¹ Chu akgskgeuni akilh chu taratlawa pulatamat Israel chu sakgalhil David laki xla natiaway aktúm tapultake nak pulatamat Israel. ² Chu David wanilh joab nachuna xa lak, puxkúm makgtagalnam kapitit chu katlawatit taputlakan nak pulatamat Israel, nak Beerseba chu anta nak dan chuna nakilawaniyaw laki akit nak katsiy xchalhukan. ³ Joab wanilh: wa PUCHINÁ kaltawa xmakgtakgalnan akgtúm ciento tlak lhanja. Chu wix kimpuxku ¿Ni put'um kaskujniman? ¿Tuku xpalakata litlawaputuna umá? ¿Tuku xpalakata liliminiya tapatín pulatamat Israel? ⁴ Chu xtachiwin Joab ni limak'wa chu xla kalhakaxmalti xtachiwín mapeksina. Chu Joab alh chu titaxtul xlakstipan pulatamat Israel. Chu xla taspitli nak Jerusalén. ⁵ Chu makatsimit xliputúm xmaktakgalnanín David. xwí nak pulatamat Israel aktúm millón akgtúm ciento mil lak´chixkuwen wanti xtalanangoy judá manwa xkgaliy akgtati ciento tutumpuxamakaw makgtakgalnanín. ⁶ Chu Joab ni lakgatilh guantú mapeksina xtlawanit, ni kaputlakgel xlilakgapasni Leví chu Benjamín. ⁷ Dios nilakgatilh wantu xtlawanit David, chu ka'akgastakyawal xpulatamat Israel. ⁸ David Wanilh Dios: "Wantú akit tlawnit limakglhakagalinanit. Chu kakimatsankeni xpakata ni tlan wantu tlawanit." ⁹ PUCHINÁ wanilh Gad xmaktsinina David: ¹⁰ "Kapit chu kawani David: Wa uma wantu PUCHINÁ chiwinan. nakmaxiyan akgututu lilak'sakni xa tapatín. kalaksakti akgtú." ¹¹ Chu Gad lhakal David chu wanilh: "PUCHINÁ chune wan:" Nakmaxiyan akgtutu lilak'sakni xa tapatín. Kalaksati akgtún." ¹² Akgututu kata katatsinksni, akgutut papa' akgxni na kaputsastalayan mintara tlawanakan, chu nakalimakn'yan spada, chu par wa akgtut kilhtamaku spada PUCHINÁ, wa uma ta'akgastakwan nak katiyatni, wanti xmakatsinina PUCHINÁ nakamasputuy xpulatamat Israel chu kalasakti wantú lakaskina chuna akit nak kuaniy wanti kimakaminit ¹³ Chu David wanilh Gad: "Nak Katalipuwan akit kui" Nak xmakan PUCHINÁ kak tawi xpalakata xtalakgalhamán snu lanka, chu ni xmakan chatúm chixkú kak tawí. ¹⁴ Chu PUCHINÁ makamil akgtúm lhiakastakyawan nak pulataman Israel chu tutumpuxamakaw mil karsiano nikgolh. ¹⁵ Dios makami chatúm xmakatsinina PUCHINÁ nak Jerusalén laki na kamasputuy Akxni xmaja masputuy, PUCHINÁ ukxli chu Wanilh: "Katachokgo" ne tu kakatlawani" Ama xmakatsinina PUCHINÁ xya nak katakuxtu anta nu xlagswakakán tatlsi xla Ornán, wa Jebuseo. ¹⁶ David talakakil chu ukxli xmakatsinima PUCHINA pi xya nak katiyatni chu nak akgapún; xchipanit akgtúm spada chu kstonknit xlakni Jerusalén. Chu David chu xa lak puxkún xlakakgonit lhakat xla talipuwan chu takiputakgol chu lipuwankol. ¹⁷ Chu David wanilh Dios: ¿Ni akit wanti mapeksinal laki nakaputlakakán maktakgalnanín? Akit tlawa uma wantú nitian. ¿Chu uma lakchixkuwén tuku tlawakgonit? ¡PUCHINÁ ki Dios! Ni kaka'akastakyawa uma pulatamat. Kakpatina akit chu kililakapasni. ¹⁸ Xmakatsinina PUCHINÁ limapeksil Gad pi xwani David, pi xal chu xkaxtlawa akgtúm pulilakgachixkuwín xla PUCHINÁ, nak katakuxtu iha xa ihukun lilakgateín, chu paklat wantu xmaklakaskinkán antá ni xlakswakakan taltsi, cgu taltsi xla trigo; akit nak maxiyán." ¹⁹ Chu David alh chu tlawa chuna lha Gad limapeksil nak xtakuwini PUCHINÁ. ²⁰ Akxni Ornán xlak'swakama taltsi xla trigo. Lalakaspitli chu ukxli xmakatsininá PUCHINÁ. Xla chu xkgaltati xlakgawasan tatsekgolh. ²¹ Akxni David lakmi Ornán, chu xla ukxli pixmima David, chu lakgtakriputalh. ²² Chu david wanilh Orn´sn "kakistamaxi umakatakuxtu antá ni lakgswakgakán taltsi lakí akit nak kaxtlaway akgtúm pulilakgachixkuwit PUCHINÁ, llan nak xokgoniyán uma kimpulataman. ²³ Ornán Wanilh David: "Kachipa mila kawa kimpuxku. Katlawa chuna la wix tlan lakpuwan. Nachuná nak maxiyan wakax lakí na makamastay." ²⁴ Chu puxku David wanilh Onán:" Akit nak xokgoniyan chuna lha lak'chan. Ni kaktimakamaxi lha xa lhkun lilakgateín PUCHINÁ wantu ni nak xokgniyán." ²⁵ Chuna maxkilh David, Ornán akgchaxán ciento tumin xla oro xpalh ama katakuxt: ²⁶ David kaxtlawa akgtúm pulakgachixkuwin xla PUCHINÁ antá ama katakuxtu chu makamastalh xa ihkún lilakgateín, chu lilakateín xa takaksni. Chu xakgatlilh PUCHINÁ chu xla likgalhtilh lhkuyat nak akgapún chu taktalh xkgalni ama xa lhkun lilakgatein. ²⁷ Chu PUCHINÁ xakgatlilh xmakatsininá chu xla makilh spada. ²⁸ Akxní David ukxli pi PUCHINÁ xkgal. pi PUCHINÁ xkgalhtinit nak katakuxtu anta ni xlakgs wasakakán taltsi xla ornán, wa Jebuseo, chu anta xla lakachixkuwin. ²⁹ Ama kilhtamaku, xpumakín talakaxlan xla PUCHINÁ wantú Moisés xtlawanit nak xa kaskakn tiyat chu ama pulakgachixkuwín xla lilakgateín wantu lhkuyukán, xwilakgolh nak Gabaón. ³⁰ Chuna chu David ni lay xtalakatsuwiy antá laki na skiniy xtamaktey Dios, xpalakata xmakpuwaniy sapada xmakatsinina PUCHINÁ.