¹ Tozali basomi na masiya libela, tozali na etumbu te. ² Tala lokola ngai Paulo nazali koyebisa bino, soki okatami ngenga Chlistu azali na ntina na yo te. ³ Nazali koyebisa lisusu na moto nyoso akokata ngenga, atosa mibeko minso; ⁴ Bino botangwa na Masiya, bokangami na mibeko bojali kobika na ngolu na ye te. ⁵ Mpo na Molimo mpe na kondima tojali kolikya na makambo malamu. ⁶ Na kati na Chlistu Yesu bakatama ngenga, bakatama ngenga te se lolenge lioko. Kasi bobele kondima kati na bolingo. ⁷ Bokimaki mbangu malamu. Nani apekisi bino kotosa makambo ma solo? ⁸ Oyo bojali kosala ejali na makanisi ya moto abiangaki bino te. ⁹ Ndambu moke ya nfulu, evimbisaka lipa. ¹⁰ Natiela bino motema na Mokonji na lolenge bino bokanisaka te tango mosusu oyo ajali kobungisa bino akojala na etumbu na ye. ¹¹ Bandeko, najali koyebisa bino lisusu na ntina ya ngenga, mpo na nini najali kominyokola? Na yango, libaku ya ekulusu esila kolongwa. ¹² Nakanisi baoyo bajali kotinda bino na libebi, bango moko balongwa na kati na bino. ¹³ Mpo ete bandeko, Njambe abiangi bino bojala bansomi. yango etinda bino na misala ya njoto te. Kasi bosalisanaka bino na bino na bolingo. ¹⁴ MPo ete mibeko minso mikangami na mobeko se moko: «Linga moninga wa yo lokola yo mei omilingaka.» ¹⁵ Soki koswana mpe kobomana kati na bino,bokeba ete bokobebisana. ¹⁶ Botambola lolenge ya Molimo kasi na mposa ya njoto te. ¹⁷ Mpo ete bamposa ya njoto na oyo ya Molimo eyokanaka te. Mbano na yango ejali kopekisa bino oyo bolingi kosala, bosala yango te. ¹⁸ Kasi Molimo atambolisa bino oyo bojali na epekiseli na ntina na mobeko te. ¹⁹ Tala, misala ya njoto yango oyo: Ekobo, makambo na mbindo, pite, ²⁰ losambo ya bikeko, kindoki, nkaka, kowelana, juwa, nkanda, kolula, kokabwana, kopona pona, koboma bato, kolangwa masanga, lokoso mpe makambo ya lolenge yango. ²¹ Nayebisi bino lokola nayebisaki bino liboso, bato oyo basalaka makambo yango, bakoyingela na bokonji na Njambe te. ²² Mbuma na Molimo yango oyo: bolingo, esengo, kimia, kokanga motema, boboto, malamu, kondima, ²³ bopolo, kokanga motema, mibeko epekisi makambo oyo te. ²⁴ Baoyo ya Yesu Chlistu, babwaka misala mia njoto mpe mposa na yango. ²⁵ Soki tojali na Molimo, totambola na Molimo. ²⁶ Tojala na lolendo te, totungisamaka te, tolukanaka kati na biso.