1 Pɔlu, ke le gakpamǝ ca gbe Yesu Kristo tɔ, kide mia nɔvi Timɔtéo gbɔ i wema ila co va nǝ Filemɔ, mia xrɔn kide mia hodɔ wǝtɔ. 2 Ŋǝ afia mia nɔvi nyɔrunvi, nɔ Achipa, mia xrɔ Ahɔawɔtɔ kide eha ke le bɔ le toho ŋná. 3 Amǝnuveve kiɗe ŋtifafa ke co Mawu mia dada kide mia xotɔ Yesu kristo gbɔa na nɛ kide mi. 4 Ŋdo akpǝmavɔ nǝ tiŋ Mawu. Un le ɗoŋu wó le tiŋ ɗexoxowo mǝ. 5 Un wɔ nuna ɗo unse bǝ erɔn ahotɔ Yesu, i xɔ ji se, i rɔn amǝ ke ŋti kɔa wo. 6 Un xoɗe bǝ tɔ xɔse ye ɗekawɔwɔ naŋi bribo nǝ nadesi enu nyɔŋgbin ke le miasi le Yesu Kristo mǝa. 7 Ɗo ŋkpɔ jijɔ sugbɔ kide ŋsindodo to to rɔnrɔn mǝ, ɗo xɔsetɔwo-jiwo kpɔ ŋusindodo to ejio, nɔvi. 8 Seyi jia, un ɗogbe le Yesu mǝ bǝ manú enuke eɗolawɔa. 9 Amá cagbǝ rɔnrɔn a tɔa, un ji bǝ maɗe kuku nǝwo (Enye amǝcici, Pɔlu ŋta, ke le gakpamǝ ca gbe kristo tɔ). 10 Un le biɔ enu ɗeka co egbɔwɔ ne eviŋe onesimǝ, ke ŋtrǝzú dada nin le gakpamǝ a. 11 Ɗo ɗeká, enyi amǝgbalé ɗeɗe, vɔa le efiamǝa enyi edɔwɔnu nɛŋǝ kide ewove. 12 Un dɔɛ ɗiɗao, ɗo ǝle veveɗe nɛ tiŋji. 13 Un ji bǝ matǝŋ xɔɛ de ɗekinye gbɔ, nǝ à le wɔ edɔ de tiŋtoho nǝ kpɛŋkpɛ le alɔ ɗɛŋ cagbe enyɔ nyɔŋgbin an tɔ. 14 Vɔa, nyɛnji bǝ mawɔ enuɗe le tɔŋgbǝo. Nyɛn ji bǝ mazin jio nɛ nawɔ enu nyɔgbiń o, vɔa to rɔnrɔnu faa me. 15 Ǝtanyɔ enu la idɔ bǝ woɗe le eŋuo hɔeɗeka bǝ nǝ ŋka bui o. 16 Uń kà gbǝ nyi amǝxexre o, vɔa anyo wu amǝxexre, nɔnvi rɔnrɔntɔ. Enyi rɔnrɔntɔŋ, i igbǝ nyi nɛ ewo ca le ŋtiran kide axotɔamǝ. 17 Seyi jia, nǝ unŋi tɔɔ xotɔa, xɔɛ sigbǝ enyɛ non enǝ. 18 Nǝ i je ago de deo, alo enukǝ àŋian, xɔe de tiŋkɔmǝ. 19 Enyin Pɔlu iŋrɔn enula, maatui nǝo. Nyɛin ji bǝ manu nǝo bǝ tɔɔgbǝa ŋi tiŋɛ́ o. 20 Ein, nɔvi na makpɔ viɗe hɔɛɗeka co egbɔ o cogbǝ axotɔatɔ. Na nɛ tiŋji najǝmǝ le kristo me 21 Ŋle ŋrɔn wema la ɗiɗao kide susu bǝ aaɗotoŋ, i ŋnyaɗɛ bǝ awɔɛwu sigbǝ nɛ ŋbiɔ co à sioa. 22 Nɛ ma sǝŋkpeà, tǝkpɔ i ji zɛnxo ɗɛŋ, ɗo bǝ ŋle kpɔ emɔ bǝ Mawu aɗo mianwosé ɗexowo ŋu i wa gbeŋdɛ nǝ mi 23 Epafra ca ke le gakpamǝ kide cagbǝ kristo tɔa ca ciwó. 24 Nǝnǝ kǝi, tiŋ hadɔwɔtɔwo Marko, Aristarke, dema kide Luka, ca ciwó. 25 Axotɔ Yesu Kristo ye amǝnuvǝvǝ na nɛ kide mian' gbɔngbɔn. ACƐ́.