Pengumai untuk tamai sisa ¹ Anakku, maka dari yak, mih kalah kuat ulih kasih karunia alam Kristus Yesus. ² Nama te udah mih dinga re aku de mua mayuh saksi, pecayak ke yak ngau urang-urang te tau depecayak, ngau lihai ngajar urang bukai. ³ Tamai me sisa sebagai prajurit te baik ari Kristus Yesus. ⁴ Prajurit te ketengah bejuang, ndai musing kedirik ngau sual-sual pengidup, isak ya bekenan ngau komandan ya. ⁵ Urang ulahragawan cuma bulih mahkota sebagai juara, antik ya serumak sesuai peraturan. ⁶ Urang puma te bekerja manting ngering kalah urang te peruba ngasai asil usaha sidak. ⁷ Perati ke nama te kupadah; Tuhan bakal merik ke ngau kitak pengertian alam semua hal. ⁸ Kingat ke tuk: Yesus Kristus, te udah bangkit dentara urang mati, te udah delahir sebagai kenturun Daud, yak mek te kuberik alam Injilku. ⁹ Empadai pemadah injil tuk mek aku sisa, malah depasung upa penjahat, tapi firman Allah ndak angkil depasung. ¹⁰ Nyak mek nyuruh aku sabar nangung semua tuk bagi urang-urang pilihan Allah, isak sidak bulih keselamatan ugak alam Kristus Yesus ngau kemuliaan te kekal. ¹¹ Benar me anai tuk: "Antik kita mati ngau Ya, kita pun idup ngau Ya, ¹² antik kita rajin, kita tamai Ya merintah; antik kita nyangkal Ya, Ya nyangkal kita; ¹³ antik kita setia, Ya tetap setia, empadai Ya ndai dapat nyangkal dirik-Ya." ¹⁴ kingat ngau pesan ke bebenar semua tuk ngau sidak dadap Allah, isak sidak ndai besilat anai, empadai yak ndai sik guna, malah ngacau ke urang te ninga. ¹⁵ Usaha ke dirik layak dadap Allah sebagai pekerja te ndai sah malu, te beterus terang madah ke anai te benar. ¹⁶ Tapi tangkis (hindari) ke anal te bulak, ndai suci, empadai cuma namah kefasikan. ¹⁷ Anai sidak upa pemedih kanker. Dentara sidaka temasuk Himeneus sedua Filetus, ¹⁸ te nyelimpang re kebenar, ngajar ke kebangkitan kita agik ketengah (berlangsung), ngau upa yak mek ngerusak imana urang. ¹⁹ Tapi dasar te deletak ke Allah yak teguh, meterai ya: "Tuhan ngelala empu Ya" ngau "Setiap urang te nelah nama Tuhan kalah nudi ke pempulah te jaik." ²⁰ Alam rumah te besai bukai cuma bisik pekakas re mas ngaua pirak, bisik kayu ngau tanah ugak; te pertama dengau untuk maksud te mulia ngau te penudi untuk maksud te kurang mulia. ²¹ Antik urang nyuci ke dirik re te jaik, ya nyadi ke direk pekakas rumah untuk maksud te mulia, ya dekudus, depanang layak dengau tuak ya, ngau desiap ke untuk pekerjaan te mulia. ²² Maka re yak, tangkis te nafsu urang mudak, kejar keadilan, kesetiaan, kasih ngau damai tamai sidak te beseru ngau Tuhan ngau ati murni. ²³ Sual te ndai baik, hal te budu kalah detangkis. Kitak ketau sual-sual yak nimul ke tangkap, ²⁴ Sedang ke hamba Tuhan ndai tau betangkap, tapi kalah ramah ngau semua urang, ya kalah numut ngajar, sabar ²⁵ ngau lemah lembut tau ngiring uraang te tugam ngelawan, empadai Tuhan merik sidak kesempatan betubat, mimpin sidak isak ngelala kebenaran, ²⁶ ngau piyak sidak jadi ingat agik, empadai lepas re jerat Iblis te dah ngebat sidak ngau penekak sidak.