeli, abuyisele umbuso kuRehobhoyami indvodzana yaSolomon. ²² Kepha livi laNkulunkulu lefika kuShemaya, umuntfu waNkulunkulu; latsi, ²³ ''Khuluma naRehobhoyami indvodzana yaSolomon, nenkhosi yakaJuda, nakuyoyonkhe indlu yaka Juda nakaBenjamini, nakusosonkhe sive, utsi, ²⁴ ''Simakadze utsi: Ungalwi nobe uhlasele banakenu sive saka Israyeli. Yonkhe indvodza ayibuyele ekhaya layo, ngoba lokwentekile kuyintsandvo yami.'''. Ngakoke balilalela livi laSimakadze babuyela emuva etindleleni tabo, phindze balilalela livi lakhe. ²⁵ Wabese Jerobhoyami wakha li Shechem eveni letintsaba ka Efrayimu, wase uhlala khona. ²⁶ Jerobhoyami waphuma lapho waphindze wakha ePeniel. Jerohobhiyami wacabanga enhlitiyweni yakhe, ''Nyalo bukhosi butobuyela endlini yaDavide. ²⁷ Uma ngabe lesive sitoya simikise iminikelo ethempelini laSimakadze eJerusalema, tinhlitiyo tabo titojika phindze tibuyele kumholi wabo, keRehobhoyami inkhosi yakaJuda. Batongibulala bese babuyela kuRehobhoyami inkhosi yakaJuda.'' ²⁸ Ngakoke inkhosi Jerobhoyami yatfola kwelulekwa yabese ibumba ematfole lamabili ngeligolide; watsi esiveni, Kumatima kini kutsi ninyuka niye eJerusalema. Bukani, naba boNkulunkulu benu, nine Israyeli, labanikhipha eGibhithe. ²⁹ Jerobhoyami wabeka linye litfole eBethel wabeka lelinye eDan. ³⁰ Ngakoke lesento saba sono. Sive besikhetsa kutsi siya kuleli nobe kulelelinye, indlela yonkhe kuya eDan. ³¹ Jerobhoyami wakha tindlu entsabeni phindze wabeka bapristi labakhetsa esiveni, ngisho kulabo bebangasiwo emadvodzana aLivi. ³² Jerobhoyami wasungula lidzili lelitobakhona etinyangeni letisiphohlongo letitako, ngelilanga lelishumi nesihlanu, njenge lidzili lalentiwa kaJuda, wabese unyukela etulu e athalini. Wakwenta loku etulu eBheteli, wabulala lamatfokati bekakadze awakhile, waphindze wabeka bapristi eBheteli entsabeni bekakhe khona. ³³ Jerobhoyami wenyuka waya e atahalini bekalakhe eBheteli ngelilanga lelishumi nesihlanu, ngenyanga bekakadze ayihlelile; wagcoba lidzili lema Israyeli wabese unyukela etulu e athalini wayoshisa imihlatjelo.