¹ Ono, Nobakwesu, amutukombele, kuti Ijwi lya mwami linjile alimwi lilemekwe, mbolili aali ndimwe amwebo, ² alimwi kutewa kuti tunununwe kuvwa kububyaabi alimwi kubantu babyaabi, tabali boonse bakwete luhyomo. ³ Pele mwami uliluleme, uya kumuyumya yumya akumukwabilila kuhvwa kumubyaabi. ⁴ Tuli acamba mumwami akaambo kandiwe, kuli ncomucita noonse, alimwi muyakuzhumanana kucita zhyintu zhyotwakamulailila. ⁵ Mwami a sololele myoyo yenu kuluyando lwa Leza a kukuciswa kwa Klisto. ⁶ Ono twamulailila, nobakwesu, muzhyina lya mwami wesu Jeso Klisto, mumuntantamuke kuhumbwa wabunyina weenda cakutalulama alimwi akutakkala munhyila njomwakatambula kuhvwa kulindiswe. ⁷ Mulizhyi lwenu nobeni kuliluleme kwiiya ndiswe, nkaambo kunyina notwakapilingene notwakali antoomwe andimwe. ⁸ Kunyina notwakalya cinkwa camuntu kakunyina kubbadela, pele twakabeleka mahiku amahikati twakabeleka akumana mulimo, kuti tutabi mukuli kuli umwi wenu. ⁹ Twakacicita eeci kutali kuti tunyina insana, pele twakacicita kutewa tube mukonzyanyo kulindinywe kutewa kuti myiiye kulindiswe. ¹⁰ Notwakali antoomwe andinywe, twakamulailila, "Oyo utayandi kubeleka atalyi." ¹¹ Mbuli mbotuhvwa kuti bamwi akati kenu balipilingene, tabamani milimo, pele balya buyo abantu. ¹² Ono abo bantu baliboobo twakabalailila a kubakombelezhya muzhyina lya Mwami Jeso, kuti babeleke cakaumu-umu a kulya cinkwa caba beni. ¹³ Pele nywebo, nobakwesu, mutakatali kukucita kabotu. ¹⁴ Nakuti umwi muntu atalemeki majwi eesu mulugwalo oolu, kutewa kuti ause nsoni. ¹⁵ Nokuba mutaciti kuti ngohinkondonyoko, pele amumucenjezhye mbuli munyina. ¹⁶ Ono mwami wa luumuno lwakwe amupe luumuno muciindi coonse amuzhyila zhyoonse. Mwami abe andimwe noonse. ¹⁷ Lwangu, nde Paulo, ndalemba eeci atanhyi lyangu ndimwini, calo eeci ncaando kulugwalo loonse ndwilemba. ¹⁸ Luzhyalo la mwami Jeso Klisto lube andimwe noonse. Amen.