¹ Pɔlu ku timothée yésu kristo wo édɔ wavio tsi wo lé philipe, édɔ wa ka éduwavié . ² Amɛ nu vévé ku ŋtsi fafa mawutɔ tsi nyi miado ku mia xétɔ yésu kristo. ³ Ŋdɔ akpé nɔn mawu tsi yi sɔ dɔ nɔn ŋkuvi mia dji gasiagamɛ. ⁴ Nɛn lé gbéda doɔ nɔn mia ŋwe nyi kudo djidjɔɛ. ⁵ Ŋdo akpé nɔn édu nɔn nɔn miatɔ lé ényɔn nyi so ŋkéké do gbué lɔ kaka nɔn fiɛ fiɛ. ⁶ Ŋkando dji bé amɛ tsi édɔ nyui lɔ dji lé miamɛ lɔ éla yi dji yi la vuɛ kumi kaka nɔn yésu kristo azangbé. ⁷ Elé yi yoté xé bé ma dɔ susu tsɛ so mia tsi dɔ ŋtsi tsi lɔ milé édji mɛ nu. mi nyi amɛ tsi we ku nyɛn kpoɔ nɔn é dɔ lé amɛ nu vévé mɛ tsi blablamɛ ku gakpamɛ nɔn aso do djési bé ényɔn nyui lɔ lé iotéxué. ⁸ Dɔ mawu nyi ku nu détɔ tsi nyɛn be ŋlɔn mi sugbɔ lé kristo yésu mɛ. ⁹ Ŋdo nɔn égbéɖa bé lɔn lɔn mia tɔ nɛn idji sugbɔ le sidjédjé ku énu gɔn mɛ sésé sugbɔmɛ. ¹⁰ Nɛn mia sɔ djro énumɛ nɔn énu nyui nɔn mia nɔn kɔkuɛ alo wo gbé kpɔ ŋdé se mia tsi wo lé kristo ozangbéo mi a dɔ ku sɛn sɛn djɔ djɔ nyi nyitɔ lé yésu kristo tɔ. ¹¹ Ŋtsikɔuɛ ku kafu kafu nɔn mawu fiɛfiɛlɔ. ¹² Ŋdji bé mia nyan bé (nɔviwo ) enu xɔn wo tsi va djilɔ énabé ényɔn nyuiftɔ yikɔ subɔ. ¹³ Lé éfiɔ du xoélɔ alo afibuɖé kpokpui nɔn wo gbé ŋlɔnbé wo nyan bé kristo tsi ŋlé bla bla mɛ do. ¹⁴ Yi amɛ sugbɔ lé nɔnvi wo mɛ lé axoétɔ mɛ lɔ woxɔ ŋsɛn ɖoɖo to blabla tsiɛn mɛ, yi wo va ɖɔ kankan dji gangan tsi wo ŋté vɔn nɔn sɔto nɔn mawu nyɔ. ¹⁵ Amɛ déwo, ényɔn bé xo nɔn nu xo ku ŋbia alo ény ɔn dɔn dɔn , vua amɛ wo wo wɛ nyi ku lɔnlɔn. ¹⁶ Amɛ tsi wo wɛ nyi kudɔ lɔn wo nyanbé wodɔ ma xɔ ényɔn do akɔn nɔn ényɔn nyui lɔ. ¹⁷ Vua amɛ déwé to nɔn kristo ényɔn nyui ku églo, ku nɔn mɛ tsi wo ŋtédjéo ku kankandɔ djio, wo bu nibé wo lé vévé sésé dɔ kɔ nu lé gɛ dɛlɔ wo mɛ. ¹⁸ Vua wo gbé wo lɔn kristo o ényɔn nyui lɔ éla nyi toto yi na édji djɔ nɔnŋ ɛ édji la gbédjɔ ké. ¹⁹ Dɔ ŋnyan bé éxɔn lɔ ékplɔ yi hlɛn gan gbɔ. Exɔn djɔ to mi wo gbé doda dji ku kpédɔ tsi gbɔ gbɔn yésu kristo tɔ. ²⁰ To énu mɛ toto ku kankan dodji tsibnyɛn éŋté ku enŋ, to vo lɔ ku ŋsɛn dodo sɔ tɛ gbɛ si gbé fiɛfiɛ xa nɛn nɛn ŋkando dji bé to ényin mɛn kristo la dɔ kafukafu , ŋlé agbé alɔ ŋku tsan. ²¹ Dɔ kristo enyi agbé tsi nyɛn yi éku nyi axi fɛnlu. ²² Nɔn lé agbé lé gbazamɛ a édɔ tsi nyɛn la dɔ sɛnsɛn, nyɛn té nyan ŋtsi na tsan. ²³ Dɔ ŋmadɔvé nɔn tsan tsan lɔ, ŋdɔ édjro ma djo le xixé tsɛ mɛ nɔn ma nɔn ku kristo ŋtsi lé azɔ gé yi nyɔn. ²⁴ Ganké a nɔn gbazamɛ lɔ ényɔn nɔn mi. ²⁵ Tsi ŋdɔ kankkan dɔ dji lɔ ŋnyan bé na nɔn yi la gbé kpɔtɔ a nɔn ku mi nɔn ŋkɔyi yi mia tɔ ku dji djuɛ lé xɔ sé mɛ . ²⁶ Ela nyi djuɛ nɔn mi bé mia a gblo lé kristo mɛ to ényɛn djilɔ amɛ nuvévé a sugbɔ lé ŋmɛn tsi nyɛn kudo mi. ²⁷ Mian agbé tsi sɔ kudo kristo ényɔn nyui lɔ. mi wa étsɛ wo nɛn ŋva alo ŋdo kpolɔ ma sé lé tsi mi kankan dɔ dji adedui lé gbɔn gbɔn dékamɛ. ŋdji la sé bé mio édɔ lɔ élé gbɔn gbɔn déka lé xɔsé ényɔn nyui lɔ tɔ mɛ. ²⁸ Mi ŋgbé vɔn nɔn miwo ékétɔ nɔn wo étsɛ wo nyi djési nɔn wo tsrɔn tsrɔn. Vua miwo a ényi djési nɔn miwo hlɛn gan tsi so mawugbɔ. ²⁹ Wo sɔ na mi to kristo dji ŋté mia kandɔ dji kpo évɔo nɔn mia du aya kudui. ³⁰ Nɔn mia wa akua tsi mi kpɔ yi wa nyɛn nyɛn tsi mi kpɔ tɔ lé sésékɔ bé na gbé wa nɛn nɛn.