¹ Katika andau Pentakosta dumah, ewen uras hayak-hayak into eka ije sama. ² Tuntang salenga dumah tahining bara langit, suara kilau auh himun riwut barat. ³ Tuntang, lembut huang ewen jela-jela kilau nyala apui, je tapisah tuntang tingkep hung hunjun ewen uras. ⁴ Maka, ewen uras inguntep dengan Roh Barasih tuntang nampara bapander hapan macam-macam bahasa, kilau je nenga Roh Barasih akan ewen bapander. ⁵ Metuh katika te, tege uluh-uluh Yahudi je melay into Yerusalem uluh-uluh saleh bara tiap-tiap bangsa into penda langit. ⁶ Hayak katika suara te tahining, kumpul uluh are dumah hayak-hayak tuntang bingung gawi satiap uluh mahining ewen bapander hapan bahasa ayun ewen. ⁷ Ewen heran palus hengan, sambil hamauh, bekenkah ewen je bapander te uluh Galilea? ⁸ Palus, kilen ampi tau masing-masing itah mahining ewen bapander mahapan bahasa eka itah lahir. ⁹ Uluh-uluh Partia, tuntang Media, tuntang Elam, tuntang uluh lewu Mesopotamia, Yudea, tuntang Kapadokia, Puntus, tuntang Asia, ¹⁰ Frigia tuntang Pamfilia, Mesir, tuntang daerah-daerah Libia tukep Kirene, tuntang uluh namuei je bara Roma, iye te uluh-uluh Yahudi tuntang ewen Peroselit. ¹¹ Uluh-uluh Kreta tuntang Arab. Itah mahining ewen bapander mahapan bahasa ayun itah mangesah kakare gawian Hatalla. ¹² Palus ewen heran tuntang bingung sambil hamauh ije dengan je beken, " Narai rima uras tuh"? ¹³ Tapi, uluh beken tatawe palus hamauh, " Ewen babusau gawi Anggur je taheta " (Petrus Bapander Akan Uluh Are) ¹⁴ Tapi, Petrus mendeng dengan kaseblas rasul, palus hamauh tuntang bapander dengan ewen, " Hai uluh-uluh Yahudi tuntang uras je tege into Yerusalem, mangat ikau katawa tuntang mamparhati auh kuh. ¹⁵ Sabab uluh-uluh jituh diya mabuk, kilau je inyangka muh awi andaw haru jam telo. ¹⁶ Akan tapi jituh je imander mahalau nabi Yoel: ¹⁷ Tuntang katika andau-andau tarakhir akan tajadi Hatala bafirman: bahwa aku handak manenga Roh-Ku akan uras kalunen, tuntang anak-anak muh je hatue tuntang anak-anak muh je bawi akan banubuat, tuntang anak-anak tabela akan nampayah, tuntang uluh-uluh bakas bara antara ketun manopi kampa. ¹⁸ Bahkan, akan hamba-hamba-Ku je hatue tuntang hamba-hamba-Ku je bawi metuh andau-andau te, Aku manenga Roh-Ku. ¹⁹ Tuntang, Aku akan mamparahan muzijat-muzijat hung langit, into hunjun tuntang tanda-tanda ajaib into bumi, melai penda, daha tuntang apui, tuntang kabut asep. ²⁰ Matan andau akan i ubah manjadi kakaput tuntang bulan manjadi daha, sahindai andau Tuhan je hai tuntang mulia dumah. ²¹ Tuntang akan tajadi, satiap uluh je mantehau aran Tuhan akan inyalamat. " Yoel 2:28-32 ". ²² " Hai uluh Israel hining pander jituh, uluh Nazaret, ije biti uluh je tapilih bara ketun gawi Hatalla dengan hal-hal ajaib, muzijat-mujizat tuntang tanda-tanda, je jadi Hatalla parahan bara antara muh mahalau Iye,kilau je ikau kabuat katawa. ²³ Yesus tuh, je inyarah kilau rencana je jadi inentu tuntang pangatawan Hatalla sahinday te, ikau mampatei palus manyalib-Iye mahalau lenge uluh-uluh durhaka. ²⁴ Haranan te Hatalla mambangkitkan-Iye,tuntang malapas bara kapehe maut gawi diya mungkin Aka nguasa awi pampatei. ²⁵ Sabab, Daud puji hamauh tentang Yesus, 