¹ Muthu muna melchisedeke, fumu wa gu salemi, nganga dia nzambi mu dilu wa tagenene mu abalahami tangwa dia guvitaga hene amusagumunine, gunyima mwene wezile wa shiyo mafumu a nyi agaswe. ² Abalahami wa muhwile muthu wa dikumi a kwatale. Jina dienji "melchisedeke " dimuzwelegi:"fumu wa masonga " nu wa gusalemi".Dimuzwelenji egie "fumu wa guhwima". ³ Gwa kalele gendji nu ginendji , nu shendji nu afumiendji go,Gwakalele go nu gilumbu gia gusendesa nu giasuga mu lujingo.Mwene wa kalele nganga nzambi mayilago hangenyi yesu klisto muna nzambi. ⁴ Lulu tangizenu pilakhi akalele muthu wa koma.Khaketu abalahami wa muhwile dikumi dia ima ya tambidile gwayile gu ita. ⁵ Athu a levi azudile mudimo wa ginganga ahwiye mukwala ya gutambula makapo gwa athu agaswe nugudi apangiayo agu isalele ata akalele athu a Abalahami. ⁶ Kashi melechisedeke , wadile gukala lo muthu ya levi, wa zangudile makapo gwa Abalayami nu lusagumunu mukunda ya kalele nu malaji a nzambi. ⁷ Gua kalele nu mukwala go egie muthu wa mukulupi asagumune galenge. ⁸ Hene , ata athu mbafwa gawo amutambula makapo hanyi imuleza egie muthu umutambulo makapo udi muthu wa monyo. ⁹ Mukunda nu guzwelegie , levi wakalele muzula makapo wa kalela ndji mwafuta mukunda nu Abalayami. ¹⁰ Levi wa kalele mu gianda gia khakendji Abalayami tangwa dia tagenene nu melechisedeke. ¹¹ Tangwedi kama gisalo gia nzambi gia levi gikale giabonga , nzambi gwambolo tuma go nganga - nzambi weka mukunda nu gudiwenzegesa gua melechisedeke ngalo gua Abona. ¹² Jiye nu egie kana mudimo ya nzambi wabaluga, nu mikwala kubalumuga. ¹³ Muthu tumu zwelela ndaga jiji , udi mu gikanda gieka , ata muthu weka khendji asala galego monja nzambi. ¹⁴ Lulu idi mwabonga fumu mietu yesu - klisto adi mu vumo dia juda , mu gikanda moise adile guzwelela lo ndaga ya nganga nzambi. ¹⁵ Ndaga tumuzwelela idi ya makhidia , kana nganga nzambi muko mba lukala hangenyi Melechisedeke. ¹⁶ Nganga nzambi munu mba gweji , go mukunda nu mikwala ya kiputa kashi mukunda nu monyo wa mayilango. ¹⁷ Mukunda malongi a nzambi amuzwela egie "Eye udi nganga - nzambi wa mayila go hangenyi melechisedeke". ¹⁸ Mukunda mukwala unu ukulu wakalele wa leba nu gubola hene watuniye. ¹⁹ Mikwala uji ikulu ya moise ya kalele go ya bonga , tenukala mujibamba mukunda imutubata guguhata njila ya nzambi. ²⁰ Gutaya gugu gushigo gutugu.Mukunda athu ako akumile a nzambi . ²¹ Yesu klisto wa diangele gudita nu gudiva nu nzambi hene fumu nzambi azwelele egie mbangu shigo mubalumuna ata ndaga imoshi go mukunda eye udi nganga - nzambi wa mayilago , ivo na ivo. ²² Mukunda nu gudiva gugu guapa , yesu klisto wa kitugile wa makidia. ²³ Tangwa dikima gufwa gwakalele mubinda a nganga - nzambi akima gugusala gisalu gia nzambi mvula jia mvula , hene a nganga - nzambi akalele muhageya avula - vula . ²⁴ Mukunda yesu klisto udi ivo na ivo , gufwa lo , kifumu giendji mba gishi mubaluga go. ²⁵ Tangwedi mwene udi ngendji yenu zwelelo athu gutwama dia nzambi . ²⁶ Tangwedi mwabonga tukale nganga - nzambi wa makidia udi yesu klisto.Gueshi gendji go nu masumu, nu gubola go, udi wa waha gutwana dia athu adi nu gubola. Udi wa koma gosa mu dilu. ²⁷ Udi wa balego a nganga nzambi atomo .Gueshi gendji na ndaga ya guhana milambu mukunda nu masumu endji go, nu a athu endji.Mwene wa dihanene gale hakendji hangenyi mulambu ha gifundu gia athu agaswe . ²⁸ Mikwala ya kalele muhaga athu aleba mafumu kashi malongi a nzambi ahagele yesu klisto muna nzambi fumu wa mayilago, ivo nu ivo.