¹ N'holeli walani ofentiya Gaio, yole non'fen'taka vekweli. ² Ofentiya, kiinalepela wera orwa oholo mwethu tjotene, ni ekumiya erwe oholo n'toko n'nepa. ³ Kontha kihokhala opheliya ventji wawaliyaka asun'na ni avahaka namona ekwelha, mwenan'na enetha mwekweli. ⁴ Ni akirina otteliya ventji n'toko n'no: Winwa wera asanaka anetha mwekwelini. ⁵ Ofentiya, ovare n'teko sana mahuku ottene mwaha wasun'na, yanakhalaka athu oowa. ⁶ Yale an'vaha namona nifetona eriyari yomakeretja. On'rwa opanka sana, waruma ekwaha wenan'na yorerela ya N'luku. ⁷ Kontha mwaha wontjina nawawe pikhumaliya, wohakela ethu mwa malapo. ⁸ Nihana, vano, nakhen'laka asun'nayo mo wera nikhale athu an'vara n'teko wo kweli. ⁹ Mi kihan'ttikha n'thava kivahen'raka ekeretja, masi Diotrefes, n'fen'ta okhala opatjera wariyari khan'nakhen'la. ¹⁰ Thimana, ni kawakavale, kinahala hupuwela miteko tjivara, kontha yena nalaliya nulumo masi wowiwanana him. Ni, kihithenliyaka mwaha tjenyo tjithunyo tjiniranyanyo, ni yoyo Diotrefres khanakhenla asun'na we, ni nawatteliha ale an'phela opanka, omalaka n'hina n'keretja. ¹¹ Ofentiya, ohitakihe yottakhala, masi yorera oole n'panka yorera ooyo ri a N'luku; oole n'panka yoottakhala khamonale N'luku. ¹² Vano Dimetrio, ooyo nnamwakhen'la namona orera mwathu oteene, n'pakha ekelheneyo. Him vanotja ninavaha, ni we atjuwela wera namonehum ri ekweli. ¹³ mi kihana tjithu tjintji tjophela owantikela, masi akinphela wera kipanke n'thava passi. ¹⁴ Masi kinawanriha phiyaru, ni wera nulumo ni wehantjaka. ¹⁵ N'rettele okhale ni we asipathanya ahovahera samoma, ninahusenliha asipathani, wa khula n'motja nintjinanawe.