'Aku manampayah Tuhan halajur tege into baun kuh, gawi Iye tege hila gantau kuh sahingga aku diya tau gpyah. ²⁶ Haranan te, atei kuh paham hanjak, tuntang jela kuh basorak-sorak.Biting kuh kea akan manunggu huang kaharap, ²⁷ Gawi Ikau diya akan malihi jiwa kuh into eka uluh matei,atawa manalua bitin uluh kudus -Muh manampayah kahancuran. ²⁸ Ikau jadi mansanan akang kuh jalan pambelum. Ikau akan manampa aku kuntep dengan kahanjak dengan bau Muh. ²⁹ Tundah pahari, aku tau bapander dengam hayak yakin tentang tato hiang itah, Daud amun iye jadi matei palus ingubur, tuntang kuburan ah masih tege mampahayak itah sampai andau tuh. ³⁰ Jadi, gawi iye ije biti Nabi tuntang mangatawa amun Hatala jadi bajanji tuntang basumpah denga akan mampunduk ije bara katurunan Daud into hunjun tahta. ³¹ Haranan te, Daud je manampayah akan hal tuh sahinday, iye bapander masalah kabangkitan Kristus bahwa : Iye diya akan i lihi into eka uluh matei, tuntang biti diya manampayah kabinasaan 'Mzm.16:10 ³² Yesus tuh je akan i bangkit awi Hatala tuntang ikei uras saksi tentang hal te. ³³ Awi haranan te, limbas jadi i pagantung awin lenge gantau Hatala tuntang manarima janji bara Bapa tentang Roh barasih, Iye jadi mancurahkan, narai je nampayah muh dan kea hining muh. ³⁴ Sabab, Daud dia mandai akan sorga, tapi iye kabuat hamauh " Tuhan bapander dengan Tuanku, Munduk ih into hila gantau-Kuh, ³⁵ Sampai Aku manampa musuh-musuh-Muh manjadi eka paim bakijak. "Mzm. 110:1. ³⁶ Awi te, nau uras huma uluh Israel katawa hayak jadi pasti Hatala je manjdikan Iye Tuhan tuntang Kristus , jituh lah Yesus je jadi nyalib muh. ³⁷ ewen mahining hal jite, kilau kana tusuk atei ewen, balalu hamauh dengan Petrus tuntang ewen rasul je beken, "Pahari-pahari, narai je harus inggawi ikei"? ³⁸ Palus, Petrus hamauh dengan ewen, "Batobatlah tuntang baptislah arep muh uras-uras hung aran Kristus Yesus akan ma ampun dosa-dosa muh, tuntang ikau akan manarima karunia Roh barasih. ³⁹ Sabab, janji tuh iyete akam, tuntang anak-anak muh, tuntang akan uras uluh je masih kejau, sapire kaulih Tuhan Hatala itah handak mantehau ah. ⁴⁰ Tuntang, dengan kakare pander je beken, Petrus basaksi palus bujur-bujur tuntang hamauh akan ewen, kilau tuh auh ah, "Nyalamat ih arep muh bara generasi je kelok tuh." ⁴¹ Uluh-uluh je manarima auh Petrus imbaptis tuntang katika andau te jumlah ewen batambah kurang labih telo ribu kalunen. (Persekutuan Uluh-uluh parcaya) ⁴² Ewen tunuh huang ajaran rasul-rasul tuntang huang persekutuan katika mamusit rote, tuntang katika badoa. ⁴³ Palus kamikeh dumah akan ije mije kalunen, tuntang are hal ajaib pahayak tanda-tanda je manjadi mahalau ewen rasul. ⁴⁴ Uras je parcaya bakumpul basama palus uras tempu narai je tege basama-sama kea. ⁴⁵ Limbah te, ewen manjual barang harta tuntang je tege denga, limbas te mambagi-bagi akan uluh are, manumun narai je imerlu masing-masing. ⁴⁶ Satiap andau, dengan kahinje atei ewen bakumpul uras into Bait Hatala tuntang mambagi-bagi rote bara huma palus akan huma. ⁴⁷ Sambil manara Hatala, tuntang uluh are rajin tutu dengan ewen. Palus, satiap andau Tuhan manambah jumlah ewen, iye te uluh-uluh je jadi inyalamat.