¹ Ukualondunge elie? Elie wakuliha elomboloko liocipito co muenyo? Olondunge komunu vilingisa ocipala lavo oku nina, kuenda oku kola kuocipala cahe ca pongoluiwa. ² Ndikulungulu oku kuama ocilhabdeloko casoma mekonda lio kuminyo ya Suku yuvindikiye. ³ Kuka vayaule okutunda kovaso aye, kukatalame okutundila uvangi ocina cimue civi, monda soma olinga cosi ayongola. ⁴ Ondaka ya soma omoko, oco helie ovangula laye, ''wokulinga nye?'' ⁵ Uwosi otata ovihandeleko via soma katili ohali. Utima wukualondunge ulimbuka elilongiso liwa kuenda otembo yokulinga . ⁶ Momo ocitanggi cikuete ekumbuluilo casesamela kuenda otembo yokukumbulula, ohali omunu umue viapiala. ⁷ Lomue wakuliha eci ciapo. Elie u sapuila eci cilaika okuiya? ⁸ Lomue okuete ongusu yoku talamisa ofela, kuenda vo, lomue okuete ongusu keteke liahe liokufa. Lomue otudisiwa ko kosualali kotembo yoku yaka, kuenda uvi kauyovola vana vakasi apika vaco. ⁹ Ndalimbuka viosi evi; Ndaca utima wange kupange wosi una walingiwa vemi liekumbi. Kuli otembo eci omunu alilongisila omoko kukuavo omanu una hakuti oli lemeha eye muele. Eci vo kacisilivila. ¹⁰ Oco nda mola vakuakandu va kendiwa vo luayela. Vava tundisile kocitumalo cikola kuenje vakendiwa kuenda vasivaiwile ko manu vovimbo muna valingilile vivi. ¹¹ Omo eyambulo liatukuiwila vekangakali kalilingiwa lojanga, oco ovitimaa viomanu vikala lobili yokulinga civi. ¹² Nengo oco vakuakandu valueya ocita kolonjanja kuenda omuenyo wava wamamango, hamo ndakuliha hakuti, ava vasumba Suku vakala ciwa, kuvosi vakatumala lahe kuenda vakalekisa ocisumbilo kokuahe. ¹³ Puai kacikala ciwa komunu ukuakandu; Omuenyo wahe kuutualelela. Oloneke viahe uka kambi ulembo utito monda kasumbile Suku. ¹⁴ Kukasi cikuavo vali cango cina cilingiwa kilu lieve: Kuli omanu valipua vambata eci cisesamela wakueviho, nda cipopelengo cango. ¹⁵ Oco ndasivaya esanju, monda omunu kakuli cimue osole vemi liekumbi okupitahala okulia kuenda okumua kuenda vali esanju. Esanju luikuama kupange wahe voloneke viosi vio muenyo wahe kuna Suku owiha vemi liekumbi. ¹⁶ Eci ndacele utima wange lokukuliha olondunge kuenda elomboloko liupange lina lilingiwa kilu lieve, upange ulingiwa utanya ale kuteke okulembua ovaso ukupekela, ¹⁷ Noke nda limbuka upange wosi Suku, kuenda omunu una upange ulingiwa vemi liekumbi kau ulomboloka. Ndango omunu osakalala oku sandiliya akumbuliulo, kasangi. Ndango omunu ukualondunge kacikulihile ciwa, pole kaciteli.