¹ Yi ŋtsi nɔvi lɔnlɔn tsi wue tsi edji mɛ nun, djidjɛ ku efiɔ kuku ŋnyin,ɖo xɔn ŋtsi lɔ mi nɔn te sinsinɖe le axuetɔ mɛ, exlɔ vevi wo. ² Ŋɖe kuku nɔn Evodie kudo Syntyche tsi wue ɖo ayexa ɖeka le axuetɔmɛ. ³ Yi ŋtsi ŋle wotsan yɔkɔ,kplɔdotɔ ŋui le edɔwawa mɛ: kpeɖo nyɔnu exɔnwo ŋtsi.Ɖo wo wa edɔ kudo enyin nɔn ŋkɔ yiyi mawu nyɔn djadjra tɔ, Clement kudo edɔ watɔ tsi wo nyitɔ nyi wlɛn wlɛn ɖo agbe woma mɛ. ⁴ Mi djɔdji tɛgbɛ le axuetɔ mɛ. Ŋgbe nuike mi djɔdji. ⁵ Nɔn xixeɛ kpata nin djeshi domɛ nyɔn nyɔn mia tɔ.Axuetɔlɔ gogo. ⁶ Mi ŋgbe vɔn nɔn ŋɖeo. Vɔ lé énuwo kéŋkéŋ mɛ lɔ to gbé dodo ɖa kudo kuku ɖéɖé alo énunanan wo mɛ lɔ mi sɔ mian xien wo sɔ ɖo ŋkɔ nɛmawu. ⁷ Yi Mawu yo ŋtsi fafa tsi tsi nɛ yi kpatshɛ nɛ énuwo kéŋ kéŋ lɔ la hin mia djio kudo mia bukpɔ wo sɔ yi Kriso Yesu. ⁸ Nɔnvi kpɛtɛ wo énutsiwo yi nyi nyanwo énu tsi wo yi ɖo ashixɔxɔ énu tsi wo kéŋ kéŋ yi djɔ, yi kɔ, énu tsi wo kéŋ kéŋ yi wo ɖo nɔn lɔn lɔn na, kanɔn fu, nɛ énu ɖé xɔ ahi, nɛ éɖé djé kafukafu, Mi bu ta mɛ so énu xɔn wo ŋtsi. ⁹ Enu tsi wo yi mi kplan, yi xɔ, ui sé yi kpɔ to dji nyin lɔ, mi wa wo. yi mawu ŋtshi fafa tɔ lɔ la nɔn ku do mi. ¹⁰ Ŋkpɔ nɔn dji djoɛ gan gan ɖé lé axuétɔ lɔ mɛ ɖoŋtsi lɔ mi gbé trɔ wɔ mia vi ɖéɖéwo yéyé lé mɛngnin. Mi ɖo évi ɖéɖé nu san vɔ miŋdé ɖo émɔn nu kpɔkpɔ a kpéɖo ŋtsi nyin o. ¹¹ Ŋdé nyi éxian tsinyin ŋtshi yi ŋ lé nunuiɔ ɖo. ɖo ŋkpan djidjɔɛ mɛ nɔn nɔn lé nɔn nɔn mɛ wo kéŋkéŋ mɛ. ¹² ŋ nyan lé tsi yi wo nɔn éxian mɛ, yi ŋgbé nyan lé tsi yi wo nɔn énu nɔn amɛ shi lɛ. ɖé kpékpui ɖé lé énuwo kéŋ kéŋ lɛ lɔ ŋkplan énu wla wla: Létsi yi xodo la ɖɔ amɛ alo shivé la tsi amɛ, anɔn énu nɔn amɛ shi lɛ alo éxuian mɛ. ¹³ na tinŋ awa énu wo kéŋkéŋ to mɛtsi yi donɔn ŋsɛn ŋ mɛ. ¹⁴ Mi wɛ nyiɖé bé mi man vévé sésé tshi nyin wo kudoŋ. ¹⁵ Yi mi nyan mia philipitɔwo bé lé tɔtɔ dji ényan lɔ tɔ lɔ tsi ŋdjolé masé duané lɔ, tsɔtsi ɖé ŋdé kpé ɖo ŋtsi nyin lé énu nanan alo énu xɔxɔ wo mɛo tovo nɔn miwo. ¹⁶ kaka tsi ŋgbé lé Testaloniki, lɔ mi gbé sɔ énuwo nan nɛ xian xian tsi nyin wo. ¹⁷ Ŋdébé ŋlé énu nanan djiɔ yɔ vɔ ŋlé éku sɛnsɛn thi la nan bé mia o djénawo la sugbɔ lɔ djiɔ. ¹⁸ Ŋsɔ énuɔ wo kéŋ kéŋ yi ŋlé énu nɔn amɛshi lɛ énu ɖékpékpui ŋdé xué doŋɔ. Enu tsi yo yi mi sɔ dédaŋ wo lɔ ŋxɔ wo lé Dépaphrodite wo nyi anuwatrɛ tshi ɖo éŋuan adodui yi wo nyi avɔsa tsi nyɔn lé mawu yo ŋkuvi mɛ. ¹⁹ Tsan lɔ Mawu tsi nyin la nan mia késhi nɔn nu wo la dji ɖo dji, yi la ɖo mia xian wo ŋtsi nɔn mi lé ŋtsi kɔkué mɛ lé Yesu Kriso mɛ. ²⁰ Fiɛ lɔ Mawu tsi nyi etɔ non mi lɔ ŋtsi kɔkuɛ ni kaka sɔ yi mavɔ mavɔ lɛ . Nɛvamɛ. ²¹ Midogbé nɔn kɔkué tɔwo kéŋ kéŋ lé Yesu Kristo mɛ. Nonvi tsi wo yj lé gbɔ nyin wo lɔ wo do gbé nɔn mi. ²² Amɛ kɔkuɛ wo kéŋ kéŋ do gbé nɔn mi yi vévé ɖé amɛ tsi wo yi lé Séza yio xomɛ wo. ²³ Amɛnuvévé mia xuétɔ Yesu Krisyo tɔ la nɔn kudo miɔno kéŋ kéŋ. Nɛvamɛ.