¹ Bangauzhi babubela aishile kubaantu, ne bafunjishi babubela nabo baishile. Baishile mubufyamfya namafunde akonanaula, kabiji ne kukana mukulumpe wibaletele abo. babena kuleta bukiji byakonaula abo beene. ² Bavuula balondejilenga abo, ne kupichila mwiabo bukishiinka bukonaulwa. ³ Mu lwiso lwabo bakakebesha anweba namawi akwimyonaula. muluzhatisho lwabo bakeyanga pakimye kyalepa, kabiji ne bonaushi bwabo kechi bwapwa ne. ⁴ Lesa kechi washilepo ba malaika balengele bubi ne. Nanchi wibabikile mu tatalusa ne kwi basungila muminyololo yamukimbo kya mfishi kufiika ne kujuuba ja luzhatisho. ⁵ Kabiji kechi washilepo ntaanda yakala ne. Mino, washilepo Nowa, wajiinga mukulumpe mubololoke, ne bakwabo bataanu na babiji po aletele muyuulo mukyalo kyabula Lesa. ⁶ Lesa wakeepeshe mizhi ya sodooma ne gomoola noobe buto ne kwiba zhatisha ne konaula ne kwibabika bakumwenako kuji bikamweka kuboba babuula Lesa. ⁷ Kabiji wa pokolwele lota wajinga waoloka, byo aubilwe bulanda bwa babi- ⁸ awa muuntu waoloka, waikelenga mwiabo pa juuba pa juuba, wa manyikilwe mu bolooloke bwaanji bya muchima na maambo a byuubilo bya mizhilulwiila- ⁹ inge Nkaambo waubile bino biintu, wayuuka bya kupokoloola benemeka mu lweeseko ne bya kwiibalamina lumanamo aba babula kooloka pajuuba ja kije. ¹⁰ Akino kya kishiinka kikataampe kubooba beenda mu bya mazhika kanwa a lusako lwa mibiji yaabo kabiji aba bakaana luusa. Bachiinchika, babula kuzakama pa kwiibanena bya mweenga ba lukumo. ¹¹ Ba malaika baaji na bulume bukataampe ne ngovu yoonse, pano keechi baneena kije mweenga kwi Nkaambo ne. ¹² Mino abano baantu baji noobe banyaama babula kulaanguluka, basemwaatu ba kukwaata ne kwiibonaune. Keechi bayuuka amba ba neenang'ana. Muloonaiko naabo ba ke bonauna, ¹³ lumanamo lwa bubi yo mfweeto ya bubi. Maambo balaanguluka amba kwiilemena mute noobe lusekeelo. Ke biko ne bulema. Basekelamo mu byuubilo byaabo byo baja kijiilo naabo. ¹⁴ Baji na meeso ayuula kukeende; keechi batoondwa na michima yanekena mukuuba bibi ne, kabiji bafuunjisha michima yaabo kwiikala ya lwiiso. Bafiingwa. ¹⁵ Baleeka jishiinda jaoloka ne kuya muungi, ne kuloondela jishiinda jakwa Balamu mwaana Beola, watemenwe mfweeto ya kuuba byaatama. ¹⁶ Mino ba mukajipiijile na mizhilulwiila yaanji- mboongolo ubula kwaamba wa ambile na jiiwi ja muuntu ne kukaanya kukosama kwa aye ngauzhi. ¹⁷ Abano baantu o masulo abula meema kabiji kamfwa utwalwa na kipupu kikatampe. kufita kwamfishi kwasungiwa kwi abo. ¹⁸ Bamba nawitote byantu, bakookela bantu kupichila muboba bekala mu bujimi. bakookela baantu bakeba kubomboka kuboba bekala mukulubakanya. ¹⁹ Balaya kukasululwa kwiabo ,pano abo beene ke bazha bamazhikakanwa. keepo muuntu muuzha kubiintu byoonse bimushiinda. ²⁰ Inge bafuma kubya mazhikakanwa bya ntaanda kupichila mu maana a nkambo ne mupulushi yesu kilishitu ne kutaniwamo jikwabo ne kushiinda ,kyapelako kyakatazha kukila kitashi. ²¹ Inge kyajinga buloongo kwiabo inge keechi bejiukile ne kwaluluka ku mikambizho yazhila yapainwe kwi abo. ²² Biino bishimpi byo bya kine kwi abo : '' kabwa ubwela kumalashila anji ,ne ngulu ubwela kuma nteshi.''