¹ Njelele kulisumpula nokuba kuti kunyina ciyanwa mukuta boobo. Pele ndaunka kuzhyilengaano alimwi azhyizubuluzhyo kunhya ku mwami. ² Ndizhyi muntu muli Klistu ooyo mumyaka ili kkumi ayone ooyo --- nokuba mu mubili naa atala amubili, nhezhyi, Leza nguuzhyi --- wakabwezwa kwizeulu mwizeulu lyatatu. ³ Aliwmi ndimuzhyi ooyu --- nokuba mumubili, nokuba atala amubili, nhimuzhyi, Leza ulimuzhyi --- ⁴ wakabwezwa mu Paladiso alimwi akuzhwa nhyintu zhyisetekene zhyiteelelei kumuntu uli oosne kunhyaamba. ⁵ Kuba mulubanhwu lwamuntu nja kulisumpula. Pele kulubanhwu lwangu nhyikalisumpuli, cita buyo akutahima kwangu. ⁶ Naa ndasala kulisumpula, nhikabi muhubahuba, nkaambo njelele kwaamba mahimpe. Pele njakulilehya kulisumpula kucita kuti kubule naba omwe undiyeeyela kwiindanhyabona muli ndime, nokuba kuteelela kunhwa kuli ndime. ⁷ Kundikahya kulisumpula nkaambo kakunhwula kwabukando bwa zhyiyubuluzhyo, imanvwa mulukanda akapewa kulindime, imutumwa wasaatani wakndicisa --- kwamba kuti intaindili kulisumpula. ⁸ Zhyiindi zhyotatwe ndakalomba mwami kuli ceeci, kulinguwe kuti acikuhye kulindime. ⁹ Pele wakaamba kuli ndime, ''Luse lwangu lulikwene kuli nduwe, nkaambo insana zhyila bambwa kusuumana mukutahima.'' Ibuyo njelele kulisumpula kwiinda akutahima kwangu, kucita kuti insana zhya Klistu zhyibeleke mulindime. ¹⁰ Nkaambo kaako ndabotela nkaambo ka luyando lwa Klistu mukutahima, mukutukanwa, mumapezhyi, mukusubulwa alimwi amuzhyiindi zhyakunyongana. Kuciindi ncetahimine, kumane ndi ansana. ¹¹ Ndaba muhubahuba! Mwakandindihyinikizhya kuli ceeci, nindaali kweelele kulumbaizhyiwa andimwe andimwe. Nhi mukubula luzhyibo kuli baabo baitwa kuti mba apositolo beni, nokuba kuti mebo ndikunyina. ¹² Icitondezhyo camahimpe ca mwa Apositolo cakasandululwa akati kenu mubuhicamba buzwile, zhyitondezhyo alimwi azhyigambyo alimwi micito iyoohya. ¹³ nkaambo mwakabula buti kutayandihya kwiinda zhyikombelo zhyimwi, cita buyo kuti nhindakamuminya? Kamundilekelela mukulubuzhya ooku! ¹⁴ Kamulanga! Ndililibambilile kuhika kuli ndimwe ilwatatau. Nhikamubeli mukuli, nkaambo nhiyandi zhyenu pe. Nyanda ndimwe. Ibana tabeelele kubelekela bamazhyali. Pele, bamazhyali beelele kubelekela bana babo. ¹⁵ Njakubotelwa kwiinda alimwi mukucita kucitila maumi eenu. Naa ndamuyandihihya, mebo nhikayandwi ahyoonto? ¹⁶ Pele mbubona mbocibele, mebo nhimuminyi. Pele nkaambo ndimukatauhyi, ndime ndakamukwata mukubeya. ¹⁷ Hena kuli mpinda kamulya coolwe kuli oonse ngwindakatumine kuli ndimwe? ¹⁸ Ndakombelezhya Tito kuti aunke kuli ndimwe, alimwi ndakatuma bambi babunyina anuwe. Hena Tito wakamulya coolwe kuti amukatazhye? Hena titwakenda muzhyila ikozhyenye? Hena titwakeenda muntaamu zhyikozhyenye? ¹⁹ Hena muyeeya kuti muzhyiindi eezhyi zhyoonse twali kulikwabilila lwesu kuli ndimwe? Mubuhyu bwa Leza tali kuzhyaamba zhyoonse muli Klistu, mukumuyumyayumya. ²⁰ Ndakali kuyoowa kuti ndaboola inga nhimuyani mbwimuyeeyela. Ndali kuyoowa kuti ina tamujani mbomwali kundiyeeyela. Ndali kuyooa kuti ina kulaba kuzwangana, munyono, koonzomoka kwa bukali, kuhwalauka, kutamikizhyanya, kunhwiya, kutanyonwa alimwi akutalikana. ²¹ Ndiyoowele kuti ndapiluka, Leza wangu ulandityaba kumbele abuhyu bwenu. Ndayoowa kwaamba kuti mulandinyemya abunji bwa baabo bakabihya munhi lya ono, alimwi bakasanduka mukutasalala alimwi mukucita nkwela alimwi amuzhyintu zhyiyanda mibili eezhyi zhyobakacita.