¹ Evi ovyo olondaka viu longisi, ombuto ya Ndaviti kuenda soma vo Yelusalai. ² ''Cango, cango' ulongisi. ''Ocili cango! Viosi viango.'' ³ Onima yanye omunu asanga kupange wosi alinga vemehi liekumbi? ⁴ Ocitumbulukila cimue cenda, kuenje cikuavociya, puai ilu lieve likalango hu kalipui. ⁵ Ekumbi litunda, kuenje lingila kuenda liyayula vali kutundilo walio. ⁶ Ofela yisika ko sulu kuenje inguala itiuka ko Nolite, olotembo viosi linguala vonjila muna lisokupita vali. ⁷ Olondui viosi vitila vo kalunga, puai okalunga hakalayuka. Oku olondui viendanda, hako vienda vali. ⁸ Ovina viosi vikava, kuenje laumue ocilombolola. Iso kalikuta kueci limola, ndango etui kalitelisa kueci liyeva. ⁹ Ndomo cakale haco cikakala, kuenje eci calingiwa haco cilingiwa. Kakuli lacimue cokaliye vemi liekumbi. ¹⁰ Anga kuli cimue akuti cipopiwa, 'tala, eci cokaliye'? Eci cosi calingiwa ale osimbu ka tuakaleleko. ¹¹ Kakuli laumue wavaluka ovina vialingiwile ko tembo yosahulu, kuenje ovina vina vialingiwile ale kuenda levi vilingiwa kovaso kavikavalukiwa vali.'' ¹² Ame ndulongisi, kuenje ndakale soma yava Isaleli ko Yelusalai. ¹³ Ndakapele olondunge viange lokulilongisa kuenda okulimbuka lolondunge ovina viosi vilingiwa vemi liosi upange wakala owo Suku wa eca komala vahe vomanu munu okusakalala lavo. ¹⁴ Ndamola upange wosi walingiwa vemi liekumbi, kuenje tala, cosi esanda kuenda okulupuisa ofela. ¹⁵ Eci capanga kacitala okupenguluiwa! Ecicakamba kacitala okutendiwa! ¹⁶ Ndavangula lutima wange, ''Tate, ndakuata olondunge vialua okupitahala ava vakala vo Yelusalai. Olondunge viange viamola olondunge viavelapo kuenda ukulihiso.'' ¹⁷ Oco nda cele utima wange okukullihisa olondunge kuenda uyui akuenda uveke. ¹⁸ Ndeya okulimbuka akuti ecilacovo okuatela ofelaa. Momo olondunge nda vialua ohali yilua, kuenje u wosi oluisa ukulihiso oluisa esumuo